Apocalipse 21:17 - Tradução Bíblica Pacaas Novos

¹⁷ Tacan ac cain na ca tao' caho' nein quem. Iri' cote ne, ma' 65 na metro pain ca iriquito nein. Ca mam' tacan ca jam co taramaja mi' non Iri' Jam ma', an an ari nain ca mam' tacan nexi' pain ca wari' nexi' pain xocori ca'.

Apocalipse 21:17 Iomraidhean Croise

Apocalipse 13:18

Taraju pa' xin i ca': Wari' co taraju pa' ma', querec pin' tarain ca tomi' mao ne número nein wixicon co ac caji carawa co hwet qui' cain' ma'. Número nucun ma', tomi' joc mam' mi' nain wixinain ca wari' wa. Je i ca' número nucun: 666 na ta.

Apocalipse 14:3

Oro wari' ma', co ma' 144.000 nana ma', com ac cacain na xocori tamara'. Coco' quima hwet nanain ca mam' xao pe pe ca Iri' Jam ma', cocon caram ma' co e' nana ma', co ac jam paxi' nana ma', co ma' 4 nana ma', cocon oro taramaxicon ma' quem, je ca com to cacain xocori tamara'. Om ca taxi' xixi' na ac cacain oro xucucun wari'. Xica' to nana caram ma' co ma' 144.000 nana ma', co to' witan ca' wawa cocon oro caracat co to nanain oro xijein macan' ma', xica' to nana caram ma' co com taxi' nanain xocori tamara'.

Apocalipse 21:16

Om ca hwara' paxica' ne oro quirinain cidade, an an ari xijein oro quirinain. Tacan ac cain na cidade pain ca mam' tacan nucun. Iri' cote ne cidade ta, ma' 2.200 na quilômetro pain ca hwara' nein. An an ari xijein oro quirinain pain ca hwara' nein pain pawin quem.

Apocalipse 21:9

Hwet ac capa' na jam co taramaja mi' non Iri' Jam ma', co win ma' ne nonon co cut nanain too ca ma' 7 ma', ca moin' pe nain oro ca xirac wa ca ma' 7 ma' quem, tomi' ac capa' na: Hap ra, an hwet mi' xim cam narima' ma', co an ta' ca co ma' co ac Wijimain Taramaji Ovelha ma', ac i ma' na ca tomi' capa' ma'.

Apocalipse 7:4

Taraju ac ton na co tomi' hwet nain ca mija nucucun ma', co xirao' wawa pain ca mam' xirao' nucun Iri' Jam pain jitaracocon ma'. Ma' 144.000 nana ta na. Wari' nucucun oro waram winacon Israel pi' pin nana ta na.