Apocalipse 3:8 - Tradução Bíblica Pacaas Novos

⁸ Taxi' inuhu' pain oro ca ara hwe ma'. Om paxi' na ca hwara' opa hwe ma', xi om ne ca paric to ara hwe ta. Ane tomi' ha' cara mahu' ne. Om ca an pe pin mahu', howa cara mahu'. Noro je, pa mi' inuhu' pain man ma'. Om ca tao' pa' ac cacain oro wari' quem.

Apocalipse 3:8 Iomraidhean Croise

Lucas 12:9

Wari' co tomi' ca' nonon oro win ma' ca ma' iri na ne, pain ca om ca querec pin' ton Jeju ta, om ca Taramaxicon ne ton ta cocon ma', ame hwe e'. Main tomi' ca' toton oro jam co taramaja mi' nonon Iri' Jam cwain: Om ca wari' ne ton co cwa' ta toton con.

João 15:20

Mam' pe wet jein ca tomi' xuhu' pane: Wari' co taramaja mi' e' non taramaxicon nucun ma', om ca hwara' opa tiquin' ca' con taramaxicon nucun, ac i ma' na ca tomi' xuhu' pane. Je ca tomi' xuhu' ca': Carawa ca ara mi' cacapa' oro wari' ma', je ta ara mi' cucuhu' quem. Ja' tequi' quep em' nanapa' oro wari' co noc nanapa' ma', ja' tequi' quep em' ac cucuhu' tara quem. Ma' nana co tomi' ha' nanapa' pain ca tomi' xo' toton pain capija ca', ma' ac caca tara co tomi' ha' nunuhu' pain ca tomi' xo' huhun pain quem.

João 17:6

Oro wari' co tora' ma pain macan' ca', co mi' mapa' cwa', an hwet mi' inonon pain ca hwara' opa nem pain ca Iri' Jam nem ta ac con na. Wara wari' ne momon, mi' ac mapa' cocon na. Tomi' ha' nanain capijam quem.

Atos 14:27

Tan' mama' iri nanain Antioquia ne, tomi' cut in ac tococwa na co howa nonon Jeju ma'. Tomi' hwet ac tococwa na pain oro ca ara pan ca Iri' Jam ma', pain ca quep xiho' cocon pain ca pijim' cacain capijacon ma', je pain ca mi' pan tococwa pain ca howa wa oro wari' co om judeu nana ma' quem.

1 Coríntios 16:9

Mija ara xi' nana oro wari' co param nanapa' pain ca pijim' wa pain i ca' quem. Ac ca howa xi' caca na. Mija paxi' nana co noc nanapa' pain ca pijim' wa quem, ane jain jain tamana pan cacain capijacon Iri' Jam co howa xin nana ne.

2 Coríntios 2:12

Wa' mao iri inain macarain Trôade ne, pijim' tain capijacon Iri' Jam con Cristo ta ac ta' na. Wara meo nain ximicocon oro wari' Taramaxicon nexi' quem. Param tamana nanain ca taraju wa capijacon Iri' Jam.

Filipenses 4:13

Quereme quereme pi' pin inain oro ca ara napa', xi om ne ca wirico ara ca co to' hwara' opa napa' ta.

Colossenses 4:3

Tomi' iri jun ne, tomi' mi' ac maparut con tara quem. Mi' roron pain ca pijim' wa capijam ta jun. Tao' pe ara xi' nanapa' pain xirinain ca tao' to tao' to to wa ca', xi om ne ca pijim' hwet ara toton pain capijacon Iri' Jam oro wari' ta. Je ca tomi' xut pahu' ca': Tomi' mi' xut con Iri' Jam me, ma' ta ha' caparut pain ca pijim' pijim' tiquin' xut pain ca coromicat an pe xo' nucun Iri' Jam ca tomi' hwet pin capari' con Cristo pain xocori ca'.

1 Timóteo 5:8

Wari' co miri'om nanam oro ca nari nucun ma', co om querec wet xo' camain' nanam mana panxica cam jicon con cote ca ma', ac ca an pe pin cain na capijacon Iri' Jam ca howa iri' ca'. Pan tem tiquin' ca' non wari' co om howa camain' non Cristo Jeju.

2 Timóteo 4:7

Pain ca taramaja mi' ton Iri' Jam ca', om ca nain ho' camain' tain cwere pain ca taramaja ne. Om ca taramaja nene camain' ta'. Ara ara pi' pin inain oro ca taramaja ne ca mi' capa' pane. Howa cara inon quem, om ca an pe camain' ton.

Apocalipse 2:13

Taxi' inuhu' pain ca to hwein i ma', pain ca taramaxicon pe ca Satanás ma'. Ane win xumu mahu' ne. Om ca an pe pin mahu', howa cara mahu'. To' pa' pin paxi' ta Antipas co win xumu napa' pain ca tomi' hwet capa' cocon oro wari' pane, to' pa' pe paxi' ta pain ca to pan nuhu' pain Pérgamo ma', ca pe pan ca Satanás ma'. Ane howa cara pan mahu' ne.

Apocalipse 2:2

Taxi' inuhu' pain oro ca ara hwe ma'. Taxi' inuhu' pain ca taramaja tamana hwe ma', je pain ca quereme cara hwein oro ca to' i'ina nuhu' ma'. Taxi' inuhu' pain ca noc mip huhun oro wari' co pan teretem nana ma', je pain ca tomi' querec huhun caram ma' co apóstolo urut mixein nana ma'. Xi iri' apóstolo caca ta. Querec pin' huhun pain ca mixein nucucun ma'.

Apocalipse 22:7

Je ca tomi' ca Jeju cwa': Taraju wet je e'. Maqui' ho' ta' ina. Om ta om om ta', maqui' hap ta' ina. Wari' co tomi' ha' nain oro ca xirao' pe xine pain tapari carawa ca joc top ca', ca tomi' mi' nain oro carawa ca maqui' ta' ma', param mi' ac tocwa tara pain oro ca awi wa. Ac i ma' na ca tomi' ca ma'.

Apocalipse 3:1

Tomi' ac capa' na: Xirao' mi' ron co ma' co querec wet nonon co howa to nanain Sardes. Xirao' mi' ac i ca' ron: Je i ca' ca tomi' xim cuhu' co ma' co taramaxicon pe ho' nain Tamataracon Iri' Jam ma', ca ma' 7 ne ca hwara' opa nein ma', co ma' co taramaxicon pe ho' nonon oro co ac pijo' co ma' 7 nana ma' quem. Tomi' ca' xim nuhu': Taxi' inuhu' pain oro ca ara hwe ma'. Ac ca howa xo' mahu' na, howa xo' totoron xi' ma nunuhu' oro wari' pata'. Ane om howa iri'o' mahu' ne.

Apocalipse 3:10

Wara hu inuhu' pane, quereme cara jein oro ca to' i'ina nuhu' me inuhu' pane. Tomi' ha' mahu' quem. Je ca narain ho' xim xuhu' pain ca jain jain wa pain oro xec pain ca to' jain jain toton ta' oro wari' co to nanain macan' ma'.

Apocalipse 3:15

Taxi' inuhu' pain oro ca ara hwe ma'. Om paxi' na ca ari mahu', ane om win xumu mahu' ne. Win xumu xirarapa' na inuhu'. Tara pahu', mo ta om win xumu mip mahu', je i ma' xira ca ari mip mahu' ta.

Apocalipse 3:7

Tomi' ac capa' na: Xirao' mi' ron co ma' co querec wet nonon co howa to nanain Filadélfia. Xirao' mi' ac i ca' ron: Je i ca' ca tomi' xim cuhu' co ma' co wara tora' ca Iri' Jam pane, co pe ni ca' nain ca caracat wa ma', wirico co iri'o' ma'. Je i ca' ca tomi' xim cuhu' co pe ho' non ca mam' pa xine manain ca corom ac xine cidade nucun Taramaxicon Davi cara pane. Mo ta pa cain manain, om ca tao' pa' ac cain xucun wari'. Mo ta tao' pa' cain, om ca pa ac cain xucun wari' quem. Tomi' ca' xim nuhu':