Apocalipse 3:7 - Tradução Bíblica Pacaas Novos

⁷ Tomi' ac capa' na: Xirao' mi' ron co ma' co querec wet nonon co howa to nanain Filadélfia. Xirao' mi' ac i ca' ron: Je i ca' ca tomi' xim cuhu' co ma' co wara tora' ca Iri' Jam pane, co pe ni ca' nain ca caracat wa ma', wirico co iri'o' ma'. Je i ca' ca tomi' xim cuhu' co pe ho' non ca mam' pa xine manain ca corom ac xine cidade nucun Taramaxicon Davi cara pane. Mo ta pa cain manain, om ca tao' pa' ac cain xucun wari'. Mo ta tao' pa' cain, om ca pa ac cain xucun wari' quem. Tomi' ca' xim nuhu':

Apocalipse 3:7 Iomraidhean Croise

Mateus 16:19

To' taramaxicon pin toton cocon oro wari' co taramaxicon pe ho' ca Iri' Jam quem. Carawa ca tomi' caho' ma pain macan' ca', wara tomi' caho' nain Iri' Jam pain pawin cain. Carawa ca hohot na ta ma pain macan' ca', wara hohot na ta nain Iri' Jam pain pawin cain quem na ca tomi' con Pedro Jeju ma'.

Mateus 24:35

Main om pin tara pawin pain macan' ca'. Oro ca tomi' ne ca' iri na ne, om ta pan' ara'am camain' ne ta. To wet cara tara ta na ca tomi' caparut ma'.

Marcos 1:24

Cain' cain' xim maparut quem Jeju co maqui' nain Nazaré? To' om pin xim maparut ra? Querec pin' inem ta! Wum co Iri' Wari' co wara tora' ca Iri' Jam pane! Iri' Panxica ma ta! Ac i ma' na ca merem ca ma'.

Lucas 1:32

Hwara' opa tamana tara, Iri' Panxica Iri' Jam co hwara' opa tamana pan. Mi' toron pain ca taramaxicon pe cain maxicon co iri' hwanana ne non Davi cara pane.

Lucas 4:34

Cain' cain' xim maparut quem Jeju co maqui' nain Nazaré? To' om pin xim maparut ra? Querec pin' inem ta! Wum co Iri' Wari' co wara tora' ca Iri' Jam pane! Iri' Panxica ma ta! Ac i ma' na ca merem ca ma'.

João 14:6

Om na, wata' co Iri' Wanaxicon Te Iri' Jam pan cwa' ta ac ca na Jeju. Wata' co an hwet mi' nuhu' pain ca iri'o' wa con. Wata' co mi' nuhu' pain ca e' cara wa quem. Xica' pe ina pain ca mi' taxi' xuhu' pain ca hwet hun Te ta. Om na xucun.

Atos 3:14

Iri' Wari' co wara tora' ca Iri' Jam paxi' na Jeju pane, pain ca to' witan roron oro wari' ta con pane. Tama' xut xo' paxi' na pane quem. Ane noc urut con ta hun Pilatos ne. Ta om pin mon me ta hun. Param urut con co ma' co to' pa' wari' ma', wirico tara co om pin ma ta hun.

1João 5:20

Taxi' urun Panxica Iri' Jam pain ca wara maqui' cain macan' pane quem. Mi' napari' pain ca taraju pa' wa, ma' ta querec pin' hun Te Iri' Jam co iri'o' ta napari'. Win cwere urun co ma' co iri'o' quem, win cwere urun Panxica Iri' Jam Jeju Cristo. Wirico Jeju Cristo co iri' co Iri' Jam iri'o' ta. Wirico co e' cara ta.

Apocalipse 1:11

Tomi' ac capa' na: Xirao' pe ra pain tapari carawa oro ca querec ta' ma ma'. Mam' ac momon pain tara oro co howa nanapa' ma', co cut in xucucun pain oro cidade ma', ca ma' 7 ma'. Mo na oro cidade nucucun: Éfeso ma', Esmirna ma', Pérgamo ma', Tiatira ma', Sardes ma', Filadélfia ma', je Laodiceia ma' quem. Ac i ma' na ca tomi' capa' pane.

Apocalipse 1:18

Wata' co e' cara cwa'. Mi' pin paxi' ina pane, ane e' cara ta' pain xocori ca' ne. Om ta pi' ra ha' ne ca e' ne ta. Wata' co taramaxicon hwara' opa tiquin' ca' nain ca cono' wa. Taramaxicon pe ho' inonon oro co cono' nana ma' quem, to ho' napa' oro ca mam' pa xine ca to pan caca ta, ac i ma' na ca tomi' capa' ma'.

Apocalipse 1:5

Param inon Jeju Cristo pain ca quep xiho' cuhu' pain ca mi' cuhu' pain ca param nucun, param inon pain ca mi' cuhu' pain ca om toron ne xumuhu' quem. Wirico Jeju co tama' tomi' iri'o' ma', co to' e' mami' cain' ca Iri' Jam pane, co iri' Taramaxicon co hwara' opa tiquin' ca' nonon oro taramaxicon co taramaxicon to nanain oro xijein macan' ca'. Wirico Jeju Cristo co om noc napari' ta. To' witan ca' napari' pain ca caracat nexi' ca'. Mam' to' witan napari' pain quicon.

Apocalipse 15:3

Com ac cacain na tamara' ca wara com ca Moisés co taramaja mi' non Iri' Jam pain cara pane. Com querec te mi' nonon co ma' co ac Wijimain Taramaji Ovelha ma' quem. Com ca' nana: Wum co hwara' opa pan ta Taramaxicon Iri' Jam. In ac tamana urut pain oro ca ara ma ma'. Wum co taramaxicon pe ho' nonon oro wari' co to nanain oro xijein macan'. Ara xo' taxipa' main oro ca coromicat an pe xo' nem. Iri'o' taxipa' ma quem.

Apocalipse 16:7

Taraju ac tain na ca tomi' wa ca maqui' nain pana ca in ac pe tocwa Iri' Jam. Tomi' ac ne na: Iri'o' na ca tomi' ca co ma' ta Taramaxicon Iri' Jam co hwara' opa pan. Iri'o' taxipa' ma, ara xo' taxipa' ma pain ca wap momon oro caracat. Ac i ma' na ca tomi' ne ma'.

Apocalipse 19:11

Querec ac tain na pawin pain ca pa xat ne ma'. Pe quima hwet napa' cavalo ca towo'. Wari' co xao pe nain ma', tocwan na wixicon. Co Om Mixein Camain', Co Iri'o' Taxipa', je i ma' oro wixicon. Tomi' xo' iri tata oro wari' pain oro carawa ca ara caca ne, om ca wap ximao tococwa, wap xo' e' tata. Mixita xo' tata oro co noc nonon ma', om ca mixita ximao camain' tococwa.

Apocalipse 19:2

Xi om ne ca iri'o' taxipa' ara ca ta. Ara xo' taxipa' na pain ca wap tococwa oro caracat co to nanain Babilônia ma', co hwara' opa tamana paxi' nana ma', co ara em' pin nonon co to nanain oro xijein macan' ma', pain ca an xiho' xut ta tococwa pain ca param ni ca' cocon Iri' Jam pane. Wap pin nonon Iri' Jam, wahu' pan co em' nana ta nonon, xi om ne ca to' parapa' pin ara tococwa oro wari' ne co taramaja mi' nanapa' ta nonon. Ac i ma' na ca merem mip caca co tomi' querec te xucucun pain pawin ma'.

Apocalipse 2:1

Tomi' ac capa' na: Xirao' mi' ron co ma' co querec wet nonon co howa to nanain Éfeso. Xirao' mi' ac i ca' ron: Je i ca' ca tomi' xim cuhu' co cut 7 non pijo' pain micon ma', pain iri' curucun ma', co xut in pe nain ximijain oro ca mam' tom pe ne naran ma', ca ma' 7 ma', ca mam' quep xine pain ouro ma' quem, tomi' ca' xim nuhu':

Apocalipse 21:5

Tomi' ac ca na co ma' co xao pe pe nain ca mam' xao pe nucun taramaxicon: Ara xocori ara xocori pi' pin inain oro carawa ta na. Tomi' tomi' tiquin' na quem: Xirao' rain oro ca tomi' xim cara ne. Iri'o' na oro ca tomi' ne. Om ca mixein ta', na e' na pain ca howa cacapa' pain ca tomi' ne oro wari' ta. Ac i ma' na ca tomi' ca co ma'.

Apocalipse 3:14

Tomi' ac capa' na: Xirao' mi' ron co ma' co querec wet nonon co howa to nanain Laodiceia. Xirao' mi' ac i ca' ron: Je i ca' ca tomi' xim cuhu' Iri' Wari' co wara tora' ca Iri' Jam pane, wirico co iri'o' ma'. Je i ca' ca tomi' xim cuhu' co Amém na wixicon ma', co om mixein camain' pain ca tomi' hwet cain oro ca iri'o' wa con Iri' Jam ma', co taramaxicon pe ho' nain oro carawa jimao ca tomi' ma' pin ca Iri' Jam pane. Tomi' ca' xim nuhu':

Apocalipse 4:8

Tapaxu nana quem, ma' 6 ma' 6 xam' na tapaxicocon. Mija na tococon pain curucucun je pain tequipain tapaxicocon quem. Com cara nanain tamara' quem, pain xec je pain xim. Om ca maho' camain' cacain ca com wa tamara'. Com mi' ac i ca' nonon Iri' Jam: Wum co awi tamana ma', co pe ni ca' nain ca caracat wa ta Iri' Jam. Iri'o' ta, wum co awi tamana ma', co pe ni ca' nain ca caracat wa ta. Wum co Taramaxicon ne urut ta Iri' Jam. Hwara' opa pan ma. Wum co wara ma' pain cara pane, wum co ma' cara cwa', wum co maqui' ta' ma' quem. Ac i ma' na ca com mi' cara cocon Iri' Jam caram ma' co e' nana ma', co ac jam paxi' nana ma'.

Apocalipse 5:9

Com ac cacain na xocori tamara': Wum co awi tamana, wum co hohot pain ca an main tapari carawa ca joc top ma', je pain ca pa main oro ca hupa' caho' nein ma'. Xi om ne ca to' pa' pin ara xima pane ta. Cut mi' momon con Iri' Jam oro wari' co xucun wari' xucun wari' pi' pin nana ma', co capija ni ca' nonon oro xucucun wari' ma', co to ni ca' nonon oro xucucun wari' pain macaracocon ma', co to nanain oro xijein macan' ma' quem. Pain ca cut mi' momon con Iri' Jam ma', mam' to' witan momon pain cocum.

Apocalipse 6:10

Merem mip ca' nana: Cain' cain' ta' ma ma' quem Iri' Taramaxicon co iri'o' ma', co awi tamana pain ca pe ni ca' main ca caracat wa ma'? Cain' cain' ta' ma ma' quem? Je xi wap hap momon oro wari' co to nanain oro xijein macan' quem? Em' hwe, mama' jein cote ne xe ta ximomon quem? Win ne ca to' parapa' pin cacaparut pane, ac i ma' na ca merem mip cocon ma'.