Apocalipse 17:3 - Tradução Bíblica Pacaas Novos

³ Pe ho' mip ac capa' na Tamataracon Iri' Jam. O mao ac capa' na jam co taramaja mi' non ma', o mao napa' pain mahweri. Querec ac tam na narima' co xao pe pe nain xunucun co ma' co ac caji carawa co hwet qui' cain' ma', co paca' ma'. Xirao' pe xirao' pe xam' ta pain oro curucun oro ca om awi wa ca tomi' napat non Iri' Jam. Ma' 7 na winacon, ma' 10 na pixicon quem.

Apocalipse 17:3 Iomraidhean Croise

Mateus 27:28

Hot ca' nonon con womicon, pe ac cocon na con cote ca wom ma', co ac womicon taramaxicon co paca' awi ma'.

Atos 8:39

Hwerehwet ca' iri nanain com ne, ane ane om pin ac ca na Filipe ma'. Tamataracon Iri' Jam na ca an mao non. Wari' ma' iri na ne, om ca querec mami' con Filipe. Xut tiquin' mao ac ca na. Tomi' querec te tamana na quem.

2 Tessalonicenses 2:4

Caxicon wari' ma', co iri' waximain ca caracat wa ma', noc tamana toron Iri' Jam. Noc tamana tarain oro caji pacun ca Iri' Jam xi' ma caca oro wari' ma' quem. Oro ca pe torotop mi' querec te caca pain ca howa cacain ma', noc tamana tarain quem. Xec xec tamana tara. Xao pe pin tarain cote ne xiricon Iri' Jam ca in ac pe tocwa. Wata' co Iri' Jam ta ac ca tara.

Apocalipse 1:10

Xec nein ca mam' pe wet xine ca e' mami' ca Taramaxicon nexi' pin iri na ne, pain domingo pain cara pane, pe ho' mip ac capa' na Tamataracon Iri' Jam. Taraju ac tain na ca tomi' wa ma', pain wara ma'. Tomi' mip na. Ac ca on xine caji taracom napa'.

Apocalipse 12:14

Quep tam paxi' na, ane mi' cam pain tapaxicon cote ca wajo Iri' Jam ne, ma' 2 na tapaxicon wajo ca mi' cam ma'. Ma' ta ha' quem pain ca taqui' mao main mahweri cain, ca wara an pe xo' mi' xim cain nam. Querec wet pe ac xim tara pain i cain ta nam. Ma' 3 tara cawaxi' pain ca querec wet pe xim pain i cain, ximijain xijein cawaxi' pa' terem quem, querec wet xo' xim ta. Om ta quep ac quem co ma' co ac caji hop ma', co caxicon em' ma' nam.

Apocalipse 12:3

Hwet qui' ac ne na xijein carawa pain pawin. Tomi' joc mam' mi' nain carawa ca maqui' ta' ma' quem. Co ma' co ac iri' cote ne hop na co hwet qui' ma'. Paca' na. Ma' 7 na winacon, ma' 10 na pixicon quem. Pe pe xam' nain oro winacon caji waji' nucun taramaxicon.

Apocalipse 12:6

Mo mao ac cama na jicon ma', pain mahweri ma'. Wara an pe xo' nain ca pe ra cam Iri' Jam. Ma' ta querec wet pe xima pain i cain ta nam. Je ca mo mao cama ma'. Ma' 1.260 na xec pain ca querec wet tacama pain i cain.

Apocalipse 17:18

Narima' co querec ma ma', tomi' joc mam' mi' nain cidade ca wa wa caca oro wari' ma'. Wiricam co taramaxicon pe ho' nonon oro xucucun taramaxicon co taramaxicon to nanain oro xijein macan'.

Apocalipse 17:4

Caxicam narima' ma', pe non wom co tum ma', co paca' ma' quem. Mija na dinheiro nucun womicam. An warawa pan xequem pain oro xijein too ca mam' xec xec cama ma' quem, je ouro, je oro pacun ca awi tamana, je oro xijein wijimain pacun ma' quem, pérola na wixinain. An na pain micam ouro ca moin' pe nain oro ca om awi ma', ca noc tamana pan ca Iri' Jam. Moin' pe nain oro ca pan tem tamana nequem pain ca param ni ca' con Iri' Jam ma'.

Apocalipse 18:12

Mo na oro carawa ca vender taxipa' caca ma': Ouro, je prata, je oro pacun ca awi tamana, je oro wirain pacun ca awi ca pérola caca ma'. Vender taxipa' nonon oro wom co awi tamana, co mija dinheiro nucun ma', oro wom co quep maram toto, oro wom co paca' ma' quem. Vender taxipa' nanain oro xijein pana ca hu awi ma', je oro ca mam' quep xine pain xinain elefante ma', ca mam' quep xine pain oro pana ca awi tamana, je oro ca mam' quep xine pain oro too ma', bronze pain ferro ma', je oro pacun ca awi ca towo' tamana ma' quem.

Apocalipse 18:16

merem ac caca tara: Wa urut pahu' pain ca to hwein cidade ma', pain Babilônia ma'. Ximin hwe! Wa wa tamana paxi' nunuhu' oro wari' pane ira. To paxi' hun wom co awi tamana, co mija dinheiro nucun pane, to paxi' hun wom co paca' pane quem. An warawa paxi' xujuhu' pain oro xijein too ca mam' xec xec hwe pane, je oro pacun ca awi tamana, je oro xijein wijimain pacun ma' quem, pérola ma'.

Apocalipse 21:10

Pe ho' mip ac capa' na Tamataracon Iri' Jam. O mao ac capa' na jam co taramaja mi' non quem, o mao napa' pain cote ne pacun ca mao tamana pawin. An hwet mi' ac capa' na pain Jerusalém ma', iri' cidade nucun Iri' Jam ma', ca quiji' qui' nain pawin ma'. Maqui' nain ca pe pan ca Iri' Jam.

Apocalipse 4:2

Ane ane pe ho' mip ac capa' na Tamataracon Iri' Jam. Pe quima hwet ac capa' na ca mam' xao pe ca taramaxicon ma', pain pawin ma'. Querec inon co xao pe pe nain ma'.