Apocalipse 2:7 - Tradução Bíblica Pacaas Novos

⁷ Mo ta taraju pa' xixi' na hwe ma', je ta taraju wet qui' hwein ca tomi' nein Tamataracon Iri' Jam ca', pain ca tomi' cocon oro co cut in xucucun pain ca howa cacapa' ma'. Main tomi' ca' toton oro wari' co hwara' opa cara nana pain ca howa nucucun ma': Xac jein winain panaji memem ca mi' nain ca e' cara wa ma', ca tarama' pe nain totacon Iri' Jam ta toton. Om ta narain ho' toton pain, xac jein ta toton. Je ca xirao' mi' roron oro co howa to nanain Éfeso ta capa' pane.

Apocalipse 2:7 Iomraidhean Croise

Mateus 11:15

Mo ta taraju pa' xixi' na hwe ma', je ta taraju wet qui' hwe ta na.

Mateus 13:43

Oro wari' co iri' wari' nana pain ca tomi' ha' cocon Iri' Jam ma' iri nana ne, ac ca toha tamana caca tara. Win ne ca toha ca xina ma', ac i ma' tara ca toha to cacain ca taramaxicon pe ca Cotere' Iri' Jam. Mo ta taraju pa' xixi' na hwe ma', je ta taraju wet qui' hwe ta na ca tomi' caparut Jeju pain ca tomi' xo' caparut pain ca pijim' nucun pain tocwi caji tononoin pane.

Mateus 13:9

Mo ta taraju pa' xixi' na hwe ma', je ta taraju wet qui' hwe ta na pain ca pijim' joc mam' mi' tococwa con wari' co wixicaracao' nain tocwi trigo pain totacon pane.

Marcos 4:9

Tomi' ac tococwa na: Mo ta taraju pa' xixi' na hwe ma', je ta taraju wet qui' hwe ta tata.

Marcos 7:15

Oro carawa ca corom hwet nuhu' pain capijahu' ma', pain ca cao' nuhu' ma', om ca to' em' ac cuhu'. Ca coromicat nuhu' ca maqui' nain xumuhu' ma' iri na ne, je pain ca tomi' ximama' nuhu' ma' quem, je i ma' ca to' em' nuhu' ta. Om ac ne na ca querec hohot cuhu' Iri' Jam.

Marcos 7:16

Mo ta taraju pa' xixi' na hwe ma', je ta taraju wet qui' hwe ta na ca tomi' tococwa ma'.

Lucas 23:43

Wara pe ho' ne pain pawin cain, pain xec ca', tomi' iri'o' inem ta ac con na Jeju.

Lucas 8:8

Oro wirain tocwi trigo ca camara' to nain macan' ca awi ma' iri na ne, hwara' pin ac ne na, mi xo' tamana ac ne na. Pain ca xica' pe ne arain ma', mi 100 na tocwi quem. Tomi' ac tococwa na: Mo ta taraju pa' xixi' na hwe ma', je ta taraju wet qui' hwe ta tata.

João 16:33

Tomi' hwet inuhu' pain oro ca tomi' ne ca', ma' ta om toron ne xumuhu' pata' inuhu'. Ma' paxi' turuhu' oro ca to' i'ina nuhu' pain macan' ca'. Na e' nuhu' pain ca hwara' opa hwe. To' quiji' pin ara xi' inon co ma' co taramaxicon pe ho' nonon oro wari' co om howa nonon Te ta na ca tomi' caparut ca'.

1 Coríntios 2:10

Ane an hwet mi' capari' pain ca wara coromicat xo' nucun Iri' Jam ne. Je Tamataracon ca an hwet mi' napari' pain. Xi taxi' taxi' xam' pan ara cain oro ca coromicat nucun ta. Taxi' taxi' xam' pan nain oro ca wara coromicat nucun ca joc xim ca pane quem.

1João 2:13

Xirao' mi' inuhu' pain ca wara horon hwe ma' quem. Xi om ne ca querec pin' ara hun co wara ma' ma', pain ca om om wet ne macan' pane. Wahu' pain ca xo' horon hwe ma' quem, xirao' mi' inuhu'. Xi om ne ca to' quiji' pin ara hun Caxicon Jam ta.

Apocalipse 13:9

Mo ta taraju pa' xixi' na hwe ma', je ta taraju wet qui' hwe ta:

Apocalipse 14:13

Taraju ac tain na ca tomi' wa ca maqui' nain pawin. Xirao' ca' ra ta ac ne na. Param mi' tata pain ca awi wa oro wari' co cono' pa' nanain ca howa nucucun pain xocori ca', pain ca howa cocon Taramaxicon nexi' Jeju cwa' na ca tomi' nein ma'. Tomi' ac ne na Tamataracon quem: Tomi' iri'o' ma, xao to wa tatarain ximicocon, xao to wa ca' tatarain ca taramaja tamana nucucun. To ho' cara totoron oro carawa ca awi ca mi' xun tococwa, xi om ne ca taramaja tamana ara caca pane ta na ca tomi' ne Tamataracon Iri' Jam ta.

Apocalipse 15:2

Querec ac tain na carawa ca ac cote ne com ma' quem, ca an xiho' nain ca mam' querec ca jamu wa ma'. Ac ca weo ne na xe pain ximijain. Querec ac toton na caram ma' co to' quiji' pin nonon co ac caji carawa co mana' tamana ma' quem, co hwet qui' cain' ma'. Caram ma' co querec ta' ma', to' quiji' pin nonon co ac caji carawa ma', xi pe torotop mi' querec te cacain caji pacun ca ara an xiho' tocwa ta, tomi' in pin nonon oro co xirao' xirac xut pahu' pain número nein wixicon ta nonon ma' quem. Coco' ja' pan nanain cacarain cote ne com ca an xiho' nain ca mam' querec ca jamu wa ma'. Cut nana ca mam' tao' wa ma', ca ac violão paxi' ma', ca mi' pan cocon Iri' Jam ma'.

Apocalipse 2:11

Mo ta taraju pa' xixi' na hwe ma', je ta taraju wet qui' hwein ca tomi' nein Tamataracon Iri' Jam ca', pain ca tomi' cocon oro co cut in xucucun pain ca howa cacapa' ma'. Oro wari' co hwara' opa cara nana pain ca howa nucucun ma', om ta cono' mami' caca, om ta mama' cacain cote ne xe, om ta to ni ca' cocon Iri' Jam ta. Je ca xirao' mi' roron oro co howa to nanain Esmirna ta capa' pane.

Apocalipse 2:17

Mo ta taraju pa' xixi' na hwe ma', je ta taraju wet qui' hwein ca tomi' nein Tamataracon Iri' Jam ca', pain ca tomi' cocon oro co cut in xucucun pain ca howa cacapa' ma'. Oro wari' co hwara' opa cara nana pain ca howa nucucun ma', mi' toton pain capam' ca maná caca oro wari' nein Israel pane, ca joc xa xine pain xocori ca' quem. Mi' toton pain wijimain pacun ca towo' quem, ca xirao' to xine xocori wixicocon. Taraju pa' xica' to e' pan tatarain xocori wixicocon caram ma' co cut pan nanain quem. Je ca xirao' mi' roron oro co howa to nanain Pérgamo ta capa' pane.

Apocalipse 21:7

Oro wari' co hwara' opa cara nana pain ca howa nucucun ma', mi' ac toton tara pain oro ca wara tomi' pe ta' ca'. Iri' Jam ne tatarapa', mana panxita' ac toton tara quem.

Apocalipse 22:14

Param mi' tata pain ca awi wa oro wari' co hohoc nonon womicocon ma'. Om ta narain ho' tococwa pain ca xac wa winain panaji memem ca mi' nain ca e' cara wa. Ha' nonon pain ca corom mama' cacain cidade pain oro manain ca mam' corom ac xine quem.

Apocalipse 22:17

Tomi' ac ne na Tamataracon Iri' Jam cam narima' co an ta' ca co ma' co ac Wijimain Taramaji Ovelha ma', maqui' hap ra ta ac caca na. Oro wari' co taraju nana ma', tomi' tatara quem, maqui' hap ra ta tatara. Oro wari' co pe' nana ma', co toc xi' com nana ma', maqui' tatara quem. Oro wari' co toc xi' nana ma', toc ac cacain tara comicon hoi hoi ma', ca mi' nain ca e' cara wa ma'. Comicon hoi hoi ma', mi' e' ac tococwa pain tara, om ta pagar cacain ta.

Apocalipse 22:2

Weweweo ac nain ximijain wana ca xuruxut ac caca oro wari' ma', pain ximijain cidade ma'. To nain cacarain com panaji memem ca mi' nain ca e' cara wa, pain xijein cacarain, je pain xijein cacarain ma' quem. Oro winain memem ca mi ne ma', mi mi xam' non oro panawo', mi mi hwet pa' nain xijein cawaxi' quem. Oro tenenein ma', je ca mam' to' om pin xine ca caxi nucucun oro wari' co to nanain oro xijein macan'.