Apocalipse 22:6 - Tradução Bíblica Pacaas Novos

⁶ Tomi' ac capa' na jam co taramaja mi' non Iri' Jam. Oro ca tomi' xim cara ne, na e' na pain ca howa cacapa' pain ca tomi' ne oro wari' ta. Xi om ne ca tomi' iri'o' ara ta' ta. Om ca mixein ta'. Taramaxicon nexi' ma', co Iri' Jam ma', co mi' nonon pain ca tomi' hwet wa oro profeta ma', wirico co tomi' ca' napa' pain ca taramaja mi' ton ca'. Hwet roron oro wari' ne co taramaja mi' nanapa' ma', an hwet mi' roron pain oro carawa ca maqui' ta' ma'. Om ta om om ne, maqui' ho' tara ta napa'. Ac i ma' na ca tomi' capa' ta.

Apocalipse 22:6 Iomraidhean Croise

Mateus 13:41

Tomi' ac toton tara oro jam co taramaja mi' nanapa' ma', wata' pain ca Iri' Wari' ta' ca', tomi' pan ac toton tara: Cut in jujun oro caracat ta, cut in ca' jujun pain ximijacocon oro wari' co taramaxicon ne nonon Iri' Jam ma' ac toton tara, cut in ac tococwa tara co to' caracat nonon oro win ma' nucucun cocon oro wari' co pan teretem taxipa' nana ma'.

Lucas 1:70

Wara tomi' pe napari' con pain cara pane, pain ca an xin tiquin' mi' roron pain ca tomi' ne oro wari' ta tococwa oro profeta nucun pane.

Lucas 16:16

Tomi' ac tococwa na: Oro co pijim' hwet nanain ca xirao' nucun Moisés pain oro ca xirao' nucucun oro profeta pane, pijim' pijim' ca' nanain, aram aram maqui' ac ne na xec nein ca ja' taxipa' com João pane ta nonon. Mi' pin iri na João ne, pijim' hwet pan ac tain na capijacon Iri' Jam pain ca taramaxicon pe ho' toton cocon oro wari' quem. Jain jain jain jain pi' pin nana oro wari' pain ca taramaxicon pe ho' xirapari' na cocon quem.

Atos 12:11

In pin ac ne na ximicon Pedro ma'. Taxi' pin inon Taramaxicon ne pain ca mam' capa' con jam co taramaja mi' non ta. To' witan ca' napa' con Herodes ma'. To' witan ca' napa' cocon oro win judeu ta' cwa', pain ca winim' cocon oro soldado pain ca to' pa' pin xim cacapa' ma' quem, ac i ma' xucun.

Atos 3:18

Wahu' paxi' na co to' pa' non pane. Ane ara pan cain ca wara tomi' pe nucun Iri' Jam ne. Ac i ma' na ca hwet pin ne capijacon ca xirao' to caca oro profeta pane. Jain jain tamana tara pain ca to' pa' pin tocwa Cristo ta na ca xirao' to cacain ca tomi' pe nucun Iri' Jam pane.

Romanos 1:2

Main taraju jein capija con Jeju ta napari' Iri' Jam pain cara pane. Wiricoco oro profeta nucun co xirao' pe nanain pain capijacon pane quem.

1 Coríntios 14:32

Wari' co pijim' hwet tain nain capijacon Iri' Jam ma', na e' na pain ca winim' con win ma' ca co wara pijim' ma'. Om ta tomi' am pin con.

1 Coríntios 7:29

Je ca tomi' xuhu' ca' xere: In qui' ta' tara Cristo. Om ta pain homa ne ca in qui' ta' nucun. Je ca na e' ne pain ca win xumu xin ca taramaja nexi' pain ca taramaja mi' xun ca'. Win xumu jein, mao ac ne ma' tara pahu'. Tarama' co ma' non narima' ma', ac ca om con tara, win xumu e' tarain ca taramaja nucun pain ca taramaja mi' con Cristo. Ac i ma' tara narima' co ma' nam tarama' ma' quem, ac ca om cam tara, win xumu e' tarain ca taramaja nequem pain ca taramaja mi' con Cristo.

2 Tessalonicenses 1:7

Ara xo' na pain ca to' om pin tain cain ca jain jain nuhu' pain ca quep em' xihwe ma' quem. To' om pin tarain ca jain jain nuhu', to' om pin tarain ca jain jain nuxut ca' quem, pain ca aram aram quiji' qui' tain cain pawin Taramaxicon nexi' Jeju. Maqui' wi tara pain ca weo nein xe. Ja' ja' totoron oro jam co taramaja mi' nonon ma', co hwara' opa nana ma'.

Hebreus 12:9

Noro jujun mana cotere' pain macan' ca' quem. Hu xo' nanapari', tomi' xo' nanapari' pain ca tomi' cacain tarajixi'. Tomi' ha' ac ururun na quem. Je ca tomi' xuhu' ca'. Na e' na pain ca tomi' ha' xun Cotere' co pe pawin cain. E' cara ac iri' tara quem.

2 Pedro 1:21

Xi maqui' camain' nein ca coromicat nucun wari' oro ca tomi' nucucun oro profeta ta. Maqui' pan non Iri' Jam. Je Tamataracon Iri' Jam ca tomi' nonon pain ca tomi' nucucun, an xin tiquin' jein ca tomi' ne ta ac tococwa na oro wari' co tomi' hwet nanain ta.

2 Pedro 3:2

Mam' pe wet jein ca tomi' nucucun oro profeta nucun Iri' Jam pane, pain ca tomi' pe cacain oro ca hwet pa' xim napari'. Mam' pe wet jein ca ara je capari' Taramaxicon nexi' co to' witan napari' cwa' quem, ca tomi' hwet urut pahu' pain ca apóstolo urut ca'.

Apocalipse 1:1

Je i ca' carawa ca maqui' ta' ma', ca an hwet pe ca Jeju Cristo pane. Wirico Iri' Jam co an hwet mi' pan non pain, an xin tiquin' mi' roron pain oro co taramaja mi' nanapa' pain macan' ta non. Om ta pain homa ne, maqui' ac ne tara ta non. Mam' ac capa' na con jam co taramaja mi' non ma', tomi' hwet ron pain João cwain, co taramaja mi' napa' cwain non, tomi' hwet ac capa' pain na quem.

Apocalipse 18:20

Merem ac tococwa tara oro wari' nucun Iri' Jam: Wahu' pain ca to hwein pawin ma', tomi' querec te tamana je! Wahu' quem, pain ca wari' nucun Iri' Jam hwe ma', wahu' quem oro apóstolo cocon oro profeta ma' quem, tomi' querec te tamana je! Wap pin nonon oro wari' nein Babilônia Iri' Jam ma', wap pin nonon oro co an xiho' nanam caxicam narima'. Xi om ne ca quep em' ara cuhu' pane ta. Ac i ma' tara ca merem tococwa ma'.

Apocalipse 19:9

Xirao' ca' ra ta ac capa' na jam co taramaja mi' non Iri' Jam: Param mi' tata pain ca awi wa oro wari' co tomi' wawa pain ca harahap je, cao' querec te wi xijexi' con co ma' co ac Wijimain Taramaji Ovelha ma', co an pin tam nam narima' ta na. Tomi' tomi' tiquin' ac capa' na: Je ca tomi' ca Iri' Jam cwa'. Iri'o' na ca tomi' nucun ta na.

Apocalipse 21:5

Tomi' ac ca na co ma' co xao pe pe nain ca mam' xao pe nucun taramaxicon: Ara xocori ara xocori pi' pin inain oro carawa ta na. Tomi' tomi' tiquin' na quem: Xirao' rain oro ca tomi' xim cara ne. Iri'o' na oro ca tomi' ne. Om ca mixein ta', na e' na pain ca howa cacapa' pain ca tomi' ne oro wari' ta. Ac i ma' na ca tomi' ca co ma'.

Apocalipse 21:9

Hwet ac capa' na jam co taramaja mi' non Iri' Jam ma', co win ma' ne nonon co cut nanain too ca ma' 7 ma', ca moin' pe nain oro ca xirac wa ca ma' 7 ma' quem, tomi' ac capa' na: Hap ra, an hwet mi' xim cam narima' ma', co an ta' ca co ma' co ac Wijimain Taramaji Ovelha ma', ac i ma' na ca tomi' capa' ma'.

Apocalipse 22:1

An hwet mi' ac capa' na pain iri' cwerein com ca mi' nain ca e' cara wa. Awi tamana na comi, om na homiri, om ca tocohon camain' ne. Weweweo qui' nain ca xao pe pe ca Iri' Jam, je ca xao pe pe ca co ma' co ac Wijimain Taramaji Ovelha ma' quem.

Apocalipse 22:16

Wata' pain ca Jeju ta' ca', mam' inuhu' con jam co taramaja mi' napa' ma'. Tomi' hwet roron pain oro carawa ca maqui' pa' toton nonon pain ca cut in taxipa' xucucun pain ca howa cacapa' ta inon pahu'. Wata' co iri' winacon taramaxicon Davi co tomi' pe ca Iri' Jam pain cara pane. An xiho' inon pijo' co toc meremem mip ma', co hwet na pain xo' xec. Ac i ma' na ca tomi' ca Jeju.

Apocalipse 22:7

Je ca tomi' ca Jeju cwa': Taraju wet je e'. Maqui' ho' ta' ina. Om ta om om ta', maqui' hap ta' ina. Wari' co tomi' ha' nain oro ca xirao' pe xine pain tapari carawa ca joc top ca', ca tomi' mi' nain oro carawa ca maqui' ta' ma', param mi' ac tocwa tara pain oro ca awi wa. Ac i ma' na ca tomi' ca ma'.

Apocalipse 4:1

Pi' pin iri na ca tomi' capa' ne, noro ac ta' na, querec ac tain na man ca pa xat pain pawin ma'. Tomi' mami' ac capa' na co wara tomi' napa' ma', co an xiho' nain caji taracom ca tomi' nucun ma'. Tomi' ac capa' na: Piri' qui' ra, an hwet mi' ac xim tara pain oro carawa ca maqui' ta' ma' quem, ac i ma' na ca tomi' capa' ma'.