Apocalipse 2:10 - Tradução Bíblica Pacaas Novos

¹⁰ Ta jin' hwein oro ca jain jain wa ca maqui' pa' xim nuhu' con Caxicon Jam me ta. Ma' tatara oro win ma' nuhu' co wixicao' mi' ca pain xirinain ca tao' to tao' to to wa, quep em' querec ac tococwa tara, am an pe pin xin hwein ca howa nuhu' ta ac tococwa tara quem. Ma' 10 tara xec pain ca jain jain xi' hwe pain ca quep em' xim cuhu' Caxicon Jam. Win xumu cara xine me. Mo ta to' parapa' pin xim cucuhu' pain ca howa mahu' ma', je i ma' ira, to' parapa' pin ma' tatarapa' ne ac huhun tara. Mi' pan ac xuhu' tara pain ca om pi' ra ha' ne ca e' wa ta.

Apocalipse 2:10 Iomraidhean Croise

Mateus 10:22

Noc noc pi' pin tuturuhu' oro wari', xi om ne ca howa ara mahu' ta. Ane tomi' xuhu' pain i ca' ne: Wari' co howa cara napa' ma', pain ca howa howa pi' pin pa' con oro ca quep em' wa ma', wirico tara co to' witan wa ta.

Mateus 10:28

Ta jin' huhun oro wari' me ta. To' parapa' taxi' paxi' nanain ca cwere wa, ane om to' parapa' taxi' cacain ca tamatara wa ne. Iri' Jam iri na ne, ha' non pain ca wap cain ca cwere wa, ha' non pain ca wap cain ca tamatara wa pain cote ne xe quem. Je ca tomi' xuhu' ca': Wirico pan tara co jin' hwe ta.

Mateus 24:13

Wari' co howa cara napa' ma' iri na ne, pain ca howa howa pi' pin pa' cain oro ca quep em' wa ma', wirico tara co to' witan wa ta.

Marcos 13:13

Noc noc pi' pin tuturuhu' oro wari', xi om ne ca howa ara mahu' ta. Ane tomi' xuhu' pain i ca' ne: Wari' co howa cara napa' ma', pain ca howa howa pi' pin pa' con oro ca quep em' wa ma', wirico tara co to' witan wa ta.

Marcos 8:35

Xi e' cara pe tain cain pawin wari' co win xumu e' nain ca param pan nucun pain macan' ta. Wari' co miri'om nain ca param pan nucun pain macan' ca' iri na ne, pain ca win xumu e' capa' ma', je pain ca pijim' hwet cocon oro wari' pain capijacon Iri' Jam pain ca to' witan toton cocon ca', wirico tara co e' cara pe tain nain pawin ta.

Lucas 21:12

Ac i ma' paxi' tara ca hwet pa' tococwa pain oro ca om awi wa oro wari' ma', ane om hwet pa' hap xun tococwa pain ne. Pain ca om hwet pa' querec tococwa pain, quep cain' ac cucuhu' tara, quep em' ac cucuhu' tara quem. Cut mama' ac cucuhu' tara pain oro xirim ca cut in to xucucun ma', tao' to ac cucuhu' tara pain xirinain ca tao' to tao' to to wa ma' quem. Cut mi' ac cucuhu' tara cocon oro xucucun taramaxicon, tomi' querec ac cucuhu' tara pain oro ca ara hwe quem. Ara ac i ma' tuturuhu', xi om ne ca howa ara mahu' ta.

João 12:25

Win ca wari' co win xumu e' nain ca param pan nucun pain macan' ca'. Om ta e' cara pe cain pawin ta. Wari' co om win xumu nain ca param pan nucun pain macan' ca' iri na ne, aram aram maqui' pa' ac con tara xec nein ca om pi' ra ha' ne ca e' nucun pain pawin.

João 13:2

Irawin cao' ac urut na. Judas ma', panxica Simão Iscariotes ma', wara coromicat ca' na quem: Quep xiho' toton oro taramaxicon pain ca quep xun cocon Jeju ta na. Tomi' mi' toton con ta na. Wirico Caxicon Jam co mi' non pain ca coromicat ac i ma' nucun.

João 13:27

Cao' pin iri nain Judas ne, corom hwet pin ac con na Caxicon Jam quem. Tomi' ac con na Jeju: Ara hap rain ca ara ta' ma ma' na ca tomi' con ma'.

Atos 20:24

Je i ma' ira ina ta. To' pa' ma' tatarapa' ne ina. Om ca xiram pa' xije. Ma' xica' pe na carawa ca param ta' ca', param e' inain ca ara ara pi' pin wa ca taramaja ne ca ara ra capa' Taramaxicon nexi' Jeju cwa', pain ca pijim' mi' roron pain capijacon Iri' Jam oro wari' ta capa' pane. Je ca tomi' xuhu' ca', tomi' hwet toton pain capijacon Iri' Jam oro wari' ta. Tomi' hwet toton pain ca xiram pa' capari' Iri' Jam ta. Om xi xiram pa' capari', xi awi iri' ta. Ane xiram pa' e' capari' ne.

Atos 21:13

Ane tomi' in pin caparut ne. Para tomi' ac i ma' mahu' quem? Para ja' naro xim mahu' pain ca awaran nuhu' ma' quem? Je i ma' ira ina ta. Hohot napa' pain ca pao' pe xim cacapa' pain Jerusalém ma', hohot napa' pain ca to' pa' pin xim cacapa' pain ca taramaja mi' ton Taramaxicon nexi' Jeju ma' quem, ac i ma' na ca tomi' in pin caparut.

1 Coríntios 9:25

Win caca oro wari' co jein xi' nana ma', tama' jein querec jein querec nana. Jein in ximama' nana, toin piri' nana, meo meo nanain taparacocon pain aracocon. Miri'om nanain ca param pan ne curucucun, ma' ta an xin carawa ca awi ta nana. Carawa ca an xi' caca ma', main pi' pin tara, main om pin tara. Ane to wet cara ne carawa ca an xi' iri' pain ca howa xun Jeju ne. Win xumu urun Iri' Jam, ma' ta an xin carawa ca awi ca om pi' ra ha' ta iri'.

Efésios 2:2

Pan teretem taxipa' hwe, je curuhu' pane. An xiho' e' huhun oro wari' co om howa nonon Iri' Jam. Tomi' ha' taxipa' hun Caxicon Jam co taramaxicon pe ho' nonon oro caxicon jam co taramaja mi' nonon pain nanawin ma'. Wirico Caxicon Jam co taramaja pe ho' nain ximicocon oro wari' co om tomi' ha' camain' nana cwa', wirico co tomi' ha' hwe pane.

Efésios 6:12

Xi wari' caca co mixita iri' ta. Oro caxicon jam nana co mixita iri'. Mixita ururun oro caxicon jam cocon oro taramaxicon nucucun co taramaxicon to ho' nanain oro ca om awi wa pain macan' ca', cocon oro wari' co ac ca to cacain ca jitacat nein na pain ca ari cocon Iri' Jam ma' quem. Mixita ururun oro caxicon jam co hwara' opa to nanain nanawin cain quem. Wiricoco co mixita iri' ta.

Tiago 1:12

Param mi' ta pain ca awi wa wari' co hwara' opa cara pain ca quereme cain oro ca to' i'ina non ma'. Querec pin' pan iri toron Iri' Jam ne, pain ca hohot mapa' ta con ma', mi' ac con pain tara carawa ca wara tomi' pe con ma', pain ca e' pe ho' cara ne ta con ma'. Wari' pain ca om noc xun ca', wara tomi' pe napari' pain i ma' ta.

1Pedro 5:4

In qui' iri tara Iri' Pastor nexi' ne, co Taramaxicon ne iri' cwa', mi' ac cuhu' tara pain ca awi tamana wa ca om pi' ra ha' ma'.

1Pedro 5:8

Ma' tara xumuhu' con Caxicon Jam ma', co noc nuhu' ma'. Pirao' nuhu', an xiho' non copacao' co xararac ma', co tama' xut in xut in pain ca pirao' cain carawa ca cao' wa ma'. Ac i ma' nuhu' Caxicon Jam quem. Quep xim nuhu'.

Apocalipse 13:14

Mixein mixein pi' pin tata oro wari' co to nanain oro xijein macan', xi om ne oro ca ara ca ma', ca om ara taxi' ne ca wari' wa ma', ca ara ra pan con co hwet qui' cain' ma'. Tomi' ac tococwa na oro wari': Quep jein caji pacun ma', ara an xiho' jein curucun co ma' co hwet qui' cain' ma', co to' pa' pin paxi' wa pain cote ne quit ma', co e' mami' ma'. Pe torotop mi' querec te ac hwein tara ta, ac i ma' na ca tomi' tococwa oro wari'.

Apocalipse 13:2

Co ma' co ac caji carawa co querec ta' ma', ac cote ca copacao' mixem mixem na curucun. Caximacon ma', an xiho' nain caximacon urso. Capijacon ma', an xiho' nain capijacon leão quem. Co ma' co ac caji hop ma', mi' non pain ca hwara' opa pan nucun. Taramaxicon pe rain ca taramaxicon pe pan ta' ca' non, mi' ac con na pain ca taramaxicon pin wi con quem.

Apocalipse 13:7

Mi' ta pain ca mixita cocon oro wari' nucun Iri' Jam, mi' ta pain ca to' quiji' pin cocon quem. Mi' ta pain ca taramaxicon pe ho' cocon oro co xucun wari' xucun wari' pi' pin nana ma', cocon oro co to ni ca' nonon oro xucucun wari' pain macaracocon ma', cocon oro co capija ni ca' nonon ma', cocon oro co to nanain oro xijein macan' ma' quem.

Apocalipse 17:14

Mixita paxi' totoron co ma' co ac Wijimain Taramaji Ovelha ma', ane to' quiji' pin xun tococwa ne, xi wirico pan ara ne co hwara' opa tamana pan, co taramaxicon hwara' opa tiquin' ca' nonon oro xucucun taramaxicon ma'. Oro wari' co tora' ca ma', co howa xine ca ma', co win xumu nonon ma', to' quiji' wi totoron cocon oro xucucun taramaxicon. Ac i ma' na ca tomi' capa' jam co taramaja mi' non Iri' Jam.

Apocalipse 2:13

Taxi' inuhu' pain ca to hwein i ma', pain ca taramaxicon pe ca Satanás ma'. Ane win xumu mahu' ne. Om ca an pe pin mahu', howa cara mahu'. To' pa' pin paxi' ta Antipas co win xumu napa' pain ca tomi' hwet capa' cocon oro wari' pane, to' pa' pe paxi' ta pain ca to pan nuhu' pain Pérgamo ma', ca pe pan ca Satanás ma'. Ane howa cara pan mahu' ne.

Apocalipse 2:9

Taxi' inuhu' pain ca jain jain nuhu' pain ca quep em' xihwe ma'. Taxi' inuhu' pain ca ximin hwe ma', pain ca om cuhu' oro carawa ma' quem. Om paxi' nuhu' carawa, ane ma' cuhu' iri' carawa pata' ne. Taxi' inuhu' pain ca tomi' napat cucuhu' caram ma' co judeu urut paxi' nana ma'. Xi iri' judeu caca ta. Oro wari' nucun Satanás ara xi' nana pain ca ca' na cacain oro ca tomi' nucun ta.