Apocalipse 2:1 - Tradução Bíblica Pacaas Novos

¹ Tomi' ac capa' na: Xirao' mi' ron co ma' co querec wet nonon co howa to nanain Éfeso. Xirao' mi' ac i ca' ron: Je i ca' ca tomi' xim cuhu' co cut 7 non pijo' pain micon ma', pain iri' curucun ma', co xut in pe nain ximijain oro ca mam' tom pe ne naran ma', ca ma' 7 ma', ca mam' quep xine pain ouro ma' quem, tomi' ca' xim nuhu':

Apocalipse 2:1 Iomraidhean Croise

Mateus 18:20

Xi pe ho' ara toton co cut in xucucun pain ca howa cacapa' ta. Mo ta ma' 2 caca, mo ta ma' 3 caca, pe ho' inonon ta na ca tomi' caparut ma'.

Mateus 28:20

Ca' na jujun pain oro capija ca tomi' xuhu' pane quem, ma' ta tomi' ha' tomi' ha' xam' cacain ta. Mam' pe wet jein i ca' quem: Pe ho' cara xuhu'. Pi' pin pa' ma' tarapa' macan' ca' pahu', om ta an to camain' xuhu'. Ac i ma' na ca tomi' caparut pain ca taxipa' urut con ca'. Je i ma'.

João 5:35

João cara pane, ac naran na. Ac ca toha ca na pain ca pijim' ca pane. Win ne ca toha ne naran ca tom ma', ac i ma' na ca toha mi' cuhu' pain xumuhu' pane. Tomi' querec te paxi' hwein ca pijim' nucun pain ca an xiho' cain naran pane quem tata.

Atos 18:19

Horoho horoho tan' mama' iri nanain Éfeso ne, quiji' ca' ac cacamain na mam' horoho wa. Main tiquin' mao ta' na Paulo quem, mon to wet jein Éfeso pa'ao' tata Priscila con Áquila ma', ame hwe e'. Pain ca pe pe wet cain Éfeso Paulo ma', corom mao nain xirim ca cut in to xucucun oro judeu ma'. Tomi' xo' tomi' xo' ac xucucun na pain capijacon Iri' Jam.

Atos 18:21

Mo ta param capa' pain ca in qui' wa Iri' Jam, in hwet ac xuhu' tara ta ac tococwa na, corom mao ac cain na mam' horoho wa, mao ac ca na.

Atos 19:1

Pe pe wet iri nain Corinto Apolo ma' ne, xut mao ac cain na xijein macan' Paulo ma'. Mao nain oro xijein cidade pain oro pacun pain Galácia je Frígia ma', aram aram wa' mao ac cain na Éfeso. Je ca mam' to tococwa co howa nonon Jeju.

2 Coríntios 6:16

Tomi' xin xiricon Iri' Jam ma' quem. Ma' tara ca an an ari ac xijein xiricon Iri' Jam pain caji pacun ca Iri' Jam xi' ma caca oro wari' ra? Om na ta! Je ca tomi' xuhu' ca'. Xiricon Iri' Jam co e' cara cwa' iri'. Win ne ca tomi' pan ca pain cara pane: Pe ho' toton oro wari' ne cwa'. Pe ho' cara toton. Iri' Jam ne tatarapa', oro wari' ne ac toton tara quem. Ac i ma' na ca tomi' ca Iri' Jam pain cara pane.

Apocalipse 1:16

Cut 7 non pijo' pain micon ma', pain iri' curucun ma'. Hwet qui' nain capijacon cote ne quit ca ma' 2 quirinain ma', ca xa xa pi' ma'. Toc meremem na tocon quem, an xiho' non xina pain ca toha mip ca ma'.

Apocalipse 1:20

Tomi' xo' xim inem con oro pijo' pain oro ca mam' tom pe ne naran ca' quem. Ma' na ca tomi' mao nucun oro pijo' co ma' 7 cwa', co querec ma cwa', co cut ta' pain mu pain iri' cwere ca'. Ma' na ca tomi' mao nein ca mam' tom pe ne naran ca' quem, ca ma' 7 ca'. Oro pijo' cwa', co ma' 7 cwa', tomi' joc mam' mi' nonon co an xin tiquin' mi' nonon pain ca tomi' ne oro co howa to nanain oro cidade ca ma' 7 ma'. Oro ca mam' tom pe ne naran ca' iri na ne, ca ma' 7 ca' quem, tomi' joc mam' mi' nonon oro co cut in xucucun pain ca howa cacapa' ma', co to nanain oro cidade nucucun ca ma' 7 ma'. Ac i ma' na ca tomi' capa' ma'.

Apocalipse 12:1

Hwet qui' ac ne na carawa pain pawin ma'. Wa wa tamana inain. Ac narima' na. Tomi' joc mam' mi' nain carawa ca maqui' ta' ma' quem. Cwere mam' pin nam xina, ac womicam na. Xat pe non panawo'. Pe nain caji waji' nucun taramaxicon ca ma' 12 ca pijo' pain winacam quem.

Apocalipse 2:12

Tomi' ac capa' na: Xirao' mi' ron co ma' co querec wet nonon co howa to nanain Pérgamo. Xirao' mi' ac i ca' ron: Je i ca' ca tomi' xim cuhu' co ma' non cote ne quit ca xa xa pi' ca'. Tomi' ca' xim nuhu':

Apocalipse 2:18

Tomi' ac capa' na: Xirao' mi' ron co ma' co querec wet nonon co howa to nanain Tiatira. Xirao' mi' ac i ca' ron: Je i ca' ca tomi' xim cuhu' co Panxica Iri' Jam cwa', co ac ca tom ne xe na tocon pain ca joc xec nein ma', co toc meremem caximacon pain ca an xiho' nein bronze ca xic mip xine ma' quem. Tomi' ca' xim nuhu':

Apocalipse 2:8

Tomi' ac capa' na: Xirao' mi' ron co ma' co querec wet nonon co howa to nanain Esmirna. Xirao' mi' ac i ca' ron: Je i ca' ca tomi' xim cuhu' co ma' cain' pane, pain ca om om wet ne oro carawa pane, co ma' cara ta' ma' quem, pain ca win pi' pin ta' ne oro carawa quem, wirico co mi' pin pane, co e' mami' ma' quem. Tomi' ca' xim nuhu':

Apocalipse 3:1

Tomi' ac capa' na: Xirao' mi' ron co ma' co querec wet nonon co howa to nanain Sardes. Xirao' mi' ac i ca' ron: Je i ca' ca tomi' xim cuhu' co ma' co taramaxicon pe ho' nain Tamataracon Iri' Jam ma', ca ma' 7 ne ca hwara' opa nein ma', co ma' co taramaxicon pe ho' nonon oro co ac pijo' co ma' 7 nana ma' quem. Tomi' ca' xim nuhu': Taxi' inuhu' pain oro ca ara hwe ma'. Ac ca howa xo' mahu' na, howa xo' totoron xi' ma nunuhu' oro wari' pata'. Ane om howa iri'o' mahu' ne.

Apocalipse 3:14

Tomi' ac capa' na: Xirao' mi' ron co ma' co querec wet nonon co howa to nanain Laodiceia. Xirao' mi' ac i ca' ron: Je i ca' ca tomi' xim cuhu' Iri' Wari' co wara tora' ca Iri' Jam pane, wirico co iri'o' ma'. Je i ca' ca tomi' xim cuhu' co Amém na wixicon ma', co om mixein camain' pain ca tomi' hwet cain oro ca iri'o' wa con Iri' Jam ma', co taramaxicon pe ho' nain oro carawa jimao ca tomi' ma' pin ca Iri' Jam pane. Tomi' ca' xim nuhu':

Apocalipse 3:7

Tomi' ac capa' na: Xirao' mi' ron co ma' co querec wet nonon co howa to nanain Filadélfia. Xirao' mi' ac i ca' ron: Je i ca' ca tomi' xim cuhu' co ma' co wara tora' ca Iri' Jam pane, co pe ni ca' nain ca caracat wa ma', wirico co iri'o' ma'. Je i ca' ca tomi' xim cuhu' co pe ho' non ca mam' pa xine manain ca corom ac xine cidade nucun Taramaxicon Davi cara pane. Mo ta pa cain manain, om ca tao' pa' ac cain xucun wari'. Mo ta tao' pa' cain, om ca pa ac cain xucun wari' quem. Tomi' ca' xim nuhu':