Apocalipse 3:4 - Tradução Bíblica Pacaas Novos

⁴ Ac i ma' paxi' hwe, ane ma' paric ca' e' caca oro win ma' nuhu' co om ara em' xucucun pain Sardes ma' ne. Om ca ara mixem pin cocon womicocon. Ame hwe e', main to totoron wom co towo', xuruxut wi ac cacapa' tara. Xi querec pin' ara tococwa pain ca hohot cacapa' ta.

Apocalipse 3:4 Iomraidhean Croise

Mateus 10:11

Tomi' ac caparut na: Tan' mama' iri jein oro xijein cidade ne, je pain oro ca paric to ne xirim ma' quem, pirao' ac hun tara wari' co tomi' querec te nuhu' ma', co harahap je ta nuhu' ma'. Wirico tara co hwet hwe, to ho' ac hun tara. Om ta paca' hun, mon to wet mon to wet maqui' pa' ac cuhu' tara xec nein ca hwet xun huhun xucucun wari' pain xijein cidade.

Marcos 16:5

Corom mama' ac cacama na, querec ac cocon na co xo' hwara' ma'. Xao pe nain i ma', pain iri' cwerequequem ma'. Towo' na womicon. Jaxicao' pin nanam. Mija na ca jin' cacama ta.

Lucas 20:35

Ane om ac i ma' ne pain ca aram aram e' mami' xi' caca co wara cono' nana ne. Oro wari' co querec hohot ca Iri' Jam ma', pain ca hohot na pain ca to ho' mahu' pain pawin ca' ca ma', om ta cut caca narima'. Ca narima' nequequem ma', om ta cut cacama tarama' quem.

Lucas 21:36

Je ca tomi' xuhu' ca' ac tococwa na. Ma' tara xumuhu' me. Tama' tomi' jun Iri' Jam quem. Ma' ta na cuhu' pain ca witan ca' hwein oro ca om awi ca maqui' ta' ma' quem. Ma' ta om wixipa' hwe pain ca aram aram coco' quima hwet xim mahu' pain ca Iri' Wari' ta' ca' quem na ca tomi' tococwa ma'.

Atos 1:15

Maqui' ac ne na xec nein ca cut in mami' xucucun ma'. Ac ca ma' 120 caca na co cut in nana ma'. Tequi' pe xat ac cain ximijacocon na Pedro ma'.

2 Tessalonicenses 1:5

Oro ca ara nuhu' ma', je ca to' querec pin' cuhu' con Iri' Jam ma', pain ca hohot hohot pi' pin ne oro ca ara nucun ma', pain ca mi' toton cocon pain oro ca taramaja mi' caca oro wari' ma'. To' querec pin' nuhu' pain ca param nucun ma' quem, pain ca to' hohot inuhu', param inuhu' pain ca to ho' mahu' pain ca taramaxicon pe ta' ca' toton cuhu' ma' quem. Je ca jain jain hwe cocon oro wari' co quep em' nunuhu' pain ca pijim' mi' huhun con Iri' Jam co taramaxicon ma' quem.

Judas 1:23

Ma' iri tatara oro xucucun co wixicaracao' mi' xun wawa pain cote ne xe ne, quep xiho' ac huhun tara, ac ca cut ca' huhun tara pain xe. Ma' iri tatara oro xucucun co pan teretem nana ne, xiram pa' ac huhun tara quem. Ma' tara xumuhu' cocon me, ma' ta om camara' wi huhun pain ca pan teretem nucucun. Noc jein ca caracat nucucun, querec querec ac homiricon wom jein ca caracat nucucun.

Apocalipse 1:11

Tomi' ac capa' na: Xirao' pe ra pain tapari carawa oro ca querec ta' ma ma'. Mam' ac momon pain tara oro co howa nanapa' ma', co cut in xucucun pain oro cidade ma', ca ma' 7 ma'. Mo na oro cidade nucucun: Éfeso ma', Esmirna ma', Pérgamo ma', Tiatira ma', Sardes ma', Filadélfia ma', je Laodiceia ma' quem. Ac i ma' na ca tomi' capa' pane.

Apocalipse 11:13

Piri' mama' iri nana ne, cocoroc mip ac ne na macan'. Jao horohot um décimo pin ac ne na oro xirim ma', pain Jerusalém ma'. Cono' 7.000 ac caca na oro wari' quem. Co witan ca' nanain ma', jin' tamana ac caca na, in ac tamana ac cocon na Iri' Jam co pe pawin ma' quem.

Apocalipse 14:4

Xumu xo' nana, an xiho' nanam xojam' co om quep camain' wawa ma', om ca ara em' xucucun, om na. Win xumu e' nonon co ma' co ac Wijimain Taramaji Ovelha ma', taxipa' e' nonon. Tora' tata pain ca to' witan ca' tococwa cocon oro caracat co to nanain oro xijein macan' ma'. Wari' ne pan nonon Iri' Jam con co ma' co ac Wijimain Taramaji Ovelha ma'. Ac ca mi' cain' tococwa cocon na. Win ne ca mi' cain' tocwa pain oro tocwi trigo ca cat caca oro hwanana pain totacocon Iri' Jam pane, ac i ma' na ca mi' cain' tococwa cocon Iri' Jam con co ma' co ac Wijimain Taramaji Ovelha ma'.

Apocalipse 19:14

Ja' ja' nonon oro wari' nucun co to nanain pawin quem. To nonon iri' wom co awi tamana. Ac soldado nucun nana. Xao to nanain cavalo ca towo' quem.

Apocalipse 19:8

Wara mi' nam con iri' wom co awi tamana Iri' Jam. Toc meremem na, om ca em' camain' ca quem. Ac i ma' na ca merem caca ma'. Ma' na ca tomi' joc mam' mi' ca wom co pe cama ma', co awi tamana ma'. Tomi' joc mam' mi' nain oro carawa ca awi ca ara caca oro wari' nucun Iri' Jam.

Apocalipse 3:18

Hu ca' inuhu': Cut xine pain ouro ne ca om em' camain' ca', ma' ta caramaju iri'o' pin hwe ta inuhu'. Cut jun wom co towo' cwa' quem, ma' ta to hun, ma' ta wixipa' wixipa' om pin hwe pain ca om cuhu' wom ma', pain ca hwet pe e' ne curuhu' ma' inuhu'. Cut jein aramao aramao toc ma', ma' ta aramao xio pin hwein tucuhu' ma', ma' ta querec iri'o' hwe ta inuhu'.

Apocalipse 3:5

Ac i ma' tatara oro wari' co hwara' opa cara nana pain ca howa nucucun ma', to totoron wom co towo' ma' quem. Om ta xic am camain' tain wixicocon pain tapari carawa ca xirao' to xine wixicocon oro wari' co e' cara xi' nana. Wari' ne inonon caram cwa' ta ac ton tara Te cocon oro jam co taramaja mi' nonon ma', taraju taraju xam' tatarapa' pain ca tomi' ac i ma' toton ta.

Apocalipse 4:4

To to mam' pin nain ca mam' xao pe nucun oro wirain ca mam' xao pe wa, ma' 24 nana xucucun taramaxicon co xao to nanain quem. To nonon wom co towo', to nanain caji waji' nucun taramaxicon pain winacocon quem. Mam' quep ta pain ouro caji waji' nucucun.

Apocalipse 6:11

Mi' mi' xam' ac tococwa na con wom co towo'. Ame cain' hwe e', ma' ma' wet ara xi' nana oro xuruhu' co win howa hwe ma', co taramaja wi nunuhu' pain ca taramaja mi' mahu' ma'. Xam' cain' tatara pain ca to' parapa' pin xun wawa, win xihwe ma', ac i ma' na ca tomi' tococwa ma'.

Apocalipse 7:9

Xirao' pin iri tata pain jitaracocon oro waram winacon Israel ne, noro ac ta' na, querec ac toton na oro wari' pain ca cut in tamana nucucun. Mija nana wari' ta, om ca tomi' ac tococwa, xi paric caca ta. Maqui' nanain oro xijein macan'. Xucun wari' xucun wari' pi' pin nana, to ni ca' nonon oro xucucun wari' pain macaracocon, capija ni ca' xucucun quem. Coco' quima hwet nanain ca mam' xao pe pe ca Iri' Jam co Iri' Taramaxicon ma', coco' quima hwet nonon co ma' co ac Wijimain Taramaji Ovelha ma' quem. To nonon wom co towo', cut nanain tahot pain micocon quem.