Apocalipse 22:14 - Tradução Bíblica Pacaas Novos

¹⁴ Param mi' tata pain ca awi wa oro wari' co hohoc nonon womicocon ma'. Om ta narain ho' tococwa pain ca xac wa winain panaji memem ca mi' nain ca e' cara wa. Ha' nonon pain ca corom mama' cacain cidade pain oro manain ca mam' corom ac xine quem.

Apocalipse 22:14 Iomraidhean Croise

João 10:7

Tomi' mami' ac tococwa na: Je ca tomi' xuhu' ca', tomi' iri'o' inuhu' ta. Wata' co iri' man ca corom ac ne ovelha ma', pain ca corom ac nein ca tao' caho' nein ma'. Xi wata' ara ne co mi' nonon pain ca corom hwet wa Iri' Jam oro wari' ne ta.

João 10:9

Wata' co iri' man ca corom ac wa ca'. Oro wari' co corom ac nanapa' pain ca howa cacapa' ma', witan ac caca tara. Win ne ovelha ma'. Corom na, hwet mao ac ne na, mam' ac nein na tononoin. Ac i ma' tara ca querec wet toton co howa nanapa' ta.

João 14:15

Mo ta om noc mahu', tomi' ha' ac mahu' tara pain oro ca ara je xuhu' ca' ac caparut na.

João 14:6

Om na, wata' co Iri' Wanaxicon Te Iri' Jam pan cwa' ta ac ca na Jeju. Wata' co an hwet mi' nuhu' pain ca iri'o' wa con. Wata' co mi' nuhu' pain ca e' cara wa quem. Xica' pe ina pain ca mi' taxi' xuhu' pain ca hwet hun Te ta. Om na xucun.

João 4:12

Manain com ca', mi' napari' pain hwanana nexi' Jacó cara pane. Wirico co toc nain cominain, toc nanain mana panxica, toc nain oro winacon pane quem. Hwara' opa tiquin' ca' inon xi' ma mon pain ca cam mi' xim mapa' pain com ca to' e' cara nain ca wari' wa ra na ca tomi' con ma'.

1 Coríntios 7:19

Mo ta wac xirac tocwa, mo ta om wac xirac tocwa quem, je i ma' ira pan na Iri' Jam. Cain' cain' capari' quem? Taraju wet je e', na e' na pain ca tomi' ha' xin oro ca ara je capari' ca'.

1 Coríntios 8:9

Je je ari paxi' na con Iri' Jam, ane tomi' xuhu' pain i ca' ne. Ma' tara xumuhu' me. Hohot paxi' na pain ca cao' hwein cwerein carawa ca mi' xine caji pacun. Ane om na ne pain ca ja' camara' huhun oro xerexi' co om hwara' opa nana pain ca howa nucucun ne. Am i'ina ne ximicocon pain ca cao' hwein cwerein carawa ca mi' xine caji pacun ma'.

1 Coríntios 9:5

Cain' cain' ne cacam narima' nuxut co howa nana quem? Om ca hohot ne pain ca maji urut cacam pain ca pijim' mama' urut pain oro xijein xirim ra? Hohot ne ma' ira. Win caca oro xucucun apóstolo ma', win caca mana coxa' ca Taramaxicon nexi' Jeju ma' quem. Win ca Pedro ma' quem. Maji nanam manacocon, mi' ac tacacama na pain carawa ca cao' wa quem.

Gálatas 5:6

Xi quep xiho' capari' ca wac xirac xine taparinain ca xirac nexi' ta. Pain ca howa xun Cristo Jeju pain ca to' hohot pan capari' ca', mo ta wac xirac cacapari', mo ta om wac xirac cacapari', an an ari na con Iri' Jam. Om ca tocojin' capari' pain i ma'. Noro e' nain ca howa nexi' pain ca howa xun Cristo. Om iri na ca noc caracan xijexi' ne, querec pin' ac capari' na pain ca howa xun quem.

1João 3:3

Oro wari' co winim' nanain xec nein ca mi' xun tococwa pain ca ac wirico Cristo pin caca ma', to ni ca' taxipa' nanain oro ca caracat wa ma'. Win ca Cristo pain ca pe ni ca' cain ca caracat wa ma' quem.

1João 5:3

Tomi' ha' taxipa' iri urun pain oro ca ara je capari' ne, ac i ma' na ca an hwet pin xin ca om noc xun ca'. Om ca i'ina capari' pain ca tomi' ha' xin oro ca ara je capari' quem.

Apocalipse 2:7

Mo ta taraju pa' xixi' na hwe ma', je ta taraju wet qui' hwein ca tomi' nein Tamataracon Iri' Jam ca', pain ca tomi' cocon oro co cut in xucucun pain ca howa cacapa' ma'. Main tomi' ca' toton oro wari' co hwara' opa cara nana pain ca howa nucucun ma': Xac jein winain panaji memem ca mi' nain ca e' cara wa ma', ca tarama' pe nain totacon Iri' Jam ta toton. Om ta narain ho' toton pain, xac jein ta toton. Je ca xirao' mi' roron oro co howa to nanain Éfeso ta capa' pane.

Apocalipse 21:12

Ma' na cote ne pacun ca tao' caho' nain, mao nain pawin. Ma' 12 na oro ca corom ac xine, ma' 12 nana co coco' to ho' nanain quem. Oro jam co taramaja mi' nonon Iri' Jam ma', wiricoco co coco' to ho' nanain oro manain ca corom ac xine. Xirao' pe xirao' pe xam' ta wixicocon mana panxica Israel pain cacarain oro manain ca corom ac xine quem, xirao' xirao' xam' ta oro wixicocon pain ca ma' 12 ne ca xucun wari' xucun wari' xam' caca pane.

Apocalipse 21:27

Om ta corom camain' caca oro wari' co to' em' xucucun pain ca pan teretem nucucun ma', cocon oro co ara taxipa' nanain oro ca om querec awi non Iri' Jam ma' quem, cocon co mixein nonon oro win ma' caca ma' quem, om ta corom camain' caca. Corom xica' to e' tatara oro wari' co xirao' to wa wixicocon pain tapari carawa nucun co ma' co ac Wijimain Taramaji Ovelha ma', corom xica' to e' tatara co xirao' to wa wixicocon pain ca e' cara xi' caca ma'.

Apocalipse 22:2

Weweweo ac nain ximijain wana ca xuruxut ac caca oro wari' ma', pain ximijain cidade ma'. To nain cacarain com panaji memem ca mi' nain ca e' cara wa, pain xijein cacarain, je pain xijein cacarain ma' quem. Oro winain memem ca mi ne ma', mi mi xam' non oro panawo', mi mi hwet pa' nain xijein cawaxi' quem. Oro tenenein ma', je ca mam' to' om pin xine ca caxi nucucun oro wari' co to nanain oro xijein macan'.

Apocalipse 22:7

Je ca tomi' ca Jeju cwa': Taraju wet je e'. Maqui' ho' ta' ina. Om ta om om ta', maqui' hap ta' ina. Wari' co tomi' ha' nain oro ca xirao' pe xine pain tapari carawa ca joc top ca', ca tomi' mi' nain oro carawa ca maqui' ta' ma', param mi' ac tocwa tara pain oro ca awi wa. Ac i ma' na ca tomi' ca ma'.

Apocalipse 7:14

Om ca taxi' toton ta taramaxicon. Tomi' hwet ne cocon ac ton na. Tomi' hwet ac capa' na: Wiricoco co jain jain tamana nana pain oro cawaxi' pain ca quep em' tamana tococwa pain ca howa cocon Jeju pane. Hohoc hohoc towo' pin nonon womicocon pain quicon co ma' co ac Wijimain Taramaji Ovelha ma'.