Apocalipse 3:19 - Tradução Bíblica Pacaas Novos

¹⁹ Tomi' inain taraxicocon oro wari' co om noc ta' cwa'. Hu xo' hu xo' pi' pin inonon. Je ca tomi' xuhu' ca': Ma' tara xumuhu' me, win xumu jein ca xuruxut xo' wa, cwirin' pin jein ca caracat nuhu' ta.

Apocalipse 3:19 Iomraidhean Croise

Mateus 25:7

Tequi' to ac cacama na oro mon xojam' ma'. Ara xo' ac cacamain na naran nequequem.

João 2:17

Warut pain ca taxipa' urut con ca', mam' pe wet ac urut pain na capijacon Iri' Jam ca xirao' pe ca taramaxicon Davi cara pane. Ca' na ca xirao' nein ca mam' pe wet urut ca': Om ca noc camain' tain xurum ta Te Iri' Jam. Jain jain tamana inain. To' ara napa' ca jain jain tamana tain xurum ta. Ac ca to' pa' xim capa' na. Ac i ma' na ca xirao' nein.

Romanos 12:11

Win xumu jein ca taramaja nuhu' ma', jain jain jein. Om ta jam' camain' ne curuhu'. Taramaja mi' jun Taramaxicon nexi', tomi' querec te je pain ca taramaja mi' hun ma'.

1 Coríntios 11:32

Ane wap capari' Taramaxicon nexi' ne. Wap iri napari' ne, hu ac capari' na. Ma' ta om wap wi xihwe cocon oro caracat co om howa nanapa' ta napari'.

2 Coríntios 6:9

Ma' paxi' nana co om querec pin' nanaparut, ane ma' caca oro xucucun co querec pin' nanaparut ne. Ac ca cono' xi' urut na, ane e' e' wet urut ne. To' paxi' nanaparut, ane om to' parapa' pin cacaparut ne.

2 Coríntios 7:11

Je ca tomi' xuhu' ca', taraju wet je e'. Ja' tomi' xaxa' iri nuhu' Iri' Jam pane ne, meo ac cuhu' na pain xumuhu'. Jain jain ac hwe na pain ca win xumu pin hwein ca ara xo' wa. An hwet pe mi' ac maparut na pain ca om quep xiho' hun co caracat ma', om ca miri'om urut con pain ca caracat nucucun ta ac hwe na quem. Jin' pin ac hwe na pain ca wap wi tarapari' xi' ma hun Iri' Jam pain ca aram aram wap ton con quem. Xiram pa' tamana ac maparut na pain ca coromicat maparut, toron ac ne na xumuhu', pan to' mip ac hwein na taraxicon quem. Querec pin' ac xihwe na pain ca om caracat wi hwe con.

Gálatas 4:18

Awi paxi' na pain ca tomi' querec te huhun oro wari' co quep xiho' iri'o' xim nunuhu'. Win ne ca tomi' querec te mahu' pain ca pe ho' pe ho' wet xuhu' pane. Param inuhu' pain ca tomi' querec te ac i ma' mahu' pain ca om pe ho' xuhu' ca' quem.

Tito 2:14

Om ca nain ho' xucun pari' pane, mi' pin caho' xuhu' ta napari' pane. Ma' ta to' witan ca' xuhu' pain oro ca pan teretem nuhu' ta napari'. Ac ca hohoc capari' na pain quicon. Ma' ta to' om pin tain ca caracat nuhu' ta napari'. Ma' ta iri' wari' ne xuhu' ta napari'. Param napari' pain ca win xumu xun pain ca tama' ara xin oro ca awi wa quem.

Tiago 1:12

Param mi' ta pain ca awi wa wari' co hwara' opa cara pain ca quereme cain oro ca to' i'ina non ma'. Querec pin' pan iri toron Iri' Jam ne, pain ca hohot mapa' ta con ma', mi' ac con pain tara carawa ca wara tomi' pe con ma', pain ca e' pe ho' cara ne ta con ma'. Wari' pain ca om noc xun ca', wara tomi' pe napari' pain i ma' ta.

Apocalipse 2:5

Je ca tomi' xuhu' ca': Mam' pe wet jein ca tomi' querec te nuhu' pane, pain ca tomi' ha' xixim na mahu' pain ca xo' howa ten qui' mahu' pane. Cwirin' pin jein ca caracat nuhu', jain jain mami' xine pain ca tama' tomi' ha' xixim na mahu' ma', tomi' querec te ac i ma' mami' xine. Ac pain cara pane tara pain ca xo' howa qui' mahu' pane. Mo ta om cwirin' pin hwein ca caracat nuhu' ma', hwet ac xuhu' tara, an ca' ac xuhu' tara pain ca mam' tom pe ne naran nuhu' ma'. Pe pe om pin ac nein tara maxinain pahu'.