Apocalipse 3:3 - Tradução Bíblica Pacaas Novos

³ Je ca tomi' xuhu' ca': Mam' pe wet jein oro capijacon Iri' Jam ca ca' na xihwe pane, ca taraju hwe pane. Tomi' ha' jein. Cwirin' pin jein ca caracat nuhu'. Mo ta om cara ne xumuhu' ma', mo ta naro cara hwe ma', ane ane maqui' pa' ac xuhu' tara, win ne ca ane ane maqui' ca wari' co an noc xa ta' ma', ac i ma' tara ca ane ane maqui' pa' xuhu'. Jaxicao' xuhu', om ta taxi' mahu' pain xec nein ca maqui' pa' xuhu' ta.

Apocalipse 3:3 Iomraidhean Croise

Mateus 25:13

Je ca tomi' xuhu' ca' ac caparut na. Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta. Om ca taxi' camain' hwein hora nein ca in qui' ne quem na ca tomi' caparut.

Marcos 13:33

Ma' tara xumuhu' pain ca winim' xo' mahu' me. Xi taxi' hwein xec nein ca in qui' ta' ne ta.

Marcos 13:36

Mo ta ane ane maqui' pa' xuhu', na e' na pain ca wara winim' xo' mahu' ta.

1 Tessalonicenses 5:2

xi wara taxi' pin ara hun pain ca ane ane maqui' ta' nucun ta. Ac pain ca ane ane maqui' towa ca wari' co an noc xa tain nain carawa ma' tara pain ca om winim' tocwa ma', ac i ma' tara ca ane ane maqui' ta' nucun Taramaxicon nexi'. Om ta maqui' hap ca ma' totoron oro wari' co om howa nana ma'.

1 Timóteo 6:20

Je ca tomi' xim ca' Timóteo: Ta waraju main ca taramaja nem ca mi' quem Cristo Jeju me. Querec wet rain capijacon, ma' ta om to' jimao pin cacain co pijim' pan teretem nanain ma'. Ta taraju wet camain' momon co tomi' ximama' nana me, pain ca miri'om cacain oro caramaxicon Iri' Jam. Ma' ara xi' nana wari' co taxi' urut pain capijacon Iri' Jam paxi' nana ma'. Ane om taxi' cacain ne. Ta taraju wet camain' momon me ta.

2 Timóteo 1:13

Capijacon Iri' Jam ca iri'o' ca', ca pijim' hwet xim pane, tama' mam' pe wet rain me. An xiho' rain ca pijim' ne. Howa cara ron Cristo Jeju. Tomi' querec te cara roron oro wari' quem. Wirico Cristo co mi' napari' pain ca howa cara xun, je pain ca tomi' querec te cara xuxun oro wari' quem. Xi om ne ca win cwere ara xun ta.

Hebreus 2:1

Hwara' opa tamana pan na Taramaxicon nexi' Jeju Cristo. Je ca na e' ne pain ca taraju wet xin ca tomi' nucun ca taraju iri' ca'. Ma' ta om aram aram an pe pin xin quem.

2 Pedro 1:13

Ca' na ca coromicat ne ca', pain ca e' e' wet ta' ca': Hohot tamana napa' pain ca tama' to' mam' pe wet xuhu' pain oro capijacon Iri' Jam ca ca' na xihwe pane, ac i ma' na ca coromicat ne ca'.

2 Pedro 3:1

Je ca tomi' xuhu' pain ca tomi' querec te xuhu' ca'. Wara xirao' mi' inuhu' pain cara pane, je win xirao' mi' mami' xuhu' pain xocori ca' quem. Pain oro ca xirao' ne ca', hu xim inuhu' pain ca mam' pe wet jein oro ca ca' na xo' xihwe ma' xuhu' ca', ma' ta ma' ne xumuhu' pain ca coromicat xo' nuhu' ta inuhu'.

2 Pedro 3:10

Ac ca om om ca paxi' na Taramaxicon nexi' ma', ane maqui' ta' ca ne. Ane ane maqui' tara xec nein ca in qui' ta' nucun. Ac pain ca ane ane maqui' ca wari' co an noc xa tain nain carawa ma' tara pain ca om winim' tocwa ma', ac i ma' tara ca ane ane maqui' ta' ne xec nucun Taramaxicon nexi'. Taraju ac xine tara ca coc irija' wa, ac jam tara, ane ane om pin ac ne tara pawin. Wiran mao ac ca tara xina con panawo' con pijo', wiran mao tara macan' je oro carawa ca to nain quem. Om om pi' pin ac ne tara ta.

Apocalipse 16:15

Je ca tomi' capari' ca': Taraju wet xine me. Ane ane maqui' pa' xuhu'. Win ne ca ane ane maqui' ca wari' co an noc xa ta' ma', ac i ma' tara ca ane ane maqui' pa' xuhu'. Iri' Jam ma', param mi' totoron pain ca awi wa oro wari' co winim' xo' cara nanapa' ma', pain ca wara an pe xo' cocon womicocon ma', pain ca om an xiho' cocon wari' co pi'am ca' nonon co an noc xa ta' ma'. Om ta wixipa' caca pain ca ane ane maqui' pa' toton pain ca ac ca hwet pe ne ne curucucun pain ca om winim' xo' cacapa' pain ca maqui' ta' ne ta. Ac i ma' na ca tomi' capari' ca'.

Apocalipse 2:25

Param e' inuhu' pain ca win xumu cara mahu'. Ta an pe camain' mahu' me ta. Aram aram maqui' pa' ac xuhu' tara ta.

Apocalipse 2:5

Je ca tomi' xuhu' ca': Mam' pe wet jein ca tomi' querec te nuhu' pane, pain ca tomi' ha' xixim na mahu' pain ca xo' howa ten qui' mahu' pane. Cwirin' pin jein ca caracat nuhu', jain jain mami' xine pain ca tama' tomi' ha' xixim na mahu' ma', tomi' querec te ac i ma' mami' xine. Ac pain cara pane tara pain ca xo' howa qui' mahu' pane. Mo ta om cwirin' pin hwein ca caracat nuhu' ma', hwet ac xuhu' tara, an ca' ac xuhu' tara pain ca mam' tom pe ne naran nuhu' ma'. Pe pe om pin ac nein tara maxinain pahu'.

Apocalipse 22:7

Je ca tomi' ca Jeju cwa': Taraju wet je e'. Maqui' ho' ta' ina. Om ta om om ta', maqui' hap ta' ina. Wari' co tomi' ha' nain oro ca xirao' pe xine pain tapari carawa ca joc top ca', ca tomi' mi' nain oro carawa ca maqui' ta' ma', param mi' ac tocwa tara pain oro ca awi wa. Ac i ma' na ca tomi' ca ma'.

Apocalipse 3:11

Maqui' ho' ta' ina, om ta om om ta', maqui' hap ta' ina. Win xumu cara xine, ta an to camain' hwein oro ca ara xo' hwe ma', ma' ta om cut ca' xihwe pain carawa ca awi ca main mi' xim xuhu' ta.

Apocalipse 3:19

Tomi' inain taraxicocon oro wari' co om noc ta' cwa'. Hu xo' hu xo' pi' pin inonon. Je ca tomi' xuhu' ca': Ma' tara xumuhu' me, win xumu jein ca xuruxut xo' wa, cwirin' pin jein ca caracat nuhu' ta.

Apocalipse 3:2

Ma' tara xumuhu' me. Naro maho' je, hwara' opa mami' je pain ca howa nuhu' ma'. Wijimain pin ara xi' na ca howa nuhu' ma', ac ca om pin ta' ne na ca howa nuhu' ma'. Xi tomi' ha' tomi' ha' pi' pin hwein oro ca tomi' ha' je cuhu' Iri' Jam ta. Taxi' inuhu' pain ca om hohot ne oro ca ara nuhu' ma', om ca querec hohot cuhu' Iri' Jam ne cwa'.