Apocalipse 19:7 - Tradução Bíblica Pacaas Novos

⁷ Tomi' querec te xi', tomi' querec te tamana xi'! Awi tamana ma ta xun. Xi om ne ca maqui' pin ara ne xec nein, pain ca an tam cam narima' co ma' co ac Wijimain Taramaji Ovelha ma'. Wara ara xo' pan xequem narima' co an ta' ca ma'.

Apocalipse 19:7 Iomraidhean Croise

Mateus 1:20

Pain ca coromicat coromicat wet cain i ma' ne, tohwein' ac con na jam co taramaja mi' non Iri' Jam. Wirico jam co hwet pan non pain ca tohwein' nucun José. José winacon taramaxicon Davi ac con na. Ta hehe ma cam me ta. An ram narima' nem ma', Maria ma'. Je Tamataracon Iri' Jam ca mi' nam pain ca nam' nequem ta na ca tomi' con ma'.

Mateus 22:2

Carawa ca ara ne pain ca taramaxicon pe ho' cocon oro wari' Iri' Jam ma', an xiho' nain carawa ca ara ne con taramaxicon ma', co an ta' narima' panxica. Taramaxicon ma', tomi' ac ca na: Cut in xi', cao' querec te wi xijexi' pain ca an ta' narima' panxita' cwa' ta na.

João 3:29

Win ca wari' co an tam narima' ma'. Win ma' ca ma' iri na ne, quep xiho' e' non, tomi' querec te e' non. Taraju iri nain ca tomi' nucun ne, tomi' querec te ac ca na. Ac i ma' ina con Jeju quem. Tomi' querec te tamana ina pain ca tomi' hwet mahu' cocon oro wari' co hwet nonon ta.

2 Coríntios 11:2

Xi jain jain ara xuhu' pain ca querec wet xo' xuhu' ta. Wirico Iri' Jam co mi' napa' pain, jain jain pan nuhu' pain ca querec wet xo' xim cuhu' quem. Querec querec ac xojam' co om quep xirac cwa' mahu', wara tomi' an pe mi' inuhu' con Cristo, co ac iri' tarama' nuhu' ma' quem. Xica' pe tara Cristo co tarama' ne hwe ta inuhu' quem.

Efésios 5:23

Tarama' ma', taramaxicon pe ho' ara xi' nam manacon. Ac winacam na. An xiho' non Cristo co taramaxicon pe ho' napari' pain ca howa xun ca'. Ac winaxi' na, ac curucun ac iri' na quem. Wirico Cristo co to' witan napari' pain ca howa xun ca'.

Efésios 5:32

Pain capijacon Iri' Jam ca tomi' ta' ca', con tarama' co pe ho' pin nam manacon ma', awi tamana na ca coromicat nucun ca an hwet mi' capari' ca', ca om taraju pa' iri' ira. Ca' na ca taraju pa' ne quem: Tomi' non Cristo pain ca om noc capari' pain ca howa xun ca', ac i ma' na ca taraju pa' ne.

Filipenses 3:3

Xi iri' wari' nucun Iri' Jam pan caca ta. Wari' pan, pain ca howa xun Cristo cwa', wari' co iri' wari' ne ca Iri' Jam ta. Tamataracon pan ca mi' napari' pain ca in ac xun ca'. Tomi' querec te pan urun Cristo Jeju co to' wari' nucun Iri' Jam napari' quem. Om ca howa camain' xin carawa ca ara pan iri' ca', om na.

Apocalipse 11:13

Piri' mama' iri nana ne, cocoroc mip ac ne na macan'. Jao horohot um décimo pin ac ne na oro xirim ma', pain Jerusalém ma'. Cono' 7.000 ac caca na oro wari' quem. Co witan ca' nanain ma', jin' tamana ac caca na, in ac tamana ac cocon na Iri' Jam co pe pawin ma' quem.

Apocalipse 19:9

Xirao' ca' ra ta ac capa' na jam co taramaja mi' non Iri' Jam: Param mi' tata pain ca awi wa oro wari' co tomi' wawa pain ca harahap je, cao' querec te wi xijexi' con co ma' co ac Wijimain Taramaji Ovelha ma', co an pin tam nam narima' ta na. Tomi' tomi' tiquin' ac capa' na: Je ca tomi' ca Iri' Jam cwa'. Iri'o' na ca tomi' nucun ta na.

Apocalipse 21:2

Querec ac tain na cidade nucun Iri' Jam ma', Xocori Jerusalém ma'. Quiji' qui' nain ca pe pan ca pain pawin cain. Awi tamana na, an xiho' nam narima' co ara awi pan xequem con wom co awi ma', pain ca winim' con taxicam co an tam nam ma'.

Apocalipse 21:9

Hwet ac capa' na jam co taramaja mi' non Iri' Jam ma', co win ma' ne nonon co cut nanain too ca ma' 7 ma', ca moin' pe nain oro ca xirac wa ca ma' 7 ma' quem, tomi' ac capa' na: Hap ra, an hwet mi' xim cam narima' ma', co an ta' ca co ma' co ac Wijimain Taramaji Ovelha ma', ac i ma' na ca tomi' capa' ma'.