Apocalipse 4:11 - Tradução Bíblica Pacaas Novos

¹¹ Taramaxicon ne urut pum ta Iri' Jam. Iri' Jam ne urut pum quem. Na e' na pain ca tomi' hwet urut pain ca awi tamana nem. Na e' na pain ca querec pin' urut pum pain ca awi tamana ma ma', je pain ca hwara' opa tamana ma ma' quem. Xi om ne ca to' ma' to' ma' pi' pin ara main oro carawa ta. Je i ma' ca param nem pane. Je ca ma' ne oro carawa ma' quem. Ac i ma' na ca tomi' cocon ma'.

Apocalipse 4:11 Iomraidhean Croise

Atos 14:15

Para to' parapa' mi' xim maparut pain boi ca' quem caram ma'? Xi Iri' Jam urut ta. Wari' urut ca' ira. Win hwe ma'. Pijim' urut pahu' pain capijacon Iri' Jam ca awi ca' ira, je ca hwet urut pahu' ca'. Howa maho' jujun oro jam co Iri' Jam xi' ma hwe ma', co om quep xiho' taxi' nunuhu' ma'. Howa pin jun Iri' Jam co e' cara cwa', co quep nain pawin je macan' je oro com ca', co quep quep pi' pin nain oro carawa ca to nain ca' quem.

Atos 17:24

Jam co pijim' hwet xuhu' ca', wirico co Iri' Jam ta ac tococwa na. Wirico co quep nain macan' pane. Quep quep pi' pin nain oro carawa ca to nain quem. Je ca om pe ho' e' cain oro ca in ac in ac pe tocwa ma', ca quep pan ca wari' ma'. Xi wirico ara ca co taramaxicon pe ho' nain oro pawin, wirico co taramaxicon pe ho' nonon oro wari' je oro carawa pain macan' ca' quem.

Romanos 11:36

Xi wirico ara ca co tomi' ma' tomi' ma' pi' pin nain oro carawa ta. Mam' to' e' nain pain ca hwara' opa nucun. Ma' ta querec pin' mahu' ta napari'. Ma' ta awi tamana na Iri' Jam ta mahu' ta napari'. Amém, iri'o' na ca tomi' ne ta.

Efésios 3:9

Tomi' napa' Iri' Jam co tomi' ma' tomi' ma' pi' pin nain oro carawa jimao pane: Om paxi' na ca an hwet mi' toton cocon oro hwanana ca coromicat an pe xo' ne con Cristo pain cara pane napa'. Ane tomi' ac i ca' capa' pain xocori ca' ne: Tomi' xo' ho' roron oro wari' pain ca ara pin tain ca coromicat xo' ne con ne napa'. Ma' ta taraju pa' taraju pa' pi' pin cacain ta napa'.

Hebreus 1:10

Ma' na xijein ca tomi' nucun pain ca tomi' con Panxica quem. Tomi' ca' non: Wum co tomi' ma' pin main macan' pain cara pane ta Taramaxicon. Wum co quep nain pawin pane quem. Wum co quep pan nain pane.

Hebreus 1:2

Pain xocori ca' iri na ne, pain ca tomi' xim capari' ca', wirico Panxica co tomi' hwet roron pain capija ta ca quem. Wirico Panxica co tora' ca pain ca mene rain oro carawa ta con pane quem. Wirico Panxica co win mu ca pain ca to' ma' qui' cain macan' je pawin, je oro caramajinain ca' quem.

Apocalipse 1:6

Wari' ne napari' pain ca taramaxicon pe ho' capari', sacerdote je pain ca taramaja mi' hun Te Iri' Jam cwa' napari' pain ca Iri' Jam ne con Cote ca. Na e' na pain ca tomi' querec te xun Jeju Cristo co awi tamana cara ta. Wirico co iri' Taramaxicon cara quem. Amém, iri'o' na ca tomi' ne ta.

Apocalipse 10:6

Om ta winim' mami' ca Iri' Jam ta ac ca na. Iri'o' na ca tomi' ne ca', wara an pe xo' nain ca coromicat nucun Iri' Jam co e' cara cwa', co tomi' ma' pin nain pawin je macan' je cote ne com je oro carawa ca to nain quem. Om ta winim' mami' ca.

Apocalipse 14:7

Tomi' mip ac ca na: Tomi' ha' jun Iri' Jam ta. In ac jun pain ca hwara' opa tamana nucun. Xi maqui' pin ara ne xec nein ca wap toton cocon oro caracat. Pe torotop mi' querec te jun co ma' co quep nain pawin je macan' je cote ne com je oro ca hoi hoi ne com ca weweweo qui' nain macan' ta na ca tomi' ca ma'.

Apocalipse 19:1

An hwet mi' iri napa' pain oro ca hwet pa' tain nain Babilônia ne, taraju ac tain na ca tomi' pa tamana wa. Ac ca mija caca na oro co tomi' querec te xucucun pain pawin ma'. Merem mip ca' nana: Aleluia! Tomi' querec te xun Iri' Jam nexi' cwa'! Wirico co to' witan napari'. Tomi' hwet xin ca awi tamana nucun. Querec pin' xun pain ca hwara' opa tamana nucun.

Apocalipse 5:12

Com mip ac caca na: Awi tamana na co ma' co ac Wijimain Taramaji Ovelha ma', co to' pa' pin wa pane. Na e' na pain ca querec pin' xun pain ca iri' Taramaxicon ca ma'. Na e' na pain ca caramaju tamana ca ma'. Na e' na pain ca querec pin' xun pain ca taxi' tamana ca ma'. Na e' na pain ca querec pin' xun pain ca hwara' opa tamana ca ma', je pain ca awi tamana ca ma'. Na e' na pain ca tomi' hwet xin ca awi tamana nucun. Na e' na pain ca in ac xun quem. Ac i ma' na ca com mip nucucun ma'.

Apocalipse 5:2

Querec inon jam co taramaja mi' non Iri' Jam quem. Hwara' opa na. Merem mip ac ca na: Ma' xi wari' co awi tamana ma', co hohot pain ca pa cain ca hupa' caho' nein ma', je pain ca pa pan cain tapari carawa ca joc top ma' quem? Ac i ma' paxi' na ca merem mip ca ma',

Apocalipse 5:9

Com ac cacain na xocori tamara': Wum co awi tamana, wum co hohot pain ca an main tapari carawa ca joc top ma', je pain ca pa main oro ca hupa' caho' nein ma'. Xi om ne ca to' pa' pin ara xima pane ta. Cut mi' momon con Iri' Jam oro wari' co xucun wari' xucun wari' pi' pin nana ma', co capija ni ca' nonon oro xucucun wari' ma', co to ni ca' nonon oro xucucun wari' pain macaracocon ma', co to nanain oro xijein macan' ma' quem. Pain ca cut mi' momon con Iri' Jam ma', mam' to' witan momon pain cocum.