Apocalipse 21:4 - Tradução Bíblica Pacaas Novos

⁴ Xic cawain' xic cawain' pi' pin tarain oro comi tococon pain ca awaran nucucun. Om ta cono' mami' wa, om ta tomi' xaxa' mami' wa, om ta awaran mami' wa, om ta caxi mami' wa quem. Xi om pin ara ne oro coximi wara macan' ta. Ac i ma' na ca tomi' wa ca maqui' nain ca mam' xao pe ca Iri' Jam.

Apocalipse 21:4 Iomraidhean Croise

Mateus 24:35

Main om pin tara pawin pain macan' ca'. Oro ca tomi' ne ca' iri na ne, om ta pan' ara'am camain' ne ta. To wet cara tara ta na ca tomi' caparut ma'.

1 Coríntios 15:26

To' quiji' pin to' quiji' pin, wara ca' tara ca cono' wa ma', to' quiji' pin ac cain tara quem. Om pin ac ne tara ta.

1 Coríntios 7:31

Oro caramaji macan' ca ma' napari' ca', om ca na ne pain ca win xumu xin. Pi' pin ta' ara xi' na macan' ta.

2 Coríntios 5:17

Je ca tomi' xuhu' ca'. Pain ca win cwere pin xun Cristo cwa', xocoricon wari' pin iri'. Om pin na wara cwerexi' ca xuruxut pan teretem pain cara pane. Ma' pin na xocori cwerexi' ca xuruxut xo' pin pain xocori ca' quem.

2 Coríntios 6:17

Je ca xirao' pe xine i ca', pain capijacon quem: Tomi' ca' inuhu' pain ca Taramaxicon Iri' Jam ta' ca'. Paca' jujun oro co om howa nanapa'. In ca' jujun. Ein jein oro ca em' wa, ta wixicam camain' hwein me. Mo ta tomi' ha' mahu' pain ca tomi' xuhu' ca', tomi' querec te ac xuhu' tara ta. Ac i ma' na ca xirao' pe xine pain capijacon.

Hebreus 12:27

Pain ca tomi' pe cain i ma', pain ca to' cocoroc mami' tain macan' ca ma', taraju pa' irin i ca' quem: Main to' om pin tarain oro carawa ca tomi' ma' pin ca pane. To' cocoroc tarain, om pin ac ne tara. Ma' ta to wet cara e' ne oro carawa ca om cocoroc ac ne ma' ta na.

2 Pedro 3:10

Ac ca om om ca paxi' na Taramaxicon nexi' ma', ane maqui' ta' ca ne. Ane ane maqui' tara xec nein ca in qui' ta' nucun. Ac pain ca ane ane maqui' ca wari' co an noc xa tain nain carawa ma' tara pain ca om winim' tocwa ma', ac i ma' tara ca ane ane maqui' ta' ne xec nucun Taramaxicon nexi'. Taraju ac xine tara ca coc irija' wa, ac jam tara, ane ane om pin ac ne tara pawin. Wiran mao ac ca tara xina con panawo' con pijo', wiran mao tara macan' je oro carawa ca to nain quem. Om om pi' pin ac ne tara ta.

1João 2:17

Main om pin tara oro carawa ca om hohot non Iri' Jam pain macan' ca'. Main om pin tara oro ca param ximama' caca oro co om howa nonon ma' quem. Wari' co ara nain ca param pan nucun Iri' Jam ma' iri na ne, e' cara ac ca tara ta.

Apocalipse 20:13

Oro wari' co wara cono' nana pane, co cono' to nanain cote ne com pane, co cono' to nanain macan' pane, co wara mama' nanain ca to pan caca oro co cono' nana ma' quem, coco' quima hwet nonon co ma' co xao pe pe nain cote ne ca mam' xao pe ca taramaxicon ma'. Win ne ca ara hwe pane ac tococwa na, wap wap xam' ac tococwa na quem.

Apocalipse 20:14

Oro wari' co wara cono' nana ma', wiricoco co to nanain ca to pan caca oro co wara cono' nana ma', wixicaracao' mi' ac tococwa na pain cote ne xe ca ac xuterem' ma'. Cote ne xe ma', ca ac xuterem' ma', tomi' joc mam' mi' nain ca cono' mami' wa.

Apocalipse 21:1

Querec ac tain na xocori pawin je xocori macan'. Wara om pin ara xi' na wara pawin je wara macan' pane. Wara om pin na cote ne com quem.

Apocalipse 22:3

Om tarain cidade nucun Iri' Jam oro ca tomi' noro ca, om tatara oro wari' co tomi' noro ca quem, om om tara oro ca om querec awi non. Pe tarain i ma' ca mam' xao pe pe ca Iri' Jam con co ma' co ac Wijimain Taramaji Ovelha quem. Oro co taramaja mi' e' nonon ma', pe torotop mi' querec te totoron quem.

Apocalipse 7:17

Xi om ne ca querec wet xo' toton ara cocon co ma' co ac Wijimain Taramaji Ovelha ma', co pe ja' pan nain ca mam' xao pe ca Iri' Jam ma'. O mama' ac tococwa tara pain ca hoi hoi ne com ca mi' nain ca e' cara wa. Xiram pa' totoron Iri' Jam quem, xic cawain' xic cawain' pi' pin tarain comi tococon pain ca awaran nucucun ma'. Ac i ma' na ca tomi' capa' ma'.