Apocalipse 21:18 - Tradução Bíblica Pacaas Novos

¹⁸ Ca tao' caho' nein ma', mam' quep ta pain jaspe, je i ma' wixinain pacun ca mam' quep xine ca tao' caho' nein. Cidade ma' iri na ne, mam' quep ta pain ouro ca awi tamana quem. Om ca em' camain' ne. Ac ca mam' querec ca jamu wa na. Awi tamana na, om ca tocohon camain' ne.

Apocalipse 21:18 Iomraidhean Croise

Apocalipse 21:11

Toha tamana na, xi om ca Iri' Jam co toc meremem mi' nain ta. An xiho' nain ca toc meremem nein pacun ca awi tamana, an xiho' nain jaspe. Om na homiri, om ca tocohon camain' ne.

Apocalipse 21:19

Ma' 12 na oro cote ne pacun pain caximain ca to' teren nain ca tao' caho' nein quem, ara awi ta pain oro xijein pacun ca awi tamana. Mo na ca mam' ara awi xine ma': Ca ma' cain' ma', mam' ara awi ta pain jaspe. Wirain ma' iri na ne, mam' ara awi ta pain safira. Wirain ma' iri na ne, mam' ara awi ta pain calcedônia. Wirain ma' iri na ne, mam' ara awi ta pain esmeralda.

Apocalipse 21:21

Ca mam' tao' pa' nein oro manain ca mam' corom ac wa ma', quep ta pain pérola, je i ma' wixinain pacun ca mam' quep xine oro manain ca corom ac wa ma'. Awi tamana na. Mam' quep mam' quep xam' ta pain ca xica' pe nein pérola. Wana pain ximijain cidade ma' iri na ne, ca xuruxut ac caca oro wari' ma', mam' quep ta pain ouro ca awi tamana quem. Om ca em' camain' ne, ac ca mam' querec ca jamu wa na. Awi tamana na quem, om ca tocohon camain' ne.

Apocalipse 4:6

Pe quima hwet nain ca mam' xao pe nucun cote ne com ma' quem. Ac ca mam' querec ca jamu wa paxi' na. Awi tamana na, om na homiri, om ca tocohon camain' ne. To nanain ximijain caram ma' co e' nana ma', co ac jam paxi' nana ma'. Ma' 4 nana. Mija na tococon, to to xam' na tococon pain quimacocon, je pain waracocon. To to mam' pin nanain ca mam' xao pe nucun taramaxicon ma'. Pe nain quimacon xucun, pe nain waracon xucun, pe nain quiricon xucun, pe nain xijein quiricon xucun ma' quem.