Apocalipse 4:9 - Tradução Bíblica Pacaas Novos

⁹ Caram ma' co e' nana ma', co ac jam paxi' nana ma', com mi' nonon co xao pe pe nain ca mam' xao pe nucun ma', co e' cara ma', co om pi' camain' ca e' nucun ma'. Wum co awi tamana, querec pin' urut pum pain ca awi tamana nem. Tomi' querec te tamana urut pum ta nonon. Com mi' ac i ma' iri nonon ne,

Apocalipse 4:9 Iomraidhean Croise

Hebreus 7:25

Je ca ha' con pain ca to' witan cara capari' pain ca to' wixicam pin capari' con Iri' Jam. To' witan cara napari', xi e' cara pan ara ca ta. Ma' ta tomi' mi' xuhu' con Te ta napari'.

Hebreus 7:8

Ma' na i ca' quem, cocon oro sacerdote co hwanana ne nonon Levi cara pane. Mi' tata pain dízimo nucucun oro win ma' caca ma', aram aram cono' pin ac caca na quem. Melquisedeque cara pane iri na ne, co mi' wa pain dízimo quem, e' cara na ta na ca xirao' pe xine pain capijacon Iri' Jam.

Apocalipse 1:18

Wata' co e' cara cwa'. Mi' pin paxi' ina pane, ane e' cara ta' pain xocori ca' ne. Om ta pi' ra ha' ne ca e' ne ta. Wata' co taramaxicon hwara' opa tiquin' ca' nain ca cono' wa. Taramaxicon pe ho' inonon oro co cono' nana ma' quem, to ho' napa' oro ca mam' pa xine ca to pan caca ta, ac i ma' na ca tomi' capa' ma'.

Apocalipse 10:6

Om ta winim' mami' ca Iri' Jam ta ac ca na. Iri'o' na ca tomi' ne ca', wara an pe xo' nain ca coromicat nucun Iri' Jam co e' cara cwa', co tomi' ma' pin nain pawin je macan' je cote ne com je oro carawa ca to nain quem. Om ta winim' mami' ca.

Apocalipse 15:7

Ma' na co win ma' ne nonon caram ma' co e' nana ma', co ac jam paxi' nana ma', co ma' 4 nana ma', mi' mi' xam' ac tococwa na pain ouro ma', ca wara moin' pe nain carawa ca tomi' joc mam' mi' nain ca mana' tamana nucun Iri' Jam ma', co e' cara ma'.

Apocalipse 21:5

Tomi' ac ca na co ma' co xao pe pe nain ca mam' xao pe nucun taramaxicon: Ara xocori ara xocori pi' pin inain oro carawa ta na. Tomi' tomi' tiquin' na quem: Xirao' rain oro ca tomi' xim cara ne. Iri'o' na oro ca tomi' ne. Om ca mixein ta', na e' na pain ca howa cacapa' pain ca tomi' ne oro wari' ta. Ac i ma' na ca tomi' ca co ma'.

Apocalipse 4:2

Ane ane pe ho' mip ac capa' na Tamataracon Iri' Jam. Pe quima hwet ac capa' na ca mam' xao pe ca taramaxicon ma', pain pawin ma'. Querec inon co xao pe pe nain ma'.

Apocalipse 4:8

Tapaxu nana quem, ma' 6 ma' 6 xam' na tapaxicocon. Mija na tococon pain curucucun je pain tequipain tapaxicocon quem. Com cara nanain tamara' quem, pain xec je pain xim. Om ca maho' camain' cacain ca com wa tamara'. Com mi' ac i ca' nonon Iri' Jam: Wum co awi tamana ma', co pe ni ca' nain ca caracat wa ta Iri' Jam. Iri'o' ta, wum co awi tamana ma', co pe ni ca' nain ca caracat wa ta. Wum co Taramaxicon ne urut ta Iri' Jam. Hwara' opa pan ma. Wum co wara ma' pain cara pane, wum co ma' cara cwa', wum co maqui' ta' ma' quem. Ac i ma' na ca com mi' cara cocon Iri' Jam caram ma' co e' nana ma', co ac jam paxi' nana ma'.

Apocalipse 5:1

Querec ac tain na tapari carawa ca joc top ma', ca an ca co xao pe pe nain ca mam' xao pe nucun ma'. An na pain micon ma', pain iri' curucun ma'. Wara xirao' nain pain quimain je xonein. Mam' hupa' caho' na pain carawa ca ac catocwan' ma' quem. Ma' 7 na ca hupa' caho' nein. Ma' ta pa xica' pe cain co pa rain ta ta' ca' na.

Apocalipse 6:16

Merem ac cacain oro pacun na: Camara' hwet xut ta pacun! Tequi' pa' xut, ma' ta om querec caparut co cwain co xao pe pe nain ca mam' xao pe nucun cwain. Narain ho' xut pain ca mana' nucun co cwain co ac Wijimain Taramaji Ovelha cwain.

Apocalipse 7:15

Je ca coco' quima hwet cacain ca mam' xao pe ca Iri' Jam ma' ac capa' na. In ac to nonon pain xiricon ma', pe torotop mi' querec te nonon pain xec, je pain xim quem. Co ma' co xao pe pe nain ca mam' xao pe nucun ma', pe ho' cara totoron, querec wet cara totoron quem.