Apocalipse 19:11 - Tradução Bíblica Pacaas Novos

¹¹ Querec ac tain na pawin pain ca pa xat ne ma'. Pe quima hwet napa' cavalo ca towo'. Wari' co xao pe nain ma', tocwan na wixicon. Co Om Mixein Camain', Co Iri'o' Taxipa', je i ma' oro wixicon. Tomi' xo' iri tata oro wari' pain oro carawa ca ara caca ne, om ca wap ximao tococwa, wap xo' e' tata. Mixita xo' tata oro co noc nonon ma', om ca mixita ximao camain' tococwa.

Apocalipse 19:11 Iomraidhean Croise

João 1:51

Ame hwe e' ac caparut na. Main querec jein ca pa ne nanawin. Querec ac huhun tara oro jam co taramaja mi' nonon Iri' Jam quem. Querec jujun pain ca piri' hwet cacain pawin je pain ca quiji' hwet cacapa' pain ca Iri' Wari' ta' ca' quem. Tomi' iri'o' inuhu' ta ac caparut na.

João 14:6

Om na, wata' co Iri' Wanaxicon Te Iri' Jam pan cwa' ta ac ca na Jeju. Wata' co an hwet mi' nuhu' pain ca iri'o' wa con. Wata' co mi' nuhu' pain ca e' cara wa quem. Xica' pe ina pain ca mi' taxi' xuhu' pain ca hwet hun Te ta. Om na xucun.

Apocalipse 1:5

Param inon Jeju Cristo pain ca quep xiho' cuhu' pain ca mi' cuhu' pain ca param nucun, param inon pain ca mi' cuhu' pain ca om toron ne xumuhu' quem. Wirico Jeju co tama' tomi' iri'o' ma', co to' e' mami' cain' ca Iri' Jam pane, co iri' Taramaxicon co hwara' opa tiquin' ca' nonon oro taramaxicon co taramaxicon to nanain oro xijein macan' ca'. Wirico Jeju Cristo co om noc napari' ta. To' witan ca' napari' pain ca caracat nexi' ca'. Mam' to' witan napari' pain quicon.

Apocalipse 11:19

Pa ac xine na xiricon Iri' Jam pain pawin ma'. Querec ac tain na iri' panaxicon ma', ca cut ho' pe xine pacun ca xirao' pe mi' tococwa oro wari' nucun ma', pain ca tomi' ha' xine tococwa ma'. Coc irija' ac ca na comerem ma', toroho mip pan na comerem quem, mija na. Cocoroc ac ne na macan' ma' quem. Nuru mip ac ne na camana', camara' ac ne na caji pacun nein xowi' ma' quem. Mija na.

Apocalipse 19:19

Querec ac ton na co ma' co ac caji carawa co mana' tamana ma', co hwet qui' nain cote ne com ma'. Querec inonon oro taramaxicon co taramaxicon to nanain oro xijein macan', querec inonon oro soldado nucucun ma' quem. Wara cut in xucucun pain ca mixita xun cocon co ma' co xao pe nain cavalo ma'. Mixita xun nonon oro soldado nucun ma' quem.

Apocalipse 19:21

Oro taramaxicon cocon oro soldado nucucun ma' iri nana ne, to' parapa' pin ac tococwa na, mam' to' parapa' tata pain cote ne quit ca hwet qui' nain capijacon co ma' co xao pe nain cavalo ma'. Cao' cao' pi' pin ac cocon na maho. Ma'am ca' nonon quem.

Apocalipse 3:14

Tomi' ac capa' na: Xirao' mi' ron co ma' co querec wet nonon co howa to nanain Laodiceia. Xirao' mi' ac i ca' ron: Je i ca' ca tomi' xim cuhu' Iri' Wari' co wara tora' ca Iri' Jam pane, wirico co iri'o' ma'. Je i ca' ca tomi' xim cuhu' co Amém na wixicon ma', co om mixein camain' pain ca tomi' hwet cain oro ca iri'o' wa con Iri' Jam ma', co taramaxicon pe ho' nain oro carawa jimao ca tomi' ma' pin ca Iri' Jam pane. Tomi' ca' xim nuhu':

Apocalipse 3:7

Tomi' ac capa' na: Xirao' mi' ron co ma' co querec wet nonon co howa to nanain Filadélfia. Xirao' mi' ac i ca' ron: Je i ca' ca tomi' xim cuhu' co ma' co wara tora' ca Iri' Jam pane, co pe ni ca' nain ca caracat wa ma', wirico co iri'o' ma'. Je i ca' ca tomi' xim cuhu' co pe ho' non ca mam' pa xine manain ca corom ac xine cidade nucun Taramaxicon Davi cara pane. Mo ta pa cain manain, om ca tao' pa' ac cain xucun wari'. Mo ta tao' pa' cain, om ca pa ac cain xucun wari' quem. Tomi' ca' xim nuhu':

Apocalipse 4:1

Pi' pin iri na ca tomi' capa' ne, noro ac ta' na, querec ac tain na man ca pa xat pain pawin ma'. Tomi' mami' ac capa' na co wara tomi' napa' ma', co an xiho' nain caji taracom ca tomi' nucun ma'. Tomi' ac capa' na: Piri' qui' ra, an hwet mi' ac xim tara pain oro carawa ca maqui' ta' ma' quem, ac i ma' na ca tomi' capa' ma'.

Apocalipse 6:2

Noro ac ta' na, pe quima hwet ac capa' na cavalo ca towo'. An nain temem' co ma' co xao pe nain. An pe mi' ac tocwa na pain winacon caji waji' nucun taramaxicon. Hwet mao ac ca na, ma' ta to' quiji' pin toton oro co noc nanapa' ta, win ta' pane na.