Apocalipse 21:3 - Tradução Bíblica Pacaas Novos

³ Taraju ac tain na ca tomi' wa ca maqui' nain ca mam' xao pe ca Iri' Jam. Tomi' mip ac i ca' na: Aram aram pe ho' pin toton nonon oro wari' Iri' Jam ta. Pe ho' pin toton nonon, wari' ne pin ac tococwa tara. Wirico Iri' Jam pan tara co pe ho' toton nonon, Iri' Jam ne pan ac cocon tara oro wari' nucun quem.

Apocalipse 21:3 Iomraidhean Croise

João 1:14

Wari' pin na co ma' co capijacon Iri' Jam na wixicon. Pe ho' napari' pane. Querec pin' urun pain ca awi tamana nucun pain ca hwara' opa nucun pain ca Iri' Jam nucun. Xi Iri' Panxica Iri' Jam ara ca ta. Om ca noc capari', xiram pa' tamana napari'. Tomi' iri'o' e' na.

João 14:23

Om na ta Judas ac con na. Wari' co om noc napa' ma', tomi' ha' ac cain tara ca tomi' ne. Te ma', om ta noc con quem. Wata', Te quem, hwet ac xut con tara, to ho' ac xut con tara quem.

2 Coríntios 6:16

Tomi' xin xiricon Iri' Jam ma' quem. Ma' tara ca an an ari ac xijein xiricon Iri' Jam pain caji pacun ca Iri' Jam xi' ma caca oro wari' ra? Om na ta! Je ca tomi' xuhu' ca'. Xiricon Iri' Jam co e' cara cwa' iri'. Win ne ca tomi' pan ca pain cara pane: Pe ho' toton oro wari' ne cwa'. Pe ho' cara toton. Iri' Jam ne tatarapa', oro wari' ne ac toton tara quem. Ac i ma' na ca tomi' ca Iri' Jam pain cara pane.

2 Coríntios 6:18

Xirao' pe ca' na quem: Te ac mahu' tara, mana panxita' ac xuhu' tara pain ca tarama' nuhu' ma', je pain ca narima' hwe ma' quem. Je ca tomi' xuhu' pain ca Taramaxicon Iri' Jam ta' ca', pain ca hwara' opa pan ta' ca'. Ac i ma' na ca xirao' pe xine pain capijacon.

1 Tessalonicenses 3:11

Mi' xut pain ca hwet xo' urut cocon ta urut con pahu' quem, ac i ma' na ca tomi' urut con Cotere' Iri' Jam con Taramaxicon nexi' Jeju quem.

Hebreus 11:16

Ane jain jain cacain xijein macan' ca awi tiquin' ca' nain wara macaracocon ne, jain jain nanain iri' macaracocon ca pe pawin cain. Je ca om wixipa' pan cocon Iri' Jam ma'. Tomi' querec te inuhu' pain ca Iri' Jam ne mahu' ta nonon. Je ca quep an pe xo' mi' cocon pain iri' macaracocon pain i cain.

Hebreus 8:10

Maqui' iri tara oro xec nein xocori ca tomi' xo' ne ne, pain ca tomi' xo' mami' toton ta' oro waram winacon Israel ma', tomi' ca' ac toton tara ta na Taramaxicon Iri' Jam. An pe xo' mi' xuhu' pain ca coromicat nuhu' oro capija ca tomi' ha' je xuhu' ta. Ac ca xirao' pe mi' xuhu' tara pain xumuhu'. Iri' Jam ne ac mahu' tara, oro wari' ne ac xuhu' tara quem.

Hebreus 8:2

Taramaja pe nain iri' xirim ca in ac pe tocwa Iri' Jam cwain, ca quep pan ca cain. Om ca quep cain wari', quep pan nain Taramaxicon Iri' Jam.

Apocalipse 10:4

Toroho mip iri na comerem ne, xirao' tain paxi' inain ca tomi' nucun ira. Ane taraju tain ca tomi' wa ca maqui' nain pawin ne. Joc xim rain ca tomi' ca comerem cwa', ta tomi' hwet main me. Ta xirao' main me ta ac capa' na.

Apocalipse 10:8

Tomi' mami' ac capa' na co wara tomi' napa' ma', co tomi' qui' nain pawin ma'. Hwet ron jam co taramaja mi' non Iri' Jam ma', co xin cam pe nain cote ne com, co xom pe nain macan' ma'. An rain wijimain tapari carawa ca joc top ira, ca an ca pain micon ma', ca wara pa ma', ac i ma' na ca tomi' capa' ma'.

Apocalipse 12:10

Taraju ac tain na ca tomi' wa ca maqui' nain pawin. Tomi' mip ca' na: Maqui' pin iri na xec nein ca to' witan pin toton oro wari' ne ta na Iri' Jam nexi', je pain ca tomi' joc mam' mi' cain ca hwara' opa nucun, je pain ca Taramaxicon pin ca ca'. Maqui' pin iri na xec nein ca tora' ca Cristo ma' quem, pain ca hwara' opa pan ca pain ca Taramaxicon pin ca ca'. Xi xin hwet pin ara tocwa co ma' co xina non Iri' Jam ma', co tomi' em' taxipa' nonon oro xerexi' pain xec je pain xim quem.

Apocalipse 21:7

Oro wari' co hwara' opa cara nana pain ca howa nucucun ma', mi' ac toton tara pain oro ca wara tomi' pe ta' ca'. Iri' Jam ne tatarapa', mana panxita' ac toton tara quem.

Apocalipse 22:3

Om tarain cidade nucun Iri' Jam oro ca tomi' noro ca, om tatara oro wari' co tomi' noro ca quem, om om tara oro ca om querec awi non. Pe tarain i ma' ca mam' xao pe pe ca Iri' Jam con co ma' co ac Wijimain Taramaji Ovelha quem. Oro co taramaja mi' e' nonon ma', pe torotop mi' querec te totoron quem.

Apocalipse 7:15

Je ca coco' quima hwet cacain ca mam' xao pe ca Iri' Jam ma' ac capa' na. In ac to nonon pain xiricon ma', pe torotop mi' querec te nonon pain xec, je pain xim quem. Co ma' co xao pe pe nain ca mam' xao pe nucun ma', pe ho' cara totoron, querec wet cara totoron quem.