Biblia Todo Logo
Bìoball air-loidhne

- Sanasan -




Apocalipse 18:19 - Tradução Bíblica Pacaas Novos

19 Wixicaracao' mi' ac xucucun tara pain winacocon pain tajain macan'. Awaran tamana tatara, mija tatara. Merem ac caca tara: Wa urut pahu' ta oro wari' nein cidade ma'. Ximin hwe! Wa wa tamana paxi' nunuhu' oro wari' pane ira. Caramaju pin paxi' nana oro waximain cote ne mam' horoho wa, xi om ne oro caramajuhu' pane ta. Ane to' om pin xine ne. Ane ane ximin hap hwe ta. Ac i ma' tara ca merem nucucun.

Faic an caibideil Dèan lethbhreac




Apocalipse 18:19
13 Iomraidhean Croise  

Jin' tamana tatara, am wap xim cacapari' quem tatara. To pira ca' e' totoron, merem ac caca tara: Wa urut pahu' ta oro wari' nein Babilônia! Ximin hwe! Wa wa tamana paxi' nunuhu' oro wari' pane ira. Hwara' opa tamana paxi' hwe pane ira. Ane maqui' pa' hap cuhu' carawa ca to' ximin nuhu' ne, pain ca wap pin cuhu' Iri' Jam. Ane ane ximin pin hwe ta. Ac i ma' tara ca merem caca oro xucucun taramaxicon.


Xi ara em' pin ara tococwa oro wari' co to nanain oro xijein macan' ta. Ac ca toc jein ta tococwa na pain comi uva ca mana' ma', ca tomi' joc mam' mi' nain oro ca param ximama' cama caxicam narima' ma'. Ac ca caracat wi xi' ta tococwa na oro xucucun taramaxicon co taramaxicon to nanain oro xijein macan' ma', pain ca param ni ca' xun Iri' Jam ta tococwa ma'. Oro wari' co maqui' nanain oro xijein macan' ma', co vender taxipa' nanain oro carawa ma', caramaju tamana pin nana, xi om ne ca param ximama' ara cacain oro carawa ca awi oro wari' nein Babilônia ta. Ac i ma' na ca tomi' mip capa' jam co taramaja mi' non Iri' Jam ma', co quiji' qui' nain pawin ma'.


Je ca wap hap xun tococwa ta. Xica' pe tara xec nein ca maqui' pa' hap cocon oro ca xirac wa. Ma' tatara oro win ma' caca co cono' pin nana. Tomi' xaxa' tamana ac caca tara. Om pin totoron carawa ca cao' wa, pe' ac caca tara. Tom pin ac tococwa tara quem. Xi om ne ca hwara' opa pan ara ca Iri' Jam co iri' Taramaxicon ma', co wap toton nonon ma'. Ac i ma' na ca tomi' wa ca maqui' nain pawin.


Co ma' co ac caji carawa co hwet qui' cain' ma', wiricoco co ac oro pixicon co ma' 10 nana ma' quem, noc pin tataram caxicam narima'. Cut ca' cut ca' pi' pin tataram pain oro carawa nequem. Womicam quem, hot ca' tataram con womicam, hwet pe ac ne tara cwerequem. Cao' pin ac cacain tara cwerequem, tom tom pi' pin ac cacam tara quem.


Lean sinn:

Sanasan


Sanasan