Apocalipse 22:10 - Tradução Bíblica Pacaas Novos

¹⁰ Tomi' tomi' tiquin' ac capa' na: Ta joc xim main oro ca xirao' pe ma pain tapari carawa ma', ca tomi' mi' nain oro carawa ca maqui' ta' ma' me ta. Xi wixicam pin ara ne oro xec nein ca maqui' ta' ne ta.

Apocalipse 22:10 Iomraidhean Croise

Mateus 10:27

Ca tomi' ne pain ca tomi' noc xa xuhu' pain ca paric to nexi' pain xirixi' ca', pain ximijain xim ca', tomi' hwet pi' pin ac huhun tara pain oro wari' pain tocon xina.

Romanos 13:11

Na e' na pain ca ara hwein ca tomi' xuhu' ca' ne, xi querec pin' ara hwein oro xec nexi' ta. Querec ho' xi', pi'am maho' xi', naro maho' xi'. Xi om ne ca wixicam pin ara ne xec nein ca to' witan pin xim capari' ta. Om ca wixicam querec ne pain cara pane, pain ca xo' howa qui' xun Cristo pane. Ane wixicam pin ne pain xocori ca' ne.

Romanos 13:12

Ac ca xim pin ne na pain macan' ca', xi om ne ca pan teretem ara caca oro wari' ta. Ane wara pi' pin ta' ne xim ne. Ac ca wara xec pin ta' ne na quem, xi in qui' ta' ara ca Cristo ta. Je ta maho' qui' xin oro ca pan teretem wa ca ara towa taxipa' caca oro caracat ma'. Noro jujun oro soldado co to nonon womicocon ma', pain ca mixita xi' caca pain oro xec. Mam' mixita xin oro ca pan teretem wa pain naran nucun Iri' Jam quem.

2 Tessalonicenses 2:3

Om ca na camain' ne pain ca howa hun wari' co tomi' mixein ac i ma' nuhu'. Xi iri'o' ne ca tomi' nucun ta. Om ta maqui' hap ne xec nein ca in qui' ta' nucun Jeju ta. Maqui' cain' tara oro xec pain ca ari tamana cocon Iri' Jam oro wari'. Mija pin iri tatara co an to pin nanain ca howa wa ne, ane ane maqui' ac ca tara xucun wari' co iri' waximain ca caracat wa. Iri' caxicon wari' tara. Main xin mi' pan toron pain cote ne xe Iri' Jam ta, ame hwe e'.

1Pedro 4:7

Wixicam pin na xec nein ca pi' pin ta' ne macan' je oro carawa jimao quem. Je ta coromicat xo' qui' hwe ta. Ma' tara xumuhu' quem. Ma' ta ha' cuhu' pain ca tomi' hun Iri' Jam ta.

Apocalipse 1:11

Tomi' ac capa' na: Xirao' pe ra pain tapari carawa oro ca querec ta' ma ma'. Mam' ac momon pain tara oro co howa nanapa' ma', co cut in xucucun pain oro cidade ma', ca ma' 7 ma'. Mo na oro cidade nucucun: Éfeso ma', Esmirna ma', Pérgamo ma', Tiatira ma', Sardes ma', Filadélfia ma', je Laodiceia ma' quem. Ac i ma' na ca tomi' capa' pane.

Apocalipse 1:3

Iri' Jam ma', param mi' non pain ca awi wa wari' co noro nain ca xirao' ne ca', param mi' nonon pain ca awi wa oro wari' co taraju nanain pain ca noro xine ma', wiricoco co tomi' ha' nanain quem. Xi om ne ca wixicam pin ara ne oro xec nein ca maqui' ta' ne oro ca xirao' ne ta.

Apocalipse 10:4

Toroho mip iri na comerem ne, xirao' tain paxi' inain ca tomi' nucun ira. Ane taraju tain ca tomi' wa ca maqui' nain pawin ne. Joc xim rain ca tomi' ca comerem cwa', ta tomi' hwet main me. Ta xirao' main me ta ac capa' na.

Apocalipse 22:16

Wata' pain ca Jeju ta' ca', mam' inuhu' con jam co taramaja mi' napa' ma'. Tomi' hwet roron pain oro carawa ca maqui' pa' toton nonon pain ca cut in taxipa' xucucun pain ca howa cacapa' ta inon pahu'. Wata' co iri' winacon taramaxicon Davi co tomi' pe ca Iri' Jam pain cara pane. An xiho' inon pijo' co toc meremem mip ma', co hwet na pain xo' xec. Ac i ma' na ca tomi' ca Jeju.

Apocalipse 22:18

Wahu' pain ca taraju huhun co noro mi' nunuhu' pain oro ca xirao' pe tain tapari carawa ca joc top ca', ca tomi' mi' nain oro carawa ca maqui' ta' ma', tomi' mip ca' inuhu': Wari' co an in nain ca xirao' nein ca', pain ca xirao' hwara' pin cain, wap ac tocwa tara, wirico Iri' Jam tara co mam' wap ton non pain oro ca xirac wa ca xirao' pe ta' pain tapari carawa ca', ca to' jain jain xun nonon oro wari' ma'.

Apocalipse 22:20

Co ma' co tomi' hwet napa' pain oro ca xirao' pe ta' ca', tomi' ca' na: Maqui' ho' ta' ina. Om ta om om ta', maqui' hap ta' ina. Iri'o' na ca tomi' ne ca' na. Amém, iri'o' na ca tomi' nucun. Maqui' hap ra ta Taramaxicon!

Apocalipse 22:7

Je ca tomi' ca Jeju cwa': Taraju wet je e'. Maqui' ho' ta' ina. Om ta om om ta', maqui' hap ta' ina. Wari' co tomi' ha' nain oro ca xirao' pe xine pain tapari carawa ca joc top ca', ca tomi' mi' nain oro carawa ca maqui' ta' ma', param mi' ac tocwa tara pain oro ca awi wa. Ac i ma' na ca tomi' ca ma'.

Apocalipse 22:9

Ane tomi' capa' ne, ta pe torotop mi' querec te mapa' me ta. Ac wum ina, taramaja mi' e' inon Iri' Jam ta. An xiho' inem, an xiho' inonon co win howa ma ma', an xiho' inonon oro co tomi' hwet nanain capijacon Iri' Jam ma'. An xiho' inonon co tomi' ha' nanain oro ca xirao' pe xine pain tapari carawa ca joc top ca'. Pe torotop mi' querec te pan ron Iri' Jam ta! Ac i ma' na ca tomi' capa' ma'.

Apocalipse 5:1

Querec ac tain na tapari carawa ca joc top ma', ca an ca co xao pe pe nain ca mam' xao pe nucun ma'. An na pain micon ma', pain iri' curucun ma'. Wara xirao' nain pain quimain je xonein. Mam' hupa' caho' na pain carawa ca ac catocwan' ma' quem. Ma' 7 na ca hupa' caho' nein. Ma' ta pa xica' pe cain co pa rain ta ta' ca' na.