Apocalipse 17:5 - Tradução Bíblica Pacaas Novos

⁵ Xirao' pe na pain jitaracam wixicam quem. Ma' na ca tomi' mao ne wixicam, i'ina na ca taraju pa' xine ca tomi' mao nein. Ca' na ca xirao' pe nein wixicam: Babilônia cwa', co hwara' opa tamana nana oro wari' nequem cwa', ac ca wijima cacam na oro caxicam narima' co param ni ca' nonon waram taxicacam ma'. Ca' na nanam pain oro ca pan teretem wa ca noc pan ca Iri' Jam. Je i ma' ca tomi' mao nein wixicam ca xirao' pe xine pain jitaracam.

Apocalipse 17:5 Iomraidhean Croise

Filipenses 3:19

Mama' tatarain cote ne xe, xi om ne ca win xumu ara cacain ca param pan nucucun ta. Ac ca iri' jam ne cacain na ca param pan nucucun. Xec xec nana pain ca pan teretem nucucun, xi wixipa' pan caca pain ta. Coromicat e' nanain oro caramaji macan'.

2 Tessalonicenses 2:7

Wara hwara' opa pin paxi' na Caxicon Jam pain xocori ca'. Wara meo taparu paxi' nain ximicocon oro wari' pain ca to' ari pin cocon con Iri' Jam. Ane ma' ne i ma' ca ma' caho' non caxicon wari' co iri' waximain ca caracat wa ne. Ma' caho' ma' caho' pan toron, aram aram an in mao pan ac cain tara Iri' Jam.

Apocalipse 1:20

Tomi' xo' xim inem con oro pijo' pain oro ca mam' tom pe ne naran ca' quem. Ma' na ca tomi' mao nucun oro pijo' co ma' 7 cwa', co querec ma cwa', co cut ta' pain mu pain iri' cwere ca'. Ma' na ca tomi' mao nein ca mam' tom pe ne naran ca' quem, ca ma' 7 ca'. Oro pijo' cwa', co ma' 7 cwa', tomi' joc mam' mi' nonon co an xin tiquin' mi' nonon pain ca tomi' ne oro co howa to nanain oro cidade ca ma' 7 ma'. Oro ca mam' tom pe ne naran ca' iri na ne, ca ma' 7 ca' quem, tomi' joc mam' mi' nonon oro co cut in xucucun pain ca howa cacapa' ma', co to nanain oro cidade nucucun ca ma' 7 ma'. Ac i ma' na ca tomi' capa' ma'.

Apocalipse 11:8

To wet iri caca ma' ac tococwa tara pain wana ca xuruxut ac caca oro wari' pain ximijain cote ne cidade ma', pain Jerusalém ma', ca tatatain pe tocwa pain pana Taramaxicon nexi' co taramaja mi' caca ma'. Ma' na ca wuxu ni mao ne Jerusalém ma' quem. Sodoma, je Egito, ac i ma' na ca wuxu ni mao ne ma'. Tomi' joc mam' mi' ara xi' tata oro wari' nein pain ca caracat tamana nucucun ta.

Apocalipse 14:8

Mao iri na jam co taramaja mi' non Iri' Jam ne, co maqui' cain' ma', maqui' ac ca na xucun jam co taramaja mi' non Iri' Jam. Ma' 2 pin nana. Tomi' ac ca na: Om pin na cidade pain Babilônia, om pin na Babilônia co hwara' opa tamana nana oro wari' nein ma'. Tomi' joc mam' mi' nam caxicam narima' co param ni ca' non taxicam ma'. Ac ca caracat wi xijexi' ta tococwa na oro xucucun wari' co to nanain oro xijein macan' ma', ac ca toc jein ta tococwa na pain comi uva ca mana' ma', ca an xiho' nain ca param ximama' xine oro ca om awi wa. Ac i ma' na ca tomi' ca ma'.

Apocalipse 16:19

Cocoroc iri na macan' pain cidade ma' ne, je pain Babilônia co hwara' opa tamana nana oro wari' nein ma', taparapa' pin ac ne na, taparapa' pan na macan'. Ma' 3 na cote ne ca taparapa' nein. To ni to ni xam' ac ne na. To' om pin ac xine na oro cidade pain oro xijein macan' quem. Iri' Jam ma', om ca ji'am pin cain ca pan teretem nucucun oro wari' nein Babilônia ma', co hwara' opa tamana paxi' nana pane. Toc jein ta ac tococwa na pain comi uva nucun ca mana' ma', ca tomi' joc mam' mi' nain ca mana' tamana nucun ma', ca ji'ao mi' ca pain ca mam' toc nucun ca an xiho' nain ca mana' tamana nucun ma'.

Apocalipse 17:1

Hwet ac capa' na jam co taramaja mi' non Iri' Jam ma', co win ma' ne nonon co cut nanain too ca ma' 7 ma', ca moin' pe nain oro ca xirac wa ma'. Tomi' ac capa' na: Hap ra, an hwet mi' xim pain carawa ca hwet pa' tam nam caxicam narima' ma', co hwara' opa paxi' ma', co xao pe pe nain ca mija pe nein oro iri' cwerein com ma'. An hwet mi' xim pain carawa ca ara tam cam Iri' Jam ma', pain ca wap tam cam ma'.

Apocalipse 17:2

Caracat wi xi' ta nonon oro taramaxicon co taramaxicon to nanain oro xijein macan', win ne ca param ni ca' ton taxi cwa', param ni ca' jun Iri' Jam ta nonon. Oro wari' co to nanain oro xijein macan' ma' quem, ac ca toc tamanain to cacain na comi uva nequem ca mana' ma', ca tomi' joc mam' mi' nain oro ca om awi wa ca ara cama pain ca caracat wi cocon oro xucucun taramaxicon.

Apocalipse 17:7

Tomi' ac capa' na jam co taramaja mi' non Iri' Jam: Para wa wa tamana mam narima' ma' quem? Tomi' xo' xim cam, tomi' xo' xim pain carawa ca tomi' joc mam' mi' cama ma'. Tomi' xo' xim pain carawa ca tomi' joc mam' mi' ca co ma' co ac caji carawa co hwet qui' cain' ma', co xao pe pe cama ma', co ma' 7 ne winacon ma', co ma' 10 ne pixicon ma' quem.

Apocalipse 18:2

Merem mip ac ca na: Om pin na, om pin na Babilônia co hwara' opa tamana nana oro wari' nein ma'. Ma' e' nana oro caxicon jam co om querec awi nana ma', wiricoco co xaraxa to nanain Babilônia pain xocori ca'. Oro caji me co om querec awi ma', co noc tamana ca Iri' Jam, je ca xaraxa to nain quem.

Apocalipse 18:21

An ac cain na cote ne pacun jam co hwara' opa ma', co taramaja mi' non Iri' Jam. Cote ne pacun ta, ac iri' cote ne pacun ca mam' ep wa ma'. Xin pocom pin ac ca na pain cote ne com. Tomi' ac ca na: Ac i ma' tara ca xin mi' xine pain macan' cote ne cidade ma', Babilônia ma', ca wa wa tamana caca oro wari'. Om ta querec mami' camain' xine.

Apocalipse 19:2

Xi om ne ca iri'o' taxipa' ara ca ta. Ara xo' taxipa' na pain ca wap tococwa oro caracat co to nanain Babilônia ma', co hwara' opa tamana paxi' nana ma', co ara em' pin nonon co to nanain oro xijein macan' ma', pain ca an xiho' xut ta tococwa pain ca param ni ca' cocon Iri' Jam pane. Wap pin nonon Iri' Jam, wahu' pan co em' nana ta nonon, xi om ne ca to' parapa' pin ara tococwa oro wari' ne co taramaja mi' nanapa' ta nonon. Ac i ma' na ca merem mip caca co tomi' querec te xucucun pain pawin ma'.

Apocalipse 7:3

Ame hwe e', ta to' em' querec hwein macan' pain oro cote ne com pain oro pana me ta ac tococwa na. Xirao' cain' xut pain jitaracocon oro co taramaja mi' nonon Iri' Jam nexi' cwa', to' em' pin ac hwein tara macan' je oro cote ne com je oro pana ta ac tococwa na.