Apocalipse 19:4 - Tradução Bíblica Pacaas Novos

⁴ Torotop to ac caca na oro taramaxicon co ma' 24 nana ma'. Pe torotop mi' querec te nonon Iri' Jam ma', co xao pe pe nain ca mam' xao pe nucun pain ca Taramaxicon ca ma'. Merem ac caca na: Amém, iri'o' na ca tomi' nuxut ta. Aleluia! Tomi' querec te xun Iri' Jam ta! Ac i ma' na ca merem caca ma'.

Apocalipse 19:4 Iomraidhean Croise

Mateus 28:20

Ca' na jujun pain oro capija ca tomi' xuhu' pane quem, ma' ta tomi' ha' tomi' ha' xam' cacain ta. Mam' pe wet jein i ca' quem: Pe ho' cara xuhu'. Pi' pin pa' ma' tarapa' macan' ca' pahu', om ta an to camain' xuhu'. Ac i ma' na ca tomi' caparut pain ca taxipa' urut con ca'. Je i ma'.

Mateus 6:13

Narain ho' xut pain ca tomi' querec caparut Caxicon Jam quem. To' witan ca' xut con quem. Wum pan ara xi' na co Iri' Taramaxicon cara ma'. Tama' hwara' opa cara ma quem. Tama' awi tamana na ta cara nenem oro wari' cwa' quem. Amém, iri'o' na ca tomi' ne ta. Ac i ma' je pain ca tomi' xun hun Iri' Jam ta na ca tomi' tococwa ma'.

1 Coríntios 14:16

Mo ta tomi' xun Iri' Jam pain ca in ac xun quem, mo ta tomi' e' xun pain xijein ca capija wa ca om wara tomi' taxi' iri' ca'. Mo ta pe ho' capari' wari' co om taraju pa' ma'. Ha' tara ca amém ac ca pain ca tomi' nexi' ra? Xi taraju pa' capari' pain ca tomi' nexi' ta.

Apocalipse 15:7

Ma' na co win ma' ne nonon caram ma' co e' nana ma', co ac jam paxi' nana ma', co ma' 4 nana ma', mi' mi' xam' ac tococwa na pain ouro ma', ca wara moin' pe nain carawa ca tomi' joc mam' mi' nain ca mana' tamana nucun Iri' Jam ma', co e' cara ma'.

Apocalipse 19:1

An hwet mi' iri napa' pain oro ca hwet pa' tain nain Babilônia ne, taraju ac tain na ca tomi' pa tamana wa. Ac ca mija caca na oro co tomi' querec te xucucun pain pawin ma'. Merem mip ca' nana: Aleluia! Tomi' querec te xun Iri' Jam nexi' cwa'! Wirico co to' witan napari'. Tomi' hwet xin ca awi tamana nucun. Querec pin' xun pain ca hwara' opa tamana nucun.

Apocalipse 19:3

Merem mami' ac caca na co tomi' querec te xucucun pain pawin: Aleluia! Tomi' querec te xun Iri' Jam ta! Piri' cara tarain tajain xe pain ca tom pin cam ta. Ac i ma' na ca merem nucucun.

Apocalipse 19:6

Taraju ac tain na ca tomi' pa tamana wa quem. Ac ca mija caca na wari' co tomi' pa pan xucucun. Ac ca xain ne pacun pain ca weweweo tamana ne com na, ac ca toroho mip ca na comerem ma' quem. Merem ac caca na: Aleluia! Tomi' querec te xun Iri' Jam nexi' ta! Xi om ne ca Iri' Taramaxicon ara ca ta. Hwara' opa pan na ta.

Apocalipse 5:14

Amém, iri'o' na ca tomi' nuxut ta ac caca na caram ma' co e' nana ma', co ac jam paxi' nana ma', co ma' 4 nana ma'. Oro xucucun taramaxicon co ma' 24 nana ma', pe torotop mi' querec te ac cocon na co ma' co ac Wijimain Taramaji Ovelha ma', pe torotop mi' querec te nonon Iri' Taramaxicon co xao pe pe nain ca mam' xao pe nucun quem.