Apocalipse 7:4 - Tradução Bíblica Pacaas Novos

⁴ Taraju ac ton na co tomi' hwet nain ca mija nucucun ma', co xirao' wawa pain ca mam' xirao' nucun Iri' Jam pain jitaracocon ma'. Ma' 144.000 nana ta na. Wari' nucucun oro waram winacon Israel pi' pin nana ta na.

Apocalipse 7:4 Iomraidhean Croise

Mateus 19:28

Ame hwe e' ac caparut na. Maqui' cain' tara xec nein ca quep xocori pin tain cain oro carawa pain macan' ta na Iri' Jam ca'. Xao pe ho' pin ac tain tara ca mam' xao pe ne pain ca taramaxicon pin ta' ta' ca'. Wata' pain ca Iri' Wari' ta' ca', taramaxicon hwara' opa pin ac ta' tara ta. Awi tamana tara ca taramaxicon ne. Taramaxicon wi ac mahu' tara quem. Wahu' pain ca taxipa' mahu' ma', xao to xao to xam' ac hwein tara ca mam' xao pe nucun taramaxicon. Ma' 12 tara ca mam' xao to nuhu' pain ca taramaxicon wi mahu'. Taramaxicon to ho' ac huhun tara waram winacocon mana panxica Israel cara pane, co ma' 12 nana cara pane. Tomi' iri'o' inuhu'.

Lucas 14:22

Mao ac ca na, o qui' ac tococwa na. Tomi' ac con na taramaxicon nucun: O qui' paxi' inonon ta. Win ne ca tomi' mapa' ne non. Ane ma' ma' wet ne ca xao pe ho' ac xine pana ca mam' cao' to wa ne non.

Lucas 22:30

Cao' querec te to ho' ac xijexi' tara pain ca taramaxicon pe ta' ta' cain. Xao to ac hwein tara ca mam' xao pe nucun taramaxicon, tomi' querec tomi' querec ac huhun tara pain oro ca ara nucucun waram winacocon mana panxica Israel cara pane, co ma' 12 nana cara pane na ca tomi' tococwa ma'.

Atos 26:7

Howa howa pi' pin nanain ca wara tomi' pe nucun oro win judeu iri' cwa', pain ca ma' 12 ne ca xucun wari' iri' pain ca iri' hwanana ne xun Israel cara pane. Winim' winim' xam' irin ca hwet pin ta' ne ca wara tomi' pe nucun ca'. Je ca pe torotop mi' taxipa' xun ca'. Maqui' nain iri' ximixi' pain ca tomi' ho' tomi' ho' xun pain ca in ac xun ca'. Ac i ma' ina quem, howa inon Iri' Jam pain ca ara tain cain ca wara tomi' pe nucun ta taramaxicon Rei Agripa. Ane tomi' em' pan cacapa' oro taramaxicon nucucun oro win judeu iri' cwa' ne. Tomi' em' pan nanapa', xi om ne ca howa ara tain ca wara tomi' pe nucun Iri' Jam ta, ac i ma' na ca tomi' con taramaxicon Agripa Paulo ma'.

Romanos 9:27

Pijim' nonon oro waram winacon Israel Isaías cara pane quem. Ca' na ca pijim' cocon pane: Mija paxi' nana waram winacon Israel. Ac namaji pain cacarain cote ne com paxi' nana pain ca tamana nucucun. Ane to' witan paric e' xun tococwa ne.

Tiago 1:1

Tiago ina pain ca xirao' mi' xuhu' ca'. Taramaja mi' e' inon Iri' Jam con Taramaxicon nexi' Jeju Cristo. Xirao' mi' inuhu' pain ca judeu iri' ca', pain ca wawaran to hwein oro xijein macan' ma'. Tomi' querec te inuhu' ta.

Apocalipse 14:1

Noro ac ta' na, querec ac ton na co ma' co ac Wijimain Taramaji Ovelha ma'. Xat pe nain tamain pacun ma', ca Sião caca oro wari' ma'. Ma' 144.000 nana wari' co coco' to ho' nonon quem. Wara xirao' to tata pain jitaracocon pain wixicon co ma' co ac Wijimain Taramaji Ovelha ma', je pain wixicon Cote ca quem.

Apocalipse 14:3

Oro wari' ma', co ma' 144.000 nana ma', com ac cacain na xocori tamara'. Coco' quima hwet nanain ca mam' xao pe pe ca Iri' Jam ma', cocon caram ma' co e' nana ma', co ac jam paxi' nana ma', co ma' 4 nana ma', cocon oro taramaxicon ma' quem, je ca com to cacain xocori tamara'. Om ca taxi' xixi' na ac cacain oro xucucun wari'. Xica' to nana caram ma' co ma' 144.000 nana ma', co to' witan ca' wawa cocon oro caracat co to nanain oro xijein macan' ma', xica' to nana caram ma' co com taxi' nanain xocori tamara'.

Apocalipse 7:5

Ma' 12.000 nana waram winacon Judá. Ma' 12.000 nana waram winacon Rúben. Ma' 12.000 nana waram winacon Gade.

Apocalipse 9:16

Mija nana oro soldado nucucun quem. Ma' 200 milhões nana ta, ac i ma' na ca taraju ta' pain ca tomi' hwet cain ca mija nucucun ma'.