Apocalipse 22:2 - Tradução Bíblica Pacaas Novos

² Weweweo ac nain ximijain wana ca xuruxut ac caca oro wari' ma', pain ximijain cidade ma'. To nain cacarain com panaji memem ca mi' nain ca e' cara wa, pain xijein cacarain, je pain xijein cacarain ma' quem. Oro winain memem ca mi ne ma', mi mi xam' non oro panawo', mi mi hwet pa' nain xijein cawaxi' quem. Oro tenenein ma', je ca mam' to' om pin xine ca caxi nucucun oro wari' co to nanain oro xijein macan'.

Apocalipse 22:2 Iomraidhean Croise

Lucas 4:18

Pe ho' napa' Tamataracon Iri' Jam. Xi tora' ara capa' ta. Pijim' hwet roron pain capija oro wari' co ximin nana ta napa', pijim' hwet roron pain capija ca tomi' hwet nonon pain ca to' witan ton toton ca' napa'. Oro wari' co om tococon ma', pijim' hwet roron pain napa'. To' querec pin mami' xuhu' ta nuhu' ta napa'. To' witan roron co quep em' wawa ta napa'.

1Pedro 2:24

Wirico co quereme ma', pain ca tatatain pe tocwa pain pana pane. Cut pi' pin nain ca caracat nexi' pain curucun. Ma' ta caracat caracat om pin hwe ta napari'. Ma' ta xuruxut xo' hwe pain ca ara e' hwein ca awi wa ta napari' quem. To' xio pin nuhu', xi om ne ca wap wein pin ara xine curucun pane ta.

Apocalipse 2:7

Mo ta taraju pa' xixi' na hwe ma', je ta taraju wet qui' hwein ca tomi' nein Tamataracon Iri' Jam ca', pain ca tomi' cocon oro co cut in xucucun pain ca howa cacapa' ma'. Main tomi' ca' toton oro wari' co hwara' opa cara nana pain ca howa nucucun ma': Xac jein winain panaji memem ca mi' nain ca e' cara wa ma', ca tarama' pe nain totacon Iri' Jam ta toton. Om ta narain ho' toton pain, xac jein ta toton. Je ca xirao' mi' roron oro co howa to nanain Éfeso ta capa' pane.

Apocalipse 21:21

Ca mam' tao' pa' nein oro manain ca mam' corom ac wa ma', quep ta pain pérola, je i ma' wixinain pacun ca mam' quep xine oro manain ca corom ac wa ma'. Awi tamana na. Mam' quep mam' quep xam' ta pain ca xica' pe nein pérola. Wana pain ximijain cidade ma' iri na ne, ca xuruxut ac caca oro wari' ma', mam' quep ta pain ouro ca awi tamana quem. Om ca em' camain' ne, ac ca mam' querec ca jamu wa na. Awi tamana na quem, om ca tocohon camain' ne.

Apocalipse 21:24

Oro wari' co to nanain oro xijein macan' ma', toha mi' tata pain ca toc meremem nein cidade. Oro co taramaxicon to nanain oro xijein macan' ma', cut tan' tatarain oro caramaxicocon quem.

Apocalipse 22:1

An hwet mi' ac capa' na pain iri' cwerein com ca mi' nain ca e' cara wa. Awi tamana na comi, om na homiri, om ca tocohon camain' ne. Weweweo qui' nain ca xao pe pe ca Iri' Jam, je ca xao pe pe ca co ma' co ac Wijimain Taramaji Ovelha ma' quem.

Apocalipse 22:14

Param mi' tata pain ca awi wa oro wari' co hohoc nonon womicocon ma'. Om ta narain ho' tococwa pain ca xac wa winain panaji memem ca mi' nain ca e' cara wa. Ha' nonon pain ca corom mama' cacain cidade pain oro manain ca mam' corom ac xine quem.

Apocalipse 22:19

Wari' co xic am nain ca xirao' nein ma', am xic am wijimain e' tarain, wap ac tocwa tara quem. Wirico Iri' Jam tara co wap ton non. Nain ho' toron pain ca xac wa winain panaji memem ca mi' nain ca e' cara wa, nain ho' toron pain ca corom wa cidade nucun quem.