Apocalipse 17:9 - Tradução Bíblica Pacaas Novos

⁹ Mo ta coromicat xo' ma, ha' terem pain ca taraju pa' wa ta ac capa' na. Winacon co ac caji carawa ma', ca ma' 7 ma', tomi' joc mam' mi' nain oro ca tamaja ne macan' ca ma' 7 ma' quem, ca xao pe pe cama narima' ma'.

Apocalipse 17:9 Iomraidhean Croise

Mateus 13:11

Tomi' ac caparut na: Wara coromicat xo' na Iri' Jam pane. Main taramaxicon pe ho' toton oro wari' co howa nanapa' ta na, ac i ma' paxi' na ca coromicat xo' nucun pane. Ane om tomi' hwet tococwa pain oro wari' ne. Wahu' pain ca taxipa' mahu' ca', an hwet mi' nuhu' pain ca coromicat xo' nucun. Mi' nuhu' pain ca taraju pa' wa. Oro xucucun wari' co om howa nanapa' ma' iri nana ne, om ca mi' tococwa pain ca taraju pa' wa quem.

Mateus 24:15

Je ca tomi' xuhu' ca' ac caparut na. Main xat pe tarain cote ne xiricon Iri' Jam caji pacun ca Iri' Jam xi' ma ca. To' em' pin tarain cote ne xiricon Iri' Jam. Wara xirao' pe nain profeta Daniel cara pane. (Wahu' pain ca noro hwein ca xirao' ne ca', taraju pa' je ta.) Querec iri jein ne,

Apocalipse 13:1

Querec ac ton na co ma' co ac caji carawa co mana' tamana ma'. Hwet qui' nain cote ne com. Ma' 7 na winacon, ma' 10 na pixicon quem. Pain oro pixicon ma', ma' ma' xam' nain caji waji' nucun taramaxicon. Xirao' pe pan nain oro winacon oro ca om awi wa ca tomi' napat non Iri' Jam quem.

Apocalipse 13:18

Taraju pa' xin i ca': Wari' co taraju pa' ma', querec pin' tarain ca tomi' mao ne número nein wixicon co ac caji carawa co hwet qui' cain' ma'. Número nucun ma', tomi' joc mam' mi' nain wixinain ca wari' wa. Je i ca' número nucun: 666 na ta.

Apocalipse 17:18

Narima' co querec ma ma', tomi' joc mam' mi' nain cidade ca wa wa caca oro wari' ma'. Wiricam co taramaxicon pe ho' nonon oro xucucun taramaxicon co taramaxicon to nanain oro xijein macan'.

Apocalipse 17:3

Pe ho' mip ac capa' na Tamataracon Iri' Jam. O mao ac capa' na jam co taramaja mi' non ma', o mao napa' pain mahweri. Querec ac tam na narima' co xao pe pe nain xunucun co ma' co ac caji carawa co hwet qui' cain' ma', co paca' ma'. Xirao' pe xirao' pe xam' ta pain oro curucun oro ca om awi wa ca tomi' napat non Iri' Jam. Ma' 7 na winacon, ma' 10 na pixicon quem.

Apocalipse 17:7

Tomi' ac capa' na jam co taramaja mi' non Iri' Jam: Para wa wa tamana mam narima' ma' quem? Tomi' xo' xim cam, tomi' xo' xim pain carawa ca tomi' joc mam' mi' cama ma'. Tomi' xo' xim pain carawa ca tomi' joc mam' mi' ca co ma' co ac caji carawa co hwet qui' cain' ma', co xao pe pe cama ma', co ma' 7 ne winacon ma', co ma' 10 ne pixicon ma' quem.