Apocalipse 5:2 - Tradução Bíblica Pacaas Novos

² Querec inon jam co taramaja mi' non Iri' Jam quem. Hwara' opa na. Merem mip ac ca na: Ma' xi wari' co awi tamana ma', co hohot pain ca pa cain ca hupa' caho' nein ma', je pain ca pa pan cain tapari carawa ca joc top ma' quem? Ac i ma' paxi' na ca merem mip ca ma',

Apocalipse 5:2 Iomraidhean Croise

Apocalipse 10:1

Querec ac ton na xucun jam co taramaja mi' non Iri' Jam. Hwara' opa na. Quiji' qui' nain pawin. Wiric pa' non tajain nanawin, ac wom na con. Ma' na wanaxicon comerem pain winacon ma', pain tamacon. Ac xina na tocon. Ac xipain xirim ca tom ma' na aracon ma' quem.

Apocalipse 18:21

An ac cain na cote ne pacun jam co hwara' opa ma', co taramaja mi' non Iri' Jam. Cote ne pacun ta, ac iri' cote ne pacun ca mam' ep wa ma'. Xin pocom pin ac ca na pain cote ne com. Tomi' ac ca na: Ac i ma' tara ca xin mi' xine pain macan' cote ne cidade ma', Babilônia ma', ca wa wa tamana caca oro wari'. Om ta querec mami' camain' xine.

Apocalipse 5:1

Querec ac tain na tapari carawa ca joc top ma', ca an ca co xao pe pe nain ca mam' xao pe nucun ma'. An na pain micon ma', pain iri' curucun ma'. Wara xirao' nain pain quimain je xonein. Mam' hupa' caho' na pain carawa ca ac catocwan' ma' quem. Ma' 7 na ca hupa' caho' nein. Ma' ta pa xica' pe cain co pa rain ta ta' ca' na.

Apocalipse 5:5

Tomi' ac capa' na wiracon taramaxicon ma', co win ma' ne nonon oro taramaxicon co ma' 24 nana ma'. Am moin' ra. Noro ron co ma' co ac Leão ma', co Taramaxicon hwara' opa ma', co hwanana ne non Judá cara pane. Iri' winacon taramaxicon Davi cara pane. Hwara' opa pan na, xi om ne ca to' quiji' pin ara con Caxicon Jam pain oro ca om awi wa ta. Na e' na pain ca pa pan cain tapari carawa ca joc top ma', na e' na pain ca pa cain ca hupa' caho' nein ma', ca ma' 7 ma' quem. Ac i ma' na ca tomi' capa' ma'.