Apocalipse 6:12 - Tradução Bíblica Pacaas Novos

¹² Querec ac ton na co ma' co ac Wijimain Taramaji Ovelha ma', pain ca pa cain wirain ca hupa' caho' nein tapari carawa ca joc top ma', ma' 6 pin ac ne na ca pa nein. Pa pin iri nain ne, cocoroc mip ac ne na macan'. Mixem pin ac ne na tocon xina. Iri' mixem na, win ca wom co mixem mip ma', ac i ma' na ca mixem pin ne tocon xina. Paca' pin ac ca na panawo'. Win ne wic pain ca paca' nein ma' quem, ac i ma' na ca paca' pin ca panawo'.

Apocalipse 6:12 Iomraidhean Croise

Mateus 11:21

Wa inuhu' me oro wari' co to nanain Corazim ma'! Wa inuhu' me oro wari' co to nanain Betsaida ma' quem! Ximin hwe. Wap tamana turuhu' Iri' Jam ta. An hwet mi' paxi' inuhu' pain ca hwara' opa ne ca', querec paxi' mahu' pain ca ara tain oro ca om ara taxi' ne ca wari' wa ca'. Ane om cwirin' je ha' hwe ne. Mo xi an hwet mi' ac i ma' toton pain ca hwara' opa ne oro caracat co to nanain Tiro je Sidom cara pane, wara cwirin' pin ac caca xira pain cara pane, wara to ac cocon xira caxicon wom, wara maxoc pa' ac xucucun xira pain topacon pain winacocon pain ca an hwet pe cacain ca cwirin' pin cacain ca pan teretem nucucun pane quem, ac i ma' paxi' xirara pane.

Mateus 24:29

Pain oro xec ma', pain ca win pi' pin ne ca jain jain tamana nucucun oro wari' ma', mixem pin tara tocon xina. Toha toha om pin tara panawo'. Camara' qui' tarain pawin oro pijo'. Cocoroc cocoroc pi' pin tara oro coximinain pawin quem.

Mateus 24:7

To' parapa' caracan ac xucucun tara oro wari', oro taramaxicon nucucun ma' quem, mana' caracan ac xucucun tara. Jain jain tamana tatara oro wari' pain oro xijein macan'. Om pin tara oro carawa ca cao' wa. Cocoroc tamana tara macan'.

Mateus 27:45

Tocon xina pin iri na ne, xim pin ac ne na. Iri' xim na, xim xim pi' pin na pain oro xijein macan'. Piquirim pin iri na xina ne, pain 3 hora ma', toha pin mami' ac ca na quem.

Mateus 27:54

Taramaxicon ma', cocon oro soldado nucun co querec wet nonon Jeju ma', querec iri nanain ca cocoroc ne macan' ma' ne, querec iri nanain oro ca ara ne con Jeju ma' ne. Jin' tamana ac caca na. Iri' Panxica Iri' Jam ca ma' ira nana.

Mateus 28:2

Ane ane cocoroc mip ac ne na macan', xi quiji' qui' ara cain pawin jam co taramaja mi' non Iri' Jam ta. Xut hwet ac cain na manain pacun, joc panajao' pin ac cain na pacun ca tao' pa' nain manain ma', xao pe ac cain na pacun ma' quem.

Marcos 15:33

Tocon xina pin iri na ne, xim pin ac ne na. Iri' xim na, xim xim pi' pin na pain oro xijein macan'. Piquirim pin iri na xina ne, pain 3 hora ma', toha pin mami' ac ca na quem.

Apocalipse 11:13

Piri' mama' iri nana ne, cocoroc mip ac ne na macan'. Jao horohot um décimo pin ac ne na oro xirim ma', pain Jerusalém ma'. Cono' 7.000 ac caca na oro wari' quem. Co witan ca' nanain ma', jin' tamana ac caca na, in ac tamana ac cocon na Iri' Jam co pe pawin ma' quem.

Apocalipse 16:18

Coc wein ac ca na comerem ma', toroho mip pan na comerem quem, mija na. Cocoroc tamana ac ne na macan' ma' quem. Pain ca xo' ma' ten qui' caca oro wari' pain macan' pane, om ca cocoroc mip ac i ma' ne ira. Je win cocoroc mip tamana ne pain xocori ca'.

Apocalipse 16:8

Mao ac ca na xucun ma', co ja' corom mao nonon win ma' ca ma', ma' 4 pin ac caca na jam co mama' nana. Ji'ao pin ac cain na ca xirac wa ca moin' pe nain too nucun. Ji'ao mi' non pain xina. Ji'ao mi' iri non pain ne, mi' ac tocwa na pain ca xain mip cocon oro wari'. Ac xe nonon xina.

Apocalipse 8:12

On ac cain na caji taracom nucun xucun ma', co ja' corom mao non ma', ma' 4 pin ac caca na jam co on nanain ma'. On iri nain ne, to' em' um terço pin ac tocwa na xina con panawo' con oro pijo'. Mixem um terço pin na xina pain xec, mixem um terço pin na panawo' con pijo' pain xim quem.

Apocalipse 8:5

An ac cain na too ca mam' tom pe xine waraqui pana ma', cut ho' moin' ac cain na pain tirijein xe ca to nain pana ca in ac pe tocwa Iri' Jam, wixicaracao' camara' mi' ac cain na pain macan' ma' quem. Toroho mip ac ca na comerem, mija na. Coc irija' ac ca na, cocoroc ac ne na macan' quem.