Apocalipse 5:10 - Tradução Bíblica Pacaas Novos

¹⁰ Wari' ne momon pain ca taramaxicon pe ho' momon. Sacerdote je momon pain ca taramaja mi' xine momon. Taramaxicon to ho' ac cocon tara oro wari' pain oro xijein macan' ta. Ac i ma' na xocori tamara' ca com caca ma'.

Apocalipse 5:10 Iomraidhean Croise

Apocalipse 1:6

Wari' ne napari' pain ca taramaxicon pe ho' capari', sacerdote je pain ca taramaja mi' hun Te Iri' Jam cwa' napari' pain ca Iri' Jam ne con Cote ca. Na e' na pain ca tomi' querec te xun Jeju Cristo co awi tamana cara ta. Wirico co iri' Taramaxicon cara quem. Amém, iri'o' na ca tomi' ne ta.

Apocalipse 20:4

Querec ac tain na oro ca mam' xao to nucucun oro taramaxicon. Ma' tocwan na. Xao to to nanain caram ma' co mi' wawa pain ca hwara' opa wa ma', pain ca tomi' xo' jujun oro wari' pain oro carawa ca ara caca pain ca e' e' wet nucucun pane wawa ma'. Querec inain tamataracocon co wara cono' nana ma' quem, co ton tapit pin wawa pain winacocon pane, xi om ne ca tomi' hwet ara cocon con Jeju oro wari' pane. Pijim' nanain capijacon Iri' Jam pane, je ca ton tapit pin xine winacocon pane. Om ca pe torotop mi' querec te cocon co ma' co ac caji carawa co hwet qui' cain' pane, om ca pe torotop mi' querec te cacain pacun ca an xiho' nain curucun pane quem. Om ca xirao' xirac tococwa pain wixinain pain jitaracocon pain micocon pane quem. E' mami' nana, taramaxicon wi ac cocon na Cristo quem. Ma' 1.000 na cawaxi' pain ca taramaxicon wi cocon Cristo.

Apocalipse 20:6

Param mi' tata pain ca awi wa oro co e' mami' cain' nana ma', co iri' wari' nucun Iri' Jam nana ma'. Om ta cono' mami' caca, om ta wixicaracao' mi' tococwa pain cote ne xe. Sacerdote pin tatara pain ca taramaja mi' xun cocon Iri' Jam con Cristo ma', taramaxicon wi ac cocon tara, ma' 1.000 tara cawaxi' pain ca taramaxicon wi xun cocon ta.

Apocalipse 22:5

Om ta xim mami' ne pain i cain. Om ta ma' xirapari' naran na caca oro wari', om ta ma' xira xina co toha mi' napari' na caca quem, xi om ne ca toha mi' pan toton ara cocon Taramaxicon Iri' Jam ta. Taramaxicon cara ac caca tara quem.

Apocalipse 3:21

Oro wari' co hwara' opa cara nana pain ca howa nucucun ma', mi' ac toton tara pain ca xao to ho' cacapa' pain ca mam' xao pe ne pain ca taramaxicon pin ta' ta' ca'. Taramaxicon wi ac cacapa' tara. Win ta' pain xocori ca', pain ca to' quiji' pin ton Caxicon Jam pane, je pain ca xao pe ho' pin ton Te pain ca mam' xao pe nucun pain ca taramaxicon nucun quem.