Apocalipse 2:14 - Tradução Bíblica Pacaas Novos

¹⁴ Taxi' paxi' inuhu' pain ca ara ac i ma' hwe ma', ane ma' ne oro carawa ca om hohot napa' pahu' ne. Ma' nana win ma' nuhu' co tomi' ha' nanain oro ca hu nucun Balaão cara pane, pain ca hu qui' con Balaque pain cara pane, pain ca ara ac i ca' roron oro wari' nein Israel ma', ma' ta caracat caca ta con pane. To' caracat pin ac tococwa na, cao' cao' pin ac cacain na cwerein carawa ca mi' querec te xine pain oro caji pacun ca Iri' Jam xi' ma caca oro wari' pane. Quep ximama' quep ximama' ac tacacama na oro xequem narima' pane, quep quep ne ac cocon na oro xucun tarama' oro narima' pane quem.

Apocalipse 2:14 Iomraidhean Croise

Mateus 18:7

Ximin nana oro wari' pain macan' ca', xi mija ara ne oro ca to' caracat nonon ta ac caparut na. To' caracat paxi' tata wari' ma', je cwerein mao na. Ane ximin tamana pan xi' caca oro wari' co to' caracat nonon oro win ma' caca ne. Wap tamana pan totoron Iri' Jam ta.

Atos 15:29

Tomi' ca' urut pahu': Ein jein carawa ca mi' querec te xine pain oro caji pacun ca Iri' Jam xi' ma caca oro wari' ma'. Ein jein quinain carawa ma' quem. Ein jein carawa ca juhum' pa' xine quem, pain ca pe ho' nein quinain pain cwerein ma' quem. Tomi' ca' urut pahu' pain ca tarama' nuhu' ma' quem: Ta quep hwem xequem narima' me. Wahu' quem oro narima', quep e' e' jujun taxuhu' quem. Mo ta tomi' ha' hwein ca xirao' mi' urut pahu' ca', hohot ac hwe tara ta. Je i ca' ca xirao' nuxut ca'. Ac i ma' na ca xirao' mi' tococwa co howa nonon Jeju pain Antioquia pane.

Atos 21:25

Je ca tomi' urut pum pain ca win judeu iri' ca'. Ane tomi' ni urut cocon co howa pin nana pain ca om judeu caca ma' quem. Wara xirao' mi' urut cocon pain carta pane, xirao' mi' urut cocon pain ca tomi' xo' xujuxut pane. Na e' na pain ca ein hwein carawa ca mi' querec te xine pain oro caji pacun ca Iri' Jam xi' ma wa, na e' na pain ca ein hwein quinain carawa, je pain ca ein hwein cwerein carawa ca juhum' pa' xine quem urut cocon. Ta quep hwem xequem narima' me, oro narima' ma' quem, quep e' tataram waram taxicacam quem, ac i ma' na ca xirao' mi' urut cocon pane. Ac i ma' na ca tomi' xo' cocon Paulo oro xerexi' co querec wet nonon co howa nonon Jeju ma'.

Romanos 11:9

Xirao' pe nain Davi cara pane quem. Ca' na con pane: Tomi' querec te iri nana pain ca hohot urut xi' ma caca ne, awi na pain ca ane ane quep xat tococwa. Awi na pain ca ac ca camara' caca ne pain man ma', je pain ca om witan ca' ac cacain ma'. Awi na pain ca wap tococwa quem.

Romanos 14:13

Je ca tomi' xuhu' ca'. Om ta tomi' ximama' mami' xijexi'. Coromicat xo' xi', na e' na pain ca om ara cup xuxun xerexi' cwa', om ta ja' camara' pin xuxun.

Romanos 14:21

Mo ta mam' ja' camara' pin xuxun xerexi' pain carawa ca cao' iri' ca', awi na pain ca om cao' xin. Mo ta mam' ja' camara' pin xuxun pain comi uva ca mana' ca toc iri' quem, awi na pain ca om toc xin. Mo ta mam' ja' camara' pin xuxun pain oro carawa ca ara xi' iri' ma' quem, awi na pain ca om ara xin.

Romanos 9:32

Para om hohot cocon quem? Xi howa cocon Jeju ta. Tomi' querec te tarapari' Iri' Jam ta, xi om ne ca tomi' ha' ara xun ca', ac i ma' na ca coromicat nucucun. Coromicat ca' xirara quem, tomi' querec te tarapari' Iri' Jam ta, xi om ne ca howa ara xun Jeju ta, ac i ma' xira ca coromicat nucucun. Ane om howa cocon Jeju Cristo co an xiho' nain pacun ca xut tao' pan' non wari' ma'. Ac ca xut tao' camara' tococwa na.

1 Coríntios 1:23

Warut iri na ne, pijim' hwet urut cocon oro wari' con Cristo co tatatain mi' wa pain pana pane. Pain ca pijim' mi' urut cocon oro judeu ma', noc nanain ca pijim' nuxut. Pain ca pijim' mi' urut cocon oro wari' co om judeu nana ma', pijim' ximama' hwe ta ac ca cacaparut na quem.

1 Coríntios 7:2

Ane mija ne ca quep ximama' caca oro wari' ne. Je ca na e' ne pain ca ma' ma' xam' cocon narima' oro tarama'. Na e' na pain ca ma' ma' xam' cacam tarama' oro narima' ma' quem.

Hebreus 13:4

Na e' na pain ca coromicat ca' hwe ma', pain ca awi tamana ne ca an wa narima' ma', je pain ca awi tamana ne ca an wa tarama' ma' quem. Om ca na camain' ne pain ca an wa xequem narima', om ca na camain' ne pain ca an wa xucun tarama' ma' quem. Wari' co quep ximao ma', co an nam xequem narima' ma', wap ac con tara Iri' Jam. Narima' co quep ximao ma' quem, co an non xucun tarama' ma' quem, wap ac cam tara Iri' Jam quem.

1Pedro 2:8

Ma' na xijein capijacon Iri' Jam ca xirao' pe xine quem: Co ma' co an xiho' nain pacun ca noc caca ma', an xiho' nain pacun ca xut tao' pan' non wari' ma' quem. Ac i ma' na ca xirao' pe nein ma'. Je ca tomi' xuhu' ca': Xuruxut tao' pan' camara' tata co om howa nana ma', xi tomi' ha' cacain capijacon Iri' Jam ca pijim' hwet tococwa ma'. Wara coromicat an pe xo' mi' ara xi' nonon pain ca camara' wa Iri' Jam ta.

2 Pedro 2:15

Xuruxut xo' xuruxut xo' om pin nana, xuruxut ni ca' ac cacain na wana ca mao xo' ma', xuruxut ximama' ac caca na. Ac ca ja' ja' cocon na Balaão panxica Beor cara pane, co param nain dinheiro ca pagar xun tocwa pain ca pan tem nucun pane.

Judas 1:11

Wa inonon me! Ximin nana. Wap tamana totoron Iri' Jam ta. Xi an xiho' ara cocon Caim cara pane, an xiho' nonon pain ca xut pan tem nucun. Param tamana nanain dinheiro. Win ca Balaão cara pane, co mixein nonon oro wari' pane. Ac ca ja' ja' cocon na pain ca pan tem nucun. To' om pin ac tococwa tara. Win ne ca to' om pin tococwa Corá cocon oro win ma' ca pane quem.

Apocalipse 2:20

Taxi' paxi' inuhu' pain ca ara ac i ma' hwe ma', ane ma' ne carawa ca om hohot napa' pahu' ne: Om ca tomi' in pin hwem caxicam narima' ma', co an xiho' nam Jezabel cara pane. Profeta ina, tomi' hwet inain capijacon Iri' Jam ta na. Mixein na, tomi' mixein nonon oro co taramaja mi' nanapa' ma'. To' caracat tata pain ca tomi' ca' tococwa ca': Hohot na pain ca quep ximama' xujuhu'. Hohot na pain ca cao' hwein cwerein carawa ca mi' querec te xine pain oro caji pacun ca Iri' Jam xi' ma caca oro wari' ma', ac i ma' na ca tomi' tococwa ma'.

Apocalipse 2:4

Taxi' paxi' inuhu' pain ca ara ac i ma' hwe ma', ane ma' ne carawa ca om hohot napa' pahu' ne. Win xumu win xumu om pin mahu'. Win ne ca tomi' querec te qui' mahu' pain ca xo' howa qui' mahu' pane quem.

Apocalipse 21:8

Ac i ma' paxi' toton oro co hwara' opa cara nana pain ca howa nucucun ma', ane om ac i ma' toton oro xucucun co caracat cara nana ne. Mo nana: Co jin' nanain ca quep em' wa pain ca howa nucucun ma', co om howa je ha' nana ma', co ara taxipa' nanain oro ca om querec awi non Iri' Jam ma', co to' parapa' pin nonon wari' ma', co quep ximama' xequequem ma', co ara xirac nonon oro wari' ma', co pe torotop mi' querec te nanain oro caji pacun ca Iri' Jam xi' ma caca ma', oro co tomi' mixein nana ma' quem, wixicaracao' mi' ac tococwa tara pain iri' maxicocon ma', je pain cote ne xe ca ac xuterem' ma', ca wiran wi nain pacun ca weo tamana ma', ca enxofre caca oro wari' ma'. Cote ne xe ma', tomi' joc mam' mi' nain ca cono' mami' wa pain ca to ni cara ca' xun cocon Iri' Jam ta.

Apocalipse 22:15

Om ta corom ac caca oro caracat co ac caxicon oromijac. Mo nana: Co ara xirac nonon oro wari' ma', co quep ximama' xequequem ma', co to' parapa' pin nonon wari' ma', co pe torotop mi' querec te nanain oro caji pacun ca Iri' Jam xi' ma caca ma', oro co hohot nonon ca tomi' mixein wa ma', co tomi' mixein taxipa' nana ma' quem. Oro wari' co ara nanain i ma', om ta corom ac cacain cidade nucun Iri' Jam.