Apocalipse 7:10 - Tradução Bíblica Pacaas Novos

¹⁰ Merem mip ac caca na: Tomi' querec te xun Iri' Jam nexi' cwa', co xao pe pe nain ca mam' xao pe nucun ma', Tomi' querec te xun co ma' co ac Wijimain Taramaji Ovelha ma' quem. Wiricoco nana co to' witan nanapari' ta. Ac i ma' na ca merem mip caca ma'.

Apocalipse 7:10 Iomraidhean Croise

Lucas 3:6

Oro wari' pain oro xijein macan' ma', querec pin' ac cocon tara Iri' Jam pain ca to' witan taxi' capari' pain ca wari' nexi' ca'. Ac i ma' na ca xirao' pe ca Isaías pane.

João 1:29

Xec pin iri na ne, querec ac con na Jeju João ma', pain ca xut hwet ton con ma'. Tomi' ac ca na: Noro jun co ma' co ac Wijimain Taramaji Ovelha nucun Iri' Jam ma'. Mi' pin pe rain maxicocon oro wari' ta non Iri' Jam pari'. Win ne wijimain taramaji ovelha ca mi' pin pe nain maxixi'. Xic am pin tain nain ca caracat nexi' ta na ca tomi' ca ma'.

João 1:36

João ma', querec iri non Jeju pain ca xut tiquin' ca ma' ne, tomi' ac caparut na: Noro jun co ma' co wijimain taramaji ovelha nucun Iri' Jam ma'. Win ne wijimain taramaji ovelha ca mi' pin pe nain maxixi' ta naparut.

João 4:22

Wahu' pain ca wari' nein Samaria hwe ma', om ca querec pin' hun co in ac hwe. Warut pain ca judeu urut ca' iri na ne, querec pin' urut con co in ac urut. Xi wara coromicat mi' pan ara caparut pain ca coromicat an pe xo' cain ca param nucun pane, pain ca to' witan toton oro wari' ta ca pain cara pane. Win ma' nuxut pan tara co to' witan ca' toton nonon pain ca caracat nucucun oro wari' ta.

Efésios 2:8

Je ca tomi' xuhu' ca': To' witan e' nuhu' Iri' Jam pain ca xiram pa' nucun pahu'. Xi om ne ca howa ara hun ta. Om ca mam' to' witan cuhu' pain carawa ca awi ca ara xi' paxi' hwe ma', om na. To' witan e' pan nuhu' ta.

Apocalipse 12:10

Taraju ac tain na ca tomi' wa ca maqui' nain pawin. Tomi' mip ca' na: Maqui' pin iri na xec nein ca to' witan pin toton oro wari' ne ta na Iri' Jam nexi', je pain ca tomi' joc mam' mi' cain ca hwara' opa nucun, je pain ca Taramaxicon pin ca ca'. Maqui' pin iri na xec nein ca tora' ca Cristo ma' quem, pain ca hwara' opa pan ca pain ca Taramaxicon pin ca ca'. Xi xin hwet pin ara tocwa co ma' co xina non Iri' Jam ma', co tomi' em' taxipa' nonon oro xerexi' pain xec je pain xim quem.

Apocalipse 19:1

An hwet mi' iri napa' pain oro ca hwet pa' tain nain Babilônia ne, taraju ac tain na ca tomi' pa tamana wa. Ac ca mija caca na oro co tomi' querec te xucucun pain pawin ma'. Merem mip ca' nana: Aleluia! Tomi' querec te xun Iri' Jam nexi' cwa'! Wirico co to' witan napari'. Tomi' hwet xin ca awi tamana nucun. Querec pin' xun pain ca hwara' opa tamana nucun.

Apocalipse 21:5

Tomi' ac ca na co ma' co xao pe pe nain ca mam' xao pe nucun taramaxicon: Ara xocori ara xocori pi' pin inain oro carawa ta na. Tomi' tomi' tiquin' na quem: Xirao' rain oro ca tomi' xim cara ne. Iri'o' na oro ca tomi' ne. Om ca mixein ta', na e' na pain ca howa cacapa' pain ca tomi' ne oro wari' ta. Ac i ma' na ca tomi' ca co ma'.

Apocalipse 22:3

Om tarain cidade nucun Iri' Jam oro ca tomi' noro ca, om tatara oro wari' co tomi' noro ca quem, om om tara oro ca om querec awi non. Pe tarain i ma' ca mam' xao pe pe ca Iri' Jam con co ma' co ac Wijimain Taramaji Ovelha quem. Oro co taramaja mi' e' nonon ma', pe torotop mi' querec te totoron quem.

Apocalipse 4:6

Pe quima hwet nain ca mam' xao pe nucun cote ne com ma' quem. Ac ca mam' querec ca jamu wa paxi' na. Awi tamana na, om na homiri, om ca tocohon camain' ne. To nanain ximijain caram ma' co e' nana ma', co ac jam paxi' nana ma'. Ma' 4 nana. Mija na tococon, to to xam' na tococon pain quimacocon, je pain waracocon. To to mam' pin nanain ca mam' xao pe nucun taramaxicon ma'. Pe nain quimacon xucun, pe nain waracon xucun, pe nain quiricon xucun, pe nain xijein quiricon xucun ma' quem.

Apocalipse 5:7

Co ma' co ac Wijimain Taramaji Ovelha ma', xut hwet ac con na iri' Taramaxicon co xao pe pe nain ca mam' xao pe nucun ma', an ca' ac con na pain tapari carawa ca joc top ma'. An ca' non pain micon ma', pain iri' curucun ma'.