Apocalipse 20:11 - Tradução Bíblica Pacaas Novos

¹¹ Querec ac tain na cote ne ca mam' xao pe ca taramaxicon. Towo' na. Querec inon co xao pe pe nain quem. Jein ca' non macan' je pawin quem. Om ca querec mami' xine.

Apocalipse 20:11 Iomraidhean Croise

Mateus 11:22

Ane tomi' pan xuhu' pain i ca' ne, tomi' iri'o' inuhu': Maqui' iri tara xec nein ca wap toton oro wari' pain ca caracat nucucun Iri' Jam ne, wap ac cuhu' tara. Wap pije' totoron oro caracat co to nanain Tiro je Sidom cara pane. Wahu' iri na ne, pain ca to hwein Corazim je Betsaida ma', wap tamana pan ac cuhu' tara ta!

Mateus 24:35

Main om pin tara pawin pain macan' ca'. Oro ca tomi' ne ca' iri na ne, om ta pan' ara'am camain' ne ta. To wet cara tara ta na ca tomi' caparut ma'.

Mateus 25:31

Wata' pain ca Iri' Wari' ta' ca', in qui' ta' ina ta ac caparut na. Mam' maqui' ta' pain ca hwara' opa ne. Maqui' wi ta' cocon oro jam co taramaja mi' nanapa' quem. Maqui' ta' iri ta' ne, xao pe ac tain tara iri' ca mam' xao pe nucun taramaxicon, iri' taramaxicon pin ac ta' tara ta.

Romanos 2:5

Ane opain ne xumum ne. Om ca cwirin' ra na ma. To' hwara' pin main ca mana' nucun Iri' Jam pain ca wap xim quem ma'. Ame ma e', maqui' iri tara xec nein ca an hwet pin tain cain ca mana' nucun ma' ne, wap ac cocon tara oro wari' co pan teretem nana ma'. Tomi' an hwet xo' ac cain tara oro ca pan teretem nucucun.

2 Pedro 3:7

Ac i ma' na pain ca querec wet xo' cain nanawin pain macan' ca querec iri' pain xocori ca' quem. Tomi' ca' e' na: Main maqui' tara xec nein ca wara coromicat an pe xo' ta' ca', pain ca tom pin tain nanawin pain macan', je pain ca wap toton toton oro caracat co miri'om nanapa' quem. To' om to' om pi' pin ac toton tara ta na ca tomi' nucun.

Apocalipse 12:8

Mixita paxi' na co ac caji hop ma', cocon oro caxicon jam co taramaja mi' nonon ma', ane om hwara' opa pan caca ne. To' quiji' pin ac tococwa na. Om ca to mami' ac cacain pawin.

Apocalipse 16:20

Ane ane om pin ac ne na oro xixi pan nein macan' je oro cote ne pacun. Pan' ara'am pan' ara'am pi' pin na.

Apocalipse 19:11

Querec ac tain na pawin pain ca pa xat ne ma'. Pe quima hwet napa' cavalo ca towo'. Wari' co xao pe nain ma', tocwan na wixicon. Co Om Mixein Camain', Co Iri'o' Taxipa', je i ma' oro wixicon. Tomi' xo' iri tata oro wari' pain oro carawa ca ara caca ne, om ca wap ximao tococwa, wap xo' e' tata. Mixita xo' tata oro co noc nonon ma', om ca mixita ximao camain' tococwa.

Apocalipse 20:2

Quep xat ac con na co ma' co ac caji hop ma', co caxicon em' pain cara pane, co Caxicon Jam ma', co Satanás na xijein wixicon. Pao' pe ac con na pain arain too, xin mi' ac con na pain cote ne man ca om tawirinain cain. Tao' pa' ac cain na, tao' pa' mip nain, ma' ta om mixein mami' momon oro wari' co to nanain oro xijein macan' ta non. Tao' pa' cara ac tocwa tara, maqui' pa' toron ca 1.000 nein cawaxi' pain ca tao' pa' tocwa ta. Pi' pin iri tara ca 1.000 nein cawaxi' ne, pa hwet wijimain ac tocwa tara, ame hwe e'.

Apocalipse 21:1

Querec ac tain na xocori pawin je xocori macan'. Wara om pin ara xi' na wara pawin je wara macan' pane. Wara om pin na cote ne com quem.

Apocalipse 21:5

Tomi' ac ca na co ma' co xao pe pe nain ca mam' xao pe nucun taramaxicon: Ara xocori ara xocori pi' pin inain oro carawa ta na. Tomi' tomi' tiquin' na quem: Xirao' rain oro ca tomi' xim cara ne. Iri'o' na oro ca tomi' ne. Om ca mixein ta', na e' na pain ca howa cacapa' pain ca tomi' ne oro wari' ta. Ac i ma' na ca tomi' ca co ma'.

Apocalipse 4:2

Ane ane pe ho' mip ac capa' na Tamataracon Iri' Jam. Pe quima hwet ac capa' na ca mam' xao pe ca taramaxicon ma', pain pawin ma'. Querec inon co xao pe pe nain ma'.

Apocalipse 6:14

Ane ane om pin ac ne na nanawin ma'. Win ne tapari carawa pain ca joc top in xine ma', ac i ma' pin na nanawin pain ca ane ane om pin ne ma'. Oro pacun je oro xixi pan ne macan' ma', cut in pin ac xijein na pain oro maxinain quem.