Apocalipse 8:10 - Tradução Bíblica Pacaas Novos

¹⁰ On ac cain na caji taracom nucun xucun ma', co ja' corom mao non ma', ma' 3 pin ac caca na jam co on nanain ma'. On iri nain ne, pan' qui' ac cain pawin na cote ca pijo'. Weo tamana na xe nucun. Pan' mao um terço pin nain oro iri' cwerein com je oro ca hoi hoi ne com ma' quem.

Apocalipse 8:10 Iomraidhean Croise

Mateus 25:1

Tomi' ac caparut na: Carawa ca ara ta' ne pain ca in qui' ta' ta' ca', pain ca taramaxicon pin ta' ta' ca', an xiho' tarain carawa ca ara nanam oro mon xojam' co winim' xun nonon wari' co an ta' narima' ma'. Ma' 10 nana oro mon xojam' co winim' xun nonon. Cut nanain naran nequequem, maji xuruxut cam' xun e' ac cacama na.

Lucas 10:18

Tomi' ac tococwa na: Taxi' inon Caxicon Jam ma', co taramaxicon pe ho' nonon oro caxicon jam ma'. Querec inon pain ca pan' qui' hap cain pawin pane. Ac comerem pain ca coc wein ca pain pawin na, ac i ma' na ca pan' qui' hap ca pane.

Judas 1:13

An xiho' nanain cote ne com ma', pain ca wap tamana ne com pain camana' ma'. Wap iri na ne, an to pin ac nein na oro homirinain pain ca toroto nein pain cacarain com pain namaji. Ac i ma' nana caram ma' quem, xi om ne oro ca pan teretem nucucun ta. Wixipa' xirara. An xiho' nonon oro pijo' co ac ni ca' nain wanaxicon quem. Wara coromicat an pe mi' tata pain ca jitacat tamana nein xim ta. To cara ac cacain i cain tara ta.

Apocalipse 1:20

Tomi' xo' xim inem con oro pijo' pain oro ca mam' tom pe ne naran ca' quem. Ma' na ca tomi' mao nucun oro pijo' co ma' 7 cwa', co querec ma cwa', co cut ta' pain mu pain iri' cwere ca'. Ma' na ca tomi' mao nein ca mam' tom pe ne naran ca' quem, ca ma' 7 ca'. Oro pijo' cwa', co ma' 7 cwa', tomi' joc mam' mi' nonon co an xin tiquin' mi' nonon pain ca tomi' ne oro co howa to nanain oro cidade ca ma' 7 ma'. Oro ca mam' tom pe ne naran ca' iri na ne, ca ma' 7 ca' quem, tomi' joc mam' mi' nonon oro co cut in xucucun pain ca howa cacapa' ma', co to nanain oro cidade nucucun ca ma' 7 ma'. Ac i ma' na ca tomi' capa' ma'.

Apocalipse 12:4

Pain cahurucun ma', mam' wap camara' um terço pin non pijo' co to nain pawin. Wixicaracao' camara' mi' non pain macan'. Hwet pin ac cam na narima' ma', co pan' ta' cawinacam ma', xat quima hwet ac cam na, winim' ac cain na ca pan' nucun cawinacam. Ma' ta cao' pin ton ta na.

Apocalipse 14:7

Tomi' mip ac ca na: Tomi' ha' jun Iri' Jam ta. In ac jun pain ca hwara' opa tamana nucun. Xi maqui' pin ara ne xec nein ca wap toton cocon oro caracat. Pe torotop mi' querec te jun co ma' co quep nain pawin je macan' je cote ne com je oro ca hoi hoi ne com ca weweweo qui' nain macan' ta na ca tomi' ca ma'.

Apocalipse 16:4

Mao ac ca na xucun ma', co ja' corom mao nonon win ma' ca ma', ma' 3 pin ac caca na jam co mama' nana. Ji'ao pin ac cain na ca xirac wa ca moin' pe nain too nucun. Ji'ao mi' nain pain oro iri' cwerein com je oro ca hoi hoi ne com ca weweweo qui' nain macan'. Ji'ao mi' iri nain pain ne, wic pin ac ne na quem.

Apocalipse 6:13

Camara' qui' ac cain na pawin oro pijo'. Win ne ca camara' ne orowaji memem pain ca nuru mip ne camana' ma', ac i ma' na ca camara' hwet cain macan' oro pijo'.

Apocalipse 8:7

Xucun ma', co on cain' ta' ma', on ac cain na. On iri nain ne, wixicaracao' camara' mi' ac xine na pain macan' caji pacun nein xowi'. Wixicaracao' camara' mi' ta pain macan' xe ca joc wanan xine pain wic quem. Wiran um terço pin ac xine na macan', je oro pana, je oro tononoin ma'.

Apocalipse 9:1

On ac cain na caji taracom nucun xucun ma', co ja' corom mao non ma', ma' 5 pin ac caca na jam co on nanain ma'. On iri nain ne, querec ac ton na co ma' co ac pijo' ma', co wara pan' hwet nain macan'. Mi' ac tocwa na pain ca mam' pa xine capijain cote ne man ca om tawirinain.

Apocalipse 9:15

Tacom' horohot pin ac tococwa na. Wara awori xo' nana, xi om ne ca wara an pe xo' pan ara cain ca coromicat nucun Iri' Jam pane ta. Wara an pe xo' nain jamicon xina pain xec con panawo' pain cawaxi' ma' quem, pain ca to' parapa' um terço pin xun tococwa oro wari' ma'.

Apocalipse 9:18

To' parapa' um terço pin ac tococwa na oro wari'. Mam' to' parapa' tata pain oro ca xirac wa ca ma' 3 ma', ca hwerehwet qui' nain capijain cavalo ma', je tain' pain xe pain pacun ca weo ma'.