Apocalipse 21:15 - Tradução Bíblica Pacaas Novos

¹⁵ Jam co taramaja mi' non Iri' Jam ma', co tomi' napa' ma', an nain taparain pana ca mam' tacan wa, ac taparain pana paxi' na, mam' quep ta pain ouro. Tacan tain cidade ma', je oro manain ca corom ac xine ma', je cote ne pacun ca tao' caho' nain ma' quem ac ca na.

Apocalipse 21:15 Iomraidhean Croise

Apocalipse 21:12

Ma' na cote ne pacun ca tao' caho' nain, mao nain pawin. Ma' 12 na oro ca corom ac xine, ma' 12 nana co coco' to ho' nanain quem. Oro jam co taramaja mi' nonon Iri' Jam ma', wiricoco co coco' to ho' nanain oro manain ca corom ac xine. Xirao' pe xirao' pe xam' ta wixicocon mana panxica Israel pain cacarain oro manain ca corom ac xine quem, xirao' xirao' xam' ta oro wixicocon pain ca ma' 12 ne ca xucun wari' xucun wari' xam' caca pane.

Apocalipse 21:16

Om ca hwara' paxica' ne oro quirinain cidade, an an ari xijein oro quirinain. Tacan ac cain na cidade pain ca mam' tacan nucun. Iri' cote ne cidade ta, ma' 2.200 na quilômetro pain ca hwara' nein. An an ari xijein oro quirinain pain ca hwara' nein pain pawin quem.

Apocalipse 21:21

Ca mam' tao' pa' nein oro manain ca mam' corom ac wa ma', quep ta pain pérola, je i ma' wixinain pacun ca mam' quep xine oro manain ca corom ac wa ma'. Awi tamana na. Mam' quep mam' quep xam' ta pain ca xica' pe nein pérola. Wana pain ximijain cidade ma' iri na ne, ca xuruxut ac caca oro wari' ma', mam' quep ta pain ouro ca awi tamana quem. Om ca em' camain' ne, ac ca mam' querec ca jamu wa na. Awi tamana na quem, om ca tocohon camain' ne.

Apocalipse 21:25

Om ta irawin tao' pa' camain' xine oro manain ca corom ac xine, xi ma' ta' ne xim pain i cain ta. Xec cara e' tara.