Apocalipse 22:16 - Tradução Bíblica Pacaas Novos

¹⁶ Wata' pain ca Jeju ta' ca', mam' inuhu' con jam co taramaja mi' napa' ma'. Tomi' hwet roron pain oro carawa ca maqui' pa' toton nonon pain ca cut in taxipa' xucucun pain ca howa cacapa' ta inon pahu'. Wata' co iri' winacon taramaxicon Davi co tomi' pe ca Iri' Jam pain cara pane. An xiho' inon pijo' co toc meremem mip ma', co hwet na pain xo' xec. Ac i ma' na ca tomi' ca Jeju.

Apocalipse 22:16 Iomraidhean Croise

Mateus 1:1

Je i ca' ca xirao' to xine wixicocon oro hwanana nucun Jeju Cristo pane. Judeu nana. Hwanana ne non taramaxicon Davi cara pane, hwanana ne non Abraão cara pane quem.

Mateus 2:2

Tomi' querec ac caca na: Mon taramaxicon co xo' pan' qui' ma', co taramaxicon pe ho' toton nuhu' pain ca judeu hwe ca' quem? Querec ara xi' urut con pijo' nucun pain macaraxut pane, pain ca maqui' ac ca xina ma'. Je ca maqui' urut ca'. Ma' ta pe torotop mi' querec te xun urut con ta na ca tomi' querec caca ma'.

Mateus 22:42

Cain' cain' ne ca coromicat nuhu' con Cristo quem? Ma' co hwanana ne ca quem tata. Hwanana ne non taramaxicon Davi cara pane ac cocon na.

Mateus 22:45

Je ca tomi' xuhu' ca' ac tococwa na. Taramaxicon ne non Cristo Davi cara pane. Cain' cain' xira quem? Ma' tara ca wina ac con quem ra na ca tomi' tococwa ma'.

Lucas 1:78

Ac i ma' xim napari' Iri' Jam nexi', xi xiram pa' tamana ara capari' ta. Je ca mam' xim capari' con wari' nucun co an xiho' non xina pain ca xo' hwet pin nucun pain xo' xec. Maqui' toron Iri' Jam co pe nain pawin.

Lucas 20:44

Je ca tomi' xuhu' ca' ac tococwa na. Taramaxicon ne non Cristo Davi cara pane. Cain' cain' xira quem? Ma' tara ca wina ac con quem ra na ca tomi' tococwa ma'.

Romanos 15:12

Xirao' pe na Isaías pane quem. Ca' na con pane: Main maqui' tara winacon Jessé. Taramaxicon pe ho' totoron oro co om judeu nana ma'. Mi' totoron pain ca howa cocon pain ca winim' cara cocon ta. Ac i ma' na ca xirao' pe ca Isaías pane.

Romanos 9:5

Hwanana ne nonon Abraão con Isaque con Jacó cara pane. Wiricoco oro win ma' ne nana co nari paxi' nonon Cristo quem. Pain ca wari' nucun Cristo pane, win ma' ne nonon. Ane Iri' Jam pan ca ne. Taramaxicon pe ho' taramaxicon pe ho' pi' pin nonon oro wari'. Taramaxicon pe ho' taramaxicon pe ho' pi' pin nain oro carawa ma' quem. Tomi' an hwet cara xin ca awi nucun ta. Amém, iri'o' na ca tomi' ne ta.

2 Pedro 1:19

Je ca taxi' xuxun oro profeta pain ca pijim' xo' nucucun pane quem. Iri'o' na ca pijim' nucucun, om ca tara ta'a camain' xuxun. Awi na pain ca taraju wet hwein ca pijim' nucucun quem. Xi an xiho' ara nein naran ca toha pe nain xim ta. Toha toha xec pa' ac cuhu' tara, hwet pa' ac cuhu' tara pijo' nein xo' xec pain xumuhu' ma'.

Apocalipse 1:1

Je i ca' carawa ca maqui' ta' ma', ca an hwet pe ca Jeju Cristo pane. Wirico Iri' Jam co an hwet mi' pan non pain, an xin tiquin' mi' roron pain oro co taramaja mi' nanapa' pain macan' ta non. Om ta pain homa ne, maqui' ac ne tara ta non. Mam' ac capa' na con jam co taramaja mi' non ma', tomi' hwet ron pain João cwain, co taramaja mi' napa' cwain non, tomi' hwet ac capa' pain na quem.

Apocalipse 1:11

Tomi' ac capa' na: Xirao' pe ra pain tapari carawa oro ca querec ta' ma ma'. Mam' ac momon pain tara oro co howa nanapa' ma', co cut in xucucun pain oro cidade ma', ca ma' 7 ma'. Mo na oro cidade nucucun: Éfeso ma', Esmirna ma', Pérgamo ma', Tiatira ma', Sardes ma', Filadélfia ma', je Laodiceia ma' quem. Ac i ma' na ca tomi' capa' pane.

Apocalipse 1:4

João ina pain ca xirao' mi' xuhu' ca'. Xirao' mi' inuhu' pain ca howa hun Jeju ma', pain ca cut in xujuhu' pain oro cidade ca ma' 7 ma', ca to nain Ásia ma', je i ma' wixinain macan' ca to ne oro cidade ma'. Tomi' mi' inuhu' con Iri' Jam co ma' cara ma', co wara ma' pain cara pane, co maqui' ta' ma' quem. Param inon pain ca quep xiho' cuhu' pain ca mi' cuhu' pain ca param nucun, param inon pain ca mi' cuhu' pain ca om toron ne xumuhu' quem. Je ca param ta' pain Tamataracon ca ma' 7 ma' pain ca xat quima hwet nein ca mam' xao pe pe ca ma', pain ca Taramaxicon ca ma'. Param inain pain ca quep xiho' cuhu' pain ca mi' cuhu' pain ca param nein, je pain ca mi' cuhu' pain ca om toron ne xumuhu' ma' quem.

Apocalipse 2:11

Mo ta taraju pa' xixi' na hwe ma', je ta taraju wet qui' hwein ca tomi' nein Tamataracon Iri' Jam ca', pain ca tomi' cocon oro co cut in xucucun pain ca howa cacapa' ma'. Oro wari' co hwara' opa cara nana pain ca howa nucucun ma', om ta cono' mami' caca, om ta mama' cacain cote ne xe, om ta to ni ca' cocon Iri' Jam ta. Je ca xirao' mi' roron oro co howa to nanain Esmirna ta capa' pane.

Apocalipse 2:17

Mo ta taraju pa' xixi' na hwe ma', je ta taraju wet qui' hwein ca tomi' nein Tamataracon Iri' Jam ca', pain ca tomi' cocon oro co cut in xucucun pain ca howa cacapa' ma'. Oro wari' co hwara' opa cara nana pain ca howa nucucun ma', mi' toton pain capam' ca maná caca oro wari' nein Israel pane, ca joc xa xine pain xocori ca' quem. Mi' toton pain wijimain pacun ca towo' quem, ca xirao' to xine xocori wixicocon. Taraju pa' xica' to e' pan tatarain xocori wixicocon caram ma' co cut pan nanain quem. Je ca xirao' mi' roron oro co howa to nanain Pérgamo ta capa' pane.

Apocalipse 2:7

Mo ta taraju pa' xixi' na hwe ma', je ta taraju wet qui' hwein ca tomi' nein Tamataracon Iri' Jam ca', pain ca tomi' cocon oro co cut in xucucun pain ca howa cacapa' ma'. Main tomi' ca' toton oro wari' co hwara' opa cara nana pain ca howa nucucun ma': Xac jein winain panaji memem ca mi' nain ca e' cara wa ma', ca tarama' pe nain totacon Iri' Jam ta toton. Om ta narain ho' toton pain, xac jein ta toton. Je ca xirao' mi' roron oro co howa to nanain Éfeso ta capa' pane.

Apocalipse 22:1

An hwet mi' ac capa' na pain iri' cwerein com ca mi' nain ca e' cara wa. Awi tamana na comi, om na homiri, om ca tocohon camain' ne. Weweweo qui' nain ca xao pe pe ca Iri' Jam, je ca xao pe pe ca co ma' co ac Wijimain Taramaji Ovelha ma' quem.

Apocalipse 22:11

Co pan teretem nana ma', pan teretem cara ma' tatara ne. Co to' em' xucucun pain ca caracat nucucun ma', to' em' cara ma' ac xucucun tara. Oro wari' co ara xo' taxipa' nana ma' iri na ne, ara xo' taxipa' cara ma' tatara ne. Co win xumu cara nonon Iri' Jam ma', win xumu cara ma' totoron ne. Ac i ma' na ca tomi' capa' jam co taramaja mi' non Iri' Jam.

Apocalipse 22:20

Co ma' co tomi' hwet napa' pain oro ca xirao' pe ta' ca', tomi' ca' na: Maqui' ho' ta' ina. Om ta om om ta', maqui' hap ta' ina. Iri'o' na ca tomi' ne ca' na. Amém, iri'o' na ca tomi' nucun. Maqui' hap ra ta Taramaxicon!

Apocalipse 22:6

Tomi' ac capa' na jam co taramaja mi' non Iri' Jam. Oro ca tomi' xim cara ne, na e' na pain ca howa cacapa' pain ca tomi' ne oro wari' ta. Xi om ne ca tomi' iri'o' ara ta' ta. Om ca mixein ta'. Taramaxicon nexi' ma', co Iri' Jam ma', co mi' nonon pain ca tomi' hwet wa oro profeta ma', wirico co tomi' ca' napa' pain ca taramaja mi' ton ca'. Hwet roron oro wari' ne co taramaja mi' nanapa' ma', an hwet mi' roron pain oro carawa ca maqui' ta' ma'. Om ta om om ne, maqui' ho' tara ta napa'. Ac i ma' na ca tomi' capa' ta.

Apocalipse 3:13

Mo ta taraju pa' xixi' na hwe ma', je ta taraju wet qui' hwein ca tomi' nein Tamataracon Iri' Jam ca', pain ca tomi' cocon oro co cut in xucucun pain ca howa cacapa' ma'. Je ca xirao' mi' roron oro co howa to nanain Filadélfia ta capa' pane.

Apocalipse 3:22

Mo ta taraju pa' xixi' na hwe ma', je ta taraju wet qui' hwein ca tomi' nein Tamataracon Iri' Jam ca', pain ca tomi' cocon oro co cut in xucucun pain ca howa cacapa' ma'. Je ca xirao' mi' roron oro co howa to nanain Laodiceia ta capa' pane.

Apocalipse 3:6

Mo ta taraju pa' xixi' na hwe ma', je ta taraju wet qui' hwein ca tomi' nein Tamataracon Iri' Jam ca', pain ca tomi' cocon oro co cut in xucucun pain ca howa cacapa' ma'. Je ca xirao' mi' roron oro co howa to nanain Sardes ta capa' pane.

Apocalipse 5:5

Tomi' ac capa' na wiracon taramaxicon ma', co win ma' ne nonon oro taramaxicon co ma' 24 nana ma'. Am moin' ra. Noro ron co ma' co ac Leão ma', co Taramaxicon hwara' opa ma', co hwanana ne non Judá cara pane. Iri' winacon taramaxicon Davi cara pane. Hwara' opa pan na, xi om ne ca to' quiji' pin ara con Caxicon Jam pain oro ca om awi wa ta. Na e' na pain ca pa pan cain tapari carawa ca joc top ma', na e' na pain ca pa cain ca hupa' caho' nein ma', ca ma' 7 ma' quem. Ac i ma' na ca tomi' capa' ma'.