Apocalipse 2:3 - Tradução Bíblica Pacaas Novos

³ Taxi' inuhu' pain ca quereme cara hwein oro ca to' i'ina nuhu' ma', je pain ca hwara' opa hwe pain ca jain jain nuhu' cocon oro wari' co quep em' nunuhu' pata'. Taxi' inuhu' pain ca om an pe mahu' ma' quem.

Apocalipse 2:3 Iomraidhean Croise

Marcos 15:21

Xuruxut mama' iri nanain wana ne, win quima ac cocon na wari' ma'. Simão na wixicon. Wari' nein Cirene na Simão. Cote ca Alexandre con Rufo na Simão ma'. Maqui' nain xitot. Quep ac cocon na oro soldado, an tiquin' rain panaxicon Jeju cwa' nonon.

Lucas 14:27

Mo ta ja' ja' xim capa' wari' ma', mo ta xiram pa' cain curucun pain ca jin' cain ca mi' pin wa pain ca taxipa' capa' ma', om ca taxipa' ac capa' na ca tomi' tococwa ma'.

Lucas 18:1

Pijim' ac tococwa na co taxipa' ca ma'. Pijim' joc mam' mi' tata cam narima' co tomi' ho' tomi' ho' non juiz pain carawa ca param cama ma'. Pijim' joc mam' mi' tata cam, ma' ta taraju pa' hwe pain ca na e' ne pain ca tomi' ho' tomi' ho' hun Iri' Jam ta tata. Ta naro camain' hwe pain ca tomi' ho' tomi' ho' hun me tata.

Lucas 21:19

Mo ta howa cara mahu', to' witan ac xihwe tara ta na ca tomi' tococwa ma'.

Lucas 5:5

Xin towa urut pain caji wi nuxut quem Taramaxicon co ca' na taxipa' capijacon Iri' Jam ac con na Simão. Mija urut, xec pa' e' naparut pain ca xin xin urut pain caji wi. Om ca cut camain' urut con hwam ta non. Ane tomi' pan ma ma' ne. Xin mao ta' pain com caji wi ta ac con na.

Lucas 8:15

Carawa ca ara nain tocwi trigo ca camara' to nain macan' ca awi ma' iri na ne, tomi' joc mam' mi' nain carawa ca ara nonon oro wari' co taraju nanain capijacon Iri' Jam ma', co an to xo' nanain pain ximicocon ma' quem. Ac ca mi xo' caca na pain ca howa nucucun. Win ne tocwi trigo ca mi xo' ma'. Xumu xo' nana, tomi' ha' nana quem. Querec pin' ac tococwa na pain ca howa cara nucucun ma' quem na ca tomi' xo' tococwa pain ca pijim' joc mam' mi' tococwa con wari' co wixicaracao' nain tocwi trigo pain totacon pane.

João 15:21

Oro wari' co noc nanapa' ma', om ca querec pin' cocon Te co hwet roron oro wari' ta napa'. Je ca noc xuxun cucuhu' ma'. Je ca quep em' xuxun cucuhu' ma' quem. Xi taxipa' ara mahu' ta.

Romanos 12:12

Tomi' querec te je. Xi ma' ara ne carawa ca awi ca mi' xim capari' Iri' Jam ta. Jain jain iri hwe pain ca to' i'ina cuhu' carawa ma' ne, ta naro hwe me ta. Hwara' opa cara je. Tama' tomi' jun Iri' Jam quem.

Romanos 16:12

Tomi' jejem Trifena cam Trifosa ma', co taramaja mi' tamana nonon Taramaxicon nexi' ma' quem. Mam' pe wet nuhu' Paulo ta jejem. Wiricam Pérside ma' quem, co tomi' querec te iri' ma', co taramaja mi' tamana non Taramaxicon nexi' ma', mam' pe wet nem Paulo ta jem quem.

Romanos 2:7

Oro wari' co tama' ara nanain oro ca awi wa pain ca win xumu cacain ca tomi' querec te nucun Iri' Jam ma', coromicat ca' ac caca na: Tomi' querec te tarapari' Iri' Jam ta. Hohot hwe tarapari', to' e' cara xuhu' tarapari' ta nana. Wiricoco tatara co mi' wawa pain ca e' cara wa.

Romanos 8:25

Ane winim' winim' wet xin oro ca om mi' querec capari' Iri' Jam ne. Winim' cara irin.

1 Coríntios 13:7

An xiho' iri urun pain ca om noc capari' ne, je pain ca om noc cocon oro wari' ma' quem, tacana to ca' ac xuxun na oro win ma' nexi' pain ca quep em' cacapari', om ca mana' in pin camain' xuxun. Tama' coromicat mi' ururun pain ca awi wa oro win ma' nexi'. Tama' winim' ac xuxun na pain ca ara xo' caca quem. Hwara' opa cara irin oro carawa ca to' i'ina napari' quem.

1 Coríntios 16:16

Tomi' ha' jujun oro wari' co an xiho' nonon pain ca taramaja nucucun me. Tomi' ha' jujun oro xucucun co taramaja wi nonon quem.

2 Coríntios 10:15

Je ca om tomi' xec xec ximama' urut ca', pain ca warut co ara nanain ta urut pain ca taramaja nucucun oro xucucun wari' ma' quem. Xi param ara urut pahu' pain ca horon horon tiquin' hwe pain ca howa hun ta. Ma' ta mija mija tiquin' ne ca taramaja nuxut pahu' ta urut pahu'.

2 Coríntios 11:23

Om ca taramaja mi' urut con Cristo ta caca ra? Wata' co taramaja mi' pan non Cristo ta. Ac ca tamanain ta' a xira pain ca tomi' ac i ma' ta' ta. Taramaja tamana nana ra? Taramaja tiquin' ca' inonon quem. Tao' to tata pain xirinain ca tao' to tao' to to wa ra? Wata' pan co tao' pe ho' tao' pe ho' wa pain xirinain ca tao' to tao' to to wa ta. Wap tata ra? Wata' pan co wap mip ho' wap mip ho' wa ta. Mija na ca mi' pin ho' mi' pin ho' ta' quem.

2 Coríntios 4:1

Wirico Iri' Jam co xiram pa' naparut pain ca mi' caparut pain ca taramaja mi' urut con ca'. Je ca om naro urut ca'.

2 Coríntios 4:16

Je ca om naro urut ca'. Om paxi' na ca hwara' opa mami' ne curuxut ca', ane to' hwara' opa pan caparut pain xumuxut Iri' Jam ne. To' hwara' opa to' hwara' opa tiquin' naparut pain oro xijein xec quem.

2 Coríntios 5:9

Je ca win xumu e' urut con pain ca hohot xuxun na urut con ca'. Mo ta e' e' wet urut, mo ta cono' pin urut, win xumu e' urut con pain ca hohot xuxun na urut con quem.

2 Coríntios 6:5

Ma' nana co to' nanaparut ma', ma' nana co tao' to nanaparut, ma' nana co teretem nana, quep em' quep em' ac cacaparut na quem. Taramaja tamana urut, ma' na xim ca om pi'am xo' urut, pe' tamana urut quem.

Gálatas 6:2

Ma' iri tara carawa ca to' i'ina nuhu' ne, quep xiho' caracan ac xujuhu' tara. Quep xiho' ac i ma' iri xujuhu' ne, tomi' ha' hwein ca tomi' nucun Cristo.

Gálatas 6:9

Om ta horoman capari' ca quep xiho' caracan xijexi' pain ca ara mi' xijexi' pain ca awi wa ta. Mo ta om naro iri' pain, mo ta ara mi' ara mi' tiquin' xijexi' pain, main cut ac xin tara carawa ca mi' xim capari' Iri' Jam.

Filipenses 2:16

Tomi' hwet cara jujun pain capijacon Iri' Jam ca to' e' napari' ca'. Mo ta ac i ma' hwe, tomi' querec te tamana ac xuhu' tara pain xec nein ca in qui' ta' nucun Cristo. Taxi' ac xije tara pain ca om taramaja taramaja jam' pin ximao ta' ca' pahu'.

Filipenses 4:3

Wum co taramaja wi taxipa' napa' pain ca taramaja ne pane, tomi' xim inem quem. Quep xiho' raram, ma' ta tomi' querec te mami' xequequem. Xi wara quep xiho' tamana ara cacapa' pain ca taramaja ne pane ta. Wiricacam, wirico Clemente, wiricoco oro xucucun co quep xiho' nanapa' pane, pain ca pijim' hwet tain capijacon Iri' Jam con Jeju pane, xirao' to ta wixicacam pain tapari carawa ca xirao' to xine wixicocon oro co e' cara xi' nana quem.

Colossenses 1:11

Param urut con Iri' Jam pain ca to' hwara' opa cuhu' ma', mam' to' hwara' opa turuhu' pain ca hwara' opa pan nucun. Ma' ta tomi' querec te cara hwe pain ca quereme hwein oro ca to' i'ina nuhu', je pain ca om toron ne xumuhu' pain quem urut pahu'.

1 Tessalonicenses 1:3

Tama' mam' pe wet urut pahu' pain ca taramaja nuhu' ma'. Taramaja mi' hun Iri' Jam, xi om ne ca howa ara hun ta. Jain jain huhun oro win ma' nuhu' pain ca quep xiho' xun huhun ma', xi noc camain' huhun ta. Quereme hwein oro ca to' i'ina cucuhu' ma' quem, xi om ne ca winim' ara hun Taramaxicon nexi' Jeju Cristo pain ca in qui' ta' nucun ma' quem. Je ca mam' pe wet urut ca', pain ca tomi' mi' urut pahu' con Cotere' Iri' Jam.

1 Tessalonicenses 2:9

Om ca mam' pe wet maparut pain ca taramaja tamana nuxut pain ca cut xin urut pain dinheiro ca mam' cut urut pain carawa ca cao' wa pane ra xere? Mam' pe wet maparut pain ma' ira. Jam' tamana urut pane. Ca taramaja urut, ca pijim' pijim' mi' ac urut pahu' na pain capijacon Iri' Jam con Jeju, ca taramaja taramaja urut, ca pijim' pijim' ac urut na pane. Pain xec je pain xim, taramaja tamana urut pane. Ma' ta om to' i'ina xuxun pain ca tama' xiram pa' xut xuxun ta urut pahu'.

1 Tessalonicenses 5:12

Tomi' ho' xim urut pahu' pain i ca' quem xere: Querec pin' jujun co taramaja tamana nana pain ca querec wet cucuhu' ma', pain ca tomi' xo' cucuhu' con Taramaxicon nexi' ma', je pain ca hu cucuhu' pain capijacon ma'.

2 Tessalonicenses 3:13

Wahu' quem xere, pain ca wara taramaja xo' hwe ma': Om ta jam' camain' ne curuhu' pain ca ara wa ca awi wa me ta. Ara cara jein ta.

2 Tessalonicenses 3:5

Tomi' mi' urut pahu' con, ma' ta mi' cuhu' pain ca querec pin' cara hun Iri' Jam pain ca om noc cuhu' ma', je pain ca querec pin' cara hun Cristo pain ca to' hwara' opa cuhu' pain xumuhu' ma' quem.

2 Tessalonicenses 3:8

Om ca wajim' e' urut pahu' pain carawa ca cao' wa quem. Taramaja tamana pan urut pane, pagar pagar ac urut pahu' pain na quem. Pain xec je pain xim quem, jam' tamana urut pain ca taramaja nuxut pane. Ma' ta om to' i'ina xut pahu' pain ca tama' wajim' xut pahu' pain carawa ca cao' wa ta urut pahu' pane.

1 Timóteo 4:10

Je ca taramaja tamana iri' ca'. Xi howa ara xun Iri' Jam co e' cara ma', co to' witan ton nonon oro wari' ma'. Iri' Jam ma', pain ca howa xun ca', param tamana napari' pain ca witan wa.

1 Timóteo 5:17

Wari' co querec wet nonon co howa nana ma', mo ta taramaja xo' caca pain ca querec wet cocon ma', na e' na pain ca querec pin' tococwa, je pain ca quep xiho' tococwa quem. Co win xumu tamana nanain ca taramaja nucucun pain ca pijim' cacain capijacon Iri' Jam ma', pain ca hu cocon co howa nana ma', wiricoco tatara co querec pin' tamana wawa ma'. Wiricoco tatara co quep xiho' wawa ta.

Hebreus 10:36

Na e' na pain ca quereme cara hwein oro carawa ca to' i'ina nuhu' ma'. Ara cara jein oro ca param nucun Iri' Jam ma', ma' ta aram aram mi' xim cuhu' pain oro ca tomi' pe mi' cuhu' ma'.

Hebreus 12:1

Noro jujun oro hwanana nexi' cara pane, co howa nonon Iri' Jam pane. Ac ca coco' coco' morojam' cacapari' na. Ac ca ja' noro cacapari' na pain ca howa iri' ca'. Mija nana, om ca paric camain' caca. Je ca na e' ne pain ca an to an to pi' pin xin oro ca to' i'ina napari' ca'. An to pin xin oro ca caracat nexi' ca quep mip napari' ca' quem. Ac oro wari' co jein hwet xin nanain tawiri wana xi'. Quereme cara xin oro ca to' i'ina xim napari' pain ca win xumu xun Iri' Jam cwa'.

Hebreus 13:13

Je ca tomi' ca' xuhu' ca'. Hwet xun Jeju ma', pain ca pe ni ca' cain oro xirim ca to ho' pan xucucun oro wari' pane, ca tomi' xirac pe tocwa pane. Quereme xin ca tomi' xirac wa con, win ne ca quereme pan cain quem.

Hebreus 6:10

Om ca pan tem camain' ca Iri' Jam, ara xo' taxipa' na. Om ta ji'am pin cuhu' pain ca taramaja tamana nuhu' ma', om ta ji'am pin cuhu' pain ca an hwet hwein ca tomi' querec te nuhu' pain ca om noc hun ma' quem, xi quep xiho' ara huhun oro win howa hwe ta, quep xiho' quep xiho' wet huhun pain xocori ca' quem.

Hebreus 6:12

Ma' ta om jam' ne curuhu'. Param inuhu' pain ca an xiho' huhun oro co howa nonon Iri' Jam ma', co winim' cara nonon ma', co cut xin nanain oro ca wara tomi' pe mi' tococwa pain ca howa nucucun je pain ca winim' cara nucucun ta.

Hebreus 6:15

Winim' cara ac con na Abraão. Om ca toron ne ximicon. Winim' winim', aram aram ara mi' ac tocwa na pain ca wara tomi' pe mi' tocwa pane.

2 Pedro 1:6

Querec pin' iri jun Iri' Jam ne, miri'om ac hwein tara ca param pan nuhu'. Miri'om iri jein ca param pan nuhu' ne, quereme cara ac hwein tara oro ca to' i'ina nuhu'. Quereme cara iri jein oro ca to' i'ina nuhu' ne, xuruxut xo' ac hwe tara pain ca win xumu hwein ca param pan nucun Iri' Jam.

Apocalipse 1:9

João ina pain ca xirao' mi' xuhu' ca'. Xere xijexi' pain ca howa xun Jeju. Win ma' ne xijexi' pain ca jain jain wi iri' cocon oro wari' co quep em' nanapari', xi om ne ca taramaxicon ne ara xun Iri' Jam ta. Win ma' ne xijexi' pain ca quereme cara xin oro ca to' i'ina napari' pain ca howa xun Jeju quem. Pe inain xixi pan nein macan' Patmos. An mao nanapa' pain i cain pane, xi om ne ca pijim' ara tain capijacon Iri' Jam pane, xi om ne ca tomi' hwet ara toton con Jeju oro wari' pane quem.

Apocalipse 3:10

Wara hu inuhu' pane, quereme cara jein oro ca to' i'ina nuhu' me inuhu' pane. Tomi' ha' mahu' quem. Je ca narain ho' xim xuhu' pain ca jain jain wa pain oro xec pain ca to' jain jain toton ta' oro wari' co to nanain macan' ma'.