Apocalipse 6:11 - Tradução Bíblica Pacaas Novos

¹¹ Mi' mi' xam' ac tococwa na con wom co towo'. Ame cain' hwe e', ma' ma' wet ara xi' nana oro xuruhu' co win howa hwe ma', co taramaja wi nunuhu' pain ca taramaja mi' mahu' ma'. Xam' cain' tatara pain ca to' parapa' pin xun wawa, win xihwe ma', ac i ma' na ca tomi' tococwa ma'.

Apocalipse 6:11 Iomraidhean Croise

Mateus 10:21

Ma' tara wari' co tomi' mi' ton non cocon oro taramaxicon cwaji' ca ma'. Mon cwa' aji' cwa', to' pa' pin jun ta totoron. Ac i ma' tara co wanxi' ma' quem. Mon cwa' panxita' cwa', to' pa' pin jun panxita' cwa' totoron. Ac i ma' tatara mana panxica wari' ma' quem, noc pin totoron cote caca cacam jicocon ma', to' parapa' pin ac tacacama tara quem.

Lucas 15:22

Om na ta arain ac con na cote ca. Harahap je e' ac tococwa na co taramaja mi' e' nonon ma'. An qui' jun iri' wom ma', co awi tiquin' ca' non oro xucun wom pain xuru ca'. Pe jun con panxita' cwa' tata. Pe jun pain micon anel, pe jun pain caximacon caji caxim ma' quem ac tococwa na.

João 16:2

Mana' hwerehwet ca' tuturuhu' pain oro xirim ca cut in to xujuhu' ma'. Om ta corom mami' ac hwein. Om ta xica' pe ne ca mana' hwerehwet cucuhu' quem, main ma' tatara co to' parapa' pin xim nunuhu'. Coromicat ximama' tatara quem: Ara urut pain ca param nucun Iri' Jam pain ca to' parapa' pin urut cocon caram cwa' ta tatara pain ca coromicat pan teretem nucucun pahu'.

Atos 20:24

Je i ma' ira ina ta. To' pa' ma' tatarapa' ne ina. Om ca xiram pa' xije. Ma' xica' pe na carawa ca param ta' ca', param e' inain ca ara ara pi' pin wa ca taramaja ne ca ara ra capa' Taramaxicon nexi' Jeju cwa', pain ca pijim' mi' roron pain capijacon Iri' Jam oro wari' ta capa' pane. Je ca tomi' xuhu' ca', tomi' hwet toton pain capijacon Iri' Jam oro wari' ta. Tomi' hwet toton pain ca xiram pa' capari' Iri' Jam ta. Om xi xiram pa' capari', xi awi iri' ta. Ane xiram pa' e' capari' ne.

2 Tessalonicenses 1:7

Ara xo' na pain ca to' om pin tain cain ca jain jain nuhu' pain ca quep em' xihwe ma' quem. To' om pin tarain ca jain jain nuhu', to' om pin tarain ca jain jain nuxut ca' quem, pain ca aram aram quiji' qui' tain cain pawin Taramaxicon nexi' Jeju. Maqui' wi tara pain ca weo nein xe. Ja' ja' totoron oro jam co taramaja mi' nonon ma', co hwara' opa nana ma'.

2 Timóteo 4:7

Pain ca taramaja mi' ton Iri' Jam ca', om ca nain ho' camain' tain cwere pain ca taramaja ne. Om ca taramaja nene camain' ta'. Ara ara pi' pin inain oro ca taramaja ne ca mi' capa' pane. Howa cara inon quem, om ca an pe camain' ton.

Hebreus 11:40

Xi ma' ara ne ca coromicat xo' mi' capari' cocon ta. Awi tiquin' ca' nain ca wara coromicat xo' mi' tococwa oro hwanana cara pane. Ca' na ca coromicat xo' nucun pari': Om ta ara mi' ho' toton pain ca wara tomi' pe ne ca' napari'. Winim' xuhu' pain ca aram aram howa xim mahu', to' hohot wi ac xuhu' cocon tara ta napari'.

Hebreus 12:23

Wixicam huhun oro co cut in xucucun pain ca howa cocon Jeju ma', co ac iri' panxica Iri' Jam co pan' cain' ma', co xirao' to wa wixicocon pain pawin cain. Wixicam hun Iri' Jam ma', co Juiz ma', co tomi' xo' tomi' xo' pi' pin nonon oro wari' pain oro carawa ca ara caca ma'. Wixicam hwein tamataracocon co wara cono' nana ma', co xuruxut xo' nana pain ca e' e' wet nucucun pain macan' pane, co to' hohot pin wawa ma' quem.

Hebreus 4:10

Je ca ara capari' pain ca mi' capari' pain ca xao to wa xin ximixi' ca' quem. Xao to wa ca' irin oro ca taramaja nexi' ca'. Win ne ca xao pe wa ca' cain ca taramaja nucun Iri' Jam pane.

Apocalipse 10:6

Om ta winim' mami' ca Iri' Jam ta ac ca na. Iri'o' na ca tomi' ne ca', wara an pe xo' nain ca coromicat nucun Iri' Jam co e' cara cwa', co tomi' ma' pin nain pawin je macan' je cote ne com je oro carawa ca to nain quem. Om ta winim' mami' ca.

Apocalipse 13:15

To' e' pin rain caji pacun ca an xiho' nein curucun co hwet qui' cain' ma' ac tocwa na co hwet qui' nain macan'. Ma' ta ha' nein pain ca tomi' wa, ma' ta ha' nein pain ca to' parapa' to' parapa' pi' pin tococwa oro co om pe torotop mi' querec te jein ha' nana ma' ac tocwa na.

Apocalipse 14:13

Taraju ac tain na ca tomi' wa ca maqui' nain pawin. Xirao' ca' ra ta ac ne na. Param mi' tata pain ca awi wa oro wari' co cono' pa' nanain ca howa nucucun pain xocori ca', pain ca howa cocon Taramaxicon nexi' Jeju cwa' na ca tomi' nein ma'. Tomi' ac ne na Tamataracon quem: Tomi' iri'o' ma, xao to wa tatarain ximicocon, xao to wa ca' tatarain ca taramaja tamana nucucun. To ho' cara totoron oro carawa ca awi ca mi' xun tococwa, xi om ne ca taramaja tamana ara caca pane ta na ca tomi' ne Tamataracon Iri' Jam ta.

Apocalipse 17:6

Querec pin' inam pain ca hohot tamana cam ca to' parapa' pin tococwa oro wari' nucun Iri' Jam pain ca howa cara cocon Jeju ma'. Pain ca tomi' querec te nequem pain ca cono' pin nucucun ma', ac ca toc tamanain pe camain na quicocon. Querec iri inam ne, wa wa tamana ac tam na.

Apocalipse 7:14

Om ca taxi' toton ta taramaxicon. Tomi' hwet ne cocon ac ton na. Tomi' hwet ac capa' na: Wiricoco co jain jain tamana nana pain oro cawaxi' pain ca quep em' tamana tococwa pain ca howa cocon Jeju pane. Hohoc hohoc towo' pin nonon womicocon pain quicon co ma' co ac Wijimain Taramaji Ovelha ma'.

Apocalipse 7:9

Xirao' pin iri tata pain jitaracocon oro waram winacon Israel ne, noro ac ta' na, querec ac toton na oro wari' pain ca cut in tamana nucucun. Mija nana wari' ta, om ca tomi' ac tococwa, xi paric caca ta. Maqui' nanain oro xijein macan'. Xucun wari' xucun wari' pi' pin nana, to ni ca' nonon oro xucucun wari' pain macaracocon, capija ni ca' xucucun quem. Coco' quima hwet nanain ca mam' xao pe pe ca Iri' Jam co Iri' Taramaxicon ma', coco' quima hwet nonon co ma' co ac Wijimain Taramaji Ovelha ma' quem. To nonon wom co towo', cut nanain tahot pain micocon quem.