Apocalipse 18:2 - Tradução Bíblica Pacaas Novos2 Merem mip ac ca na: Om pin na, om pin na Babilônia co hwara' opa tamana nana oro wari' nein ma'. Ma' e' nana oro caxicon jam co om querec awi nana ma', wiricoco co xaraxa to nanain Babilônia pain xocori ca'. Oro caji me co om querec awi ma', co noc tamana ca Iri' Jam, je ca xaraxa to nain quem. Faic an caibideil |
Apocalipse 18:2
26 Iomraidhean Croise
To wet iri caca ma' ac tococwa tara pain wana ca xuruxut ac caca oro wari' pain ximijain cote ne cidade ma', pain Jerusalém ma', ca tatatain pe tocwa pain pana Taramaxicon nexi' co taramaja mi' caca ma'. Ma' na ca wuxu ni mao ne Jerusalém ma' quem. Sodoma, je Egito, ac i ma' na ca wuxu ni mao ne ma'. Tomi' joc mam' mi' ara xi' tata oro wari' nein pain ca caracat tamana nucucun ta.
Hwet qui' ac cain xiricon Iri' Jam na xucun jam co taramaja mi' non ma'. Merem mip ac con na co ma' co xao pe pe nain tajain nanawin ma'. An rain caji quit nem ma', wac cut rain winain pain oro caramaji xitot pain oro xijein macan' ma'. Xi paca' pin ara ne ta. Maqui' pin ara xi' na xec pain ca cut xin xine ta. Ac i ma' na ca tomi' con ma'.
Mao iri na jam co taramaja mi' non Iri' Jam ne, co maqui' cain' ma', maqui' ac ca na xucun jam co taramaja mi' non Iri' Jam. Ma' 2 pin nana. Tomi' ac ca na: Om pin na cidade pain Babilônia, om pin na Babilônia co hwara' opa tamana nana oro wari' nein ma'. Tomi' joc mam' mi' nam caxicam narima' co param ni ca' non taxicam ma'. Ac ca caracat wi xijexi' ta tococwa na oro xucucun wari' co to nanain oro xijein macan' ma', ac ca toc jein ta tococwa na pain comi uva ca mana' ma', ca an xiho' nain ca param ximama' xine oro ca om awi wa. Ac i ma' na ca tomi' ca ma'.
Querec ac toton na oro caxicon jam co ac tururu nana. Ma' 3 nana. Hwet qui' nain capijacon co ma' co ac caji hop xucun. Xucun ma', hwet qui' nain capijacon co ma' co ac caji carawa co hwet qui' cain' ma' quem. Xucun ma' iri na ne, hwet qui' ac cain na capijacon co ma' co hwet qui' pa'ao' ma', co profeta mixein ma', pain ca tomi' hwet taxipa' cain oro ca tomi' mixein nucun co hwet qui' cain' ma' quem.
Cocoroc iri na macan' pain cidade ma' ne, je pain Babilônia co hwara' opa tamana nana oro wari' nein ma', taparapa' pin ac ne na, taparapa' pan na macan'. Ma' 3 na cote ne ca taparapa' nein. To ni to ni xam' ac ne na. To' om pin ac xine na oro cidade pain oro xijein macan' quem. Iri' Jam ma', om ca ji'am pin cain ca pan teretem nucucun oro wari' nein Babilônia ma', co hwara' opa tamana paxi' nana pane. Toc jein ta ac tococwa na pain comi uva nucun ca mana' ma', ca tomi' joc mam' mi' nain ca mana' tamana nucun ma', ca ji'ao mi' ca pain ca mam' toc nucun ca an xiho' nain ca mana' tamana nucun ma'.
Xirao' pe na pain jitaracam wixicam quem. Ma' na ca tomi' mao ne wixicam, i'ina na ca taraju pa' xine ca tomi' mao nein. Ca' na ca xirao' pe nein wixicam: Babilônia cwa', co hwara' opa tamana nana oro wari' nequem cwa', ac ca wijima cacam na oro caxicam narima' co param ni ca' nonon waram taxicacam ma'. Ca' na nanam pain oro ca pan teretem wa ca noc pan ca Iri' Jam. Je i ma' ca tomi' mao nein wixicam ca xirao' pe xine pain jitaracam.
Jin' tamana tatara, am wap xim cacapari' quem tatara. To pira ca' e' totoron, merem ac caca tara: Wa urut pahu' ta oro wari' nein Babilônia! Ximin hwe! Wa wa tamana paxi' nunuhu' oro wari' pane ira. Hwara' opa tamana paxi' hwe pane ira. Ane maqui' pa' hap cuhu' carawa ca to' ximin nuhu' ne, pain ca wap pin cuhu' Iri' Jam. Ane ane ximin pin hwe ta. Ac i ma' tara ca merem caca oro xucucun taramaxicon.
An ac cain na cote ne pacun jam co hwara' opa ma', co taramaja mi' non Iri' Jam. Cote ne pacun ta, ac iri' cote ne pacun ca mam' ep wa ma'. Xin pocom pin ac ca na pain cote ne com. Tomi' ac ca na: Ac i ma' tara ca xin mi' xine pain macan' cote ne cidade ma', Babilônia ma', ca wa wa tamana caca oro wari'. Om ta querec mami' camain' xine.
Sanasan