Apocalipse 19:6 - Tradução Bíblica Pacaas Novos

⁶ Taraju ac tain na ca tomi' pa tamana wa quem. Ac ca mija caca na wari' co tomi' pa pan xucucun. Ac ca xain ne pacun pain ca weweweo tamana ne com na, ac ca toroho mip ca na comerem ma' quem. Merem ac caca na: Aleluia! Tomi' querec te xun Iri' Jam nexi' ta! Xi om ne ca Iri' Taramaxicon ara ca ta. Hwara' opa pan na ta.

Apocalipse 19:6 Iomraidhean Croise

Mateus 6:13

Narain ho' xut pain ca tomi' querec caparut Caxicon Jam quem. To' witan ca' xut con quem. Wum pan ara xi' na co Iri' Taramaxicon cara ma'. Tama' hwara' opa cara ma quem. Tama' awi tamana na ta cara nenem oro wari' cwa' quem. Amém, iri'o' na ca tomi' ne ta. Ac i ma' je pain ca tomi' xun hun Iri' Jam ta na ca tomi' tococwa ma'.

Apocalipse 1:15

Toc meremem na caximacon ma', an xiho' nain bronze ca an tom pe xine pain xe ma', ca xic mip ac xine na quem, querec ac i ma' na caximacon. Ca tomi' nucun ma' quem, ac ca xain ne pacun pain ca weweweo tamana ne com na.

Apocalipse 1:8

Tomi' ca' na Taramaxicon Iri' Jam: Wata' co Alfa cwa', wata' co Ômega cwa'. Wata' co ma' cara cwa', wata' co wara ma', pain cara pane, wata' co maqui' ta' ma' quem. Wata' co hwara' opa pan. Ac i ma' na ca tomi' ca pane.

Apocalipse 12:10

Taraju ac tain na ca tomi' wa ca maqui' nain pawin. Tomi' mip ca' na: Maqui' pin iri na xec nein ca to' witan pin toton oro wari' ne ta na Iri' Jam nexi', je pain ca tomi' joc mam' mi' cain ca hwara' opa nucun, je pain ca Taramaxicon pin ca ca'. Maqui' pin iri na xec nein ca tora' ca Cristo ma' quem, pain ca hwara' opa pan ca pain ca Taramaxicon pin ca ca'. Xi xin hwet pin ara tocwa co ma' co xina non Iri' Jam ma', co tomi' em' taxipa' nonon oro xerexi' pain xec je pain xim quem.

Apocalipse 14:2

Taraju ac tain na ca ac ca tomi' wa paxi' ne ma'. Maqui' nain pawin. Ac ca xain ne pacun pain ca weweweo tamana ne com na, ac ca toroho mip ca comerem na quem. Ac ca tao' xine na cote ne ca ac violão paxi' ma' quem.

Apocalipse 19:1

An hwet mi' iri napa' pain oro ca hwet pa' tain nain Babilônia ne, taraju ac tain na ca tomi' pa tamana wa. Ac ca mija caca na oro co tomi' querec te xucucun pain pawin ma'. Merem mip ca' nana: Aleluia! Tomi' querec te xun Iri' Jam nexi' cwa'! Wirico co to' witan napari'. Tomi' hwet xin ca awi tamana nucun. Querec pin' xun pain ca hwara' opa tamana nucun.

Apocalipse 19:4

Torotop to ac caca na oro taramaxicon co ma' 24 nana ma'. Pe torotop mi' querec te nonon Iri' Jam ma', co xao pe pe nain ca mam' xao pe nucun pain ca Taramaxicon ca ma'. Merem ac caca na: Amém, iri'o' na ca tomi' nuxut ta. Aleluia! Tomi' querec te xun Iri' Jam ta! Ac i ma' na ca merem caca ma'.

Apocalipse 21:22

Om ca querec camain' tain xirim ca in ac pe tocwa Iri' Jam pain cidade ma' quem. Xi om ne ca pe pan ara cain Taramaxicon Iri' Jam co hwara' opa tamana pan ta. Pe nain co ma' co ac Wijimain Taramaji Ovelha ma' quem. In ac pan tata, to pan nanain maxinain xirim ca in ac to tococwa.

Apocalipse 4:5

Mija na ca coc wein ca comerem ma', coc wein qui' nain ca mam' xao pe nucun taramaxicon ma'. Toroho mip na comerem quem, mija na. To quima hwet non naran ca wara tom ma', ca ma' 7 ma', ca ac Tamataracon Iri' Jam ma' quem.

Apocalipse 6:1

Querec ac ton na co ma' co ac Wijimain Taramaji Ovelha ma'. Querec inon pain ca pa cain ca hupa' caho' nein tapari carawa ca joc top ma'. Ma' 7 na ca hupa' caho' nein ma'. Pa ac cain na ca ma' cain' nein. Taraju ac ton na win ma' caca co e' nana ma', co ac jam paxi' nana ma'. Tomi' mip na, ac comerem na ca tomi' nucun. Hap ra ta ac ca na.

Apocalipse 8:5

An ac cain na too ca mam' tom pe xine waraqui pana ma', cut ho' moin' ac cain na pain tirijein xe ca to nain pana ca in ac pe tocwa Iri' Jam, wixicaracao' camara' mi' ac cain na pain macan' ma' quem. Toroho mip ac ca na comerem, mija na. Coc irija' ac ca na, cocoroc ac ne na macan' quem.