Apocalipse 6:13 - Tradução Bíblica Pacaas Novos

¹³ Camara' qui' ac cain na pawin oro pijo'. Win ne ca camara' ne orowaji memem pain ca nuru mip ne camana' ma', ac i ma' na ca camara' hwet cain macan' oro pijo'.

Apocalipse 6:13 Iomraidhean Croise

Mateus 24:29

Pain oro xec ma', pain ca win pi' pin ne ca jain jain tamana nucucun oro wari' ma', mixem pin tara tocon xina. Toha toha om pin tara panawo'. Camara' qui' tarain pawin oro pijo'. Cocoroc cocoroc pi' pin tara oro coximinain pawin quem.

Marcos 13:25

Camara' qui' tarain pawin oro pijo'. Cocoroc cocoroc pi' pin tara oro coximinain pawin quem.

Lucas 21:25

Hwerehwet qui' tara oro carawa ca to' querec pin' ton nonon oro wari' pain ca maqui' ta' ne ca om awi camain' wa ta ac tococwa na. Hwerehwet qui' tara con xina con panawo' con oro pijo' ma'. Oro wari' pain oro xijein macan' ma' quem, jain jain tamana tatara pain ca ximin nucucun. I'ina tamana tara ximicocon pain ca jein mama' xi' caca pain ca iriman mip ne hotowa pain cote ne com pain ca mana' nein ma', je pain ca wap tamana nein ma' quem.

Apocalipse 9:1

On ac cain na caji taracom nucun xucun ma', co ja' corom mao non ma', ma' 5 pin ac caca na jam co on nanain ma'. On iri nain ne, querec ac ton na co ma' co ac pijo' ma', co wara pan' hwet nain macan'. Mi' ac tocwa na pain ca mam' pa xine capijain cote ne man ca om tawirinain.