Apocalipse 17:16 - Tradução Bíblica Pacaas Novos

¹⁶ Co ma' co ac caji carawa co hwet qui' cain' ma', wiricoco co ac oro pixicon co ma' 10 nana ma' quem, noc pin tataram caxicam narima'. Cut ca' cut ca' pi' pin tataram pain oro carawa nequem. Womicam quem, hot ca' tataram con womicam, hwet pe ac ne tara cwerequem. Cao' pin ac cacain tara cwerequem, tom tom pi' pin ac cacam tara quem.

Apocalipse 17:16 Iomraidhean Croise

Apocalipse 12:3

Hwet qui' ac ne na xijein carawa pain pawin. Tomi' joc mam' mi' nain carawa ca maqui' ta' ma' quem. Co ma' co ac iri' cote ne hop na co hwet qui' ma'. Paca' na. Ma' 7 na winacon, ma' 10 na pixicon quem. Pe pe xam' nain oro winacon caji waji' nucun taramaxicon.

Apocalipse 16:12

Mao ac ca na xucun ma', co ja' corom mao nonon ma', ma' 6 pin ac caca na jam co mama' nana. Ji'ao pin ac cain na ca xirac wa ca moin' pe nain too nucun. Ji'ao mi' nain pain cote ne iri' cwerein com ma', pain Eufrates ma'. Ji'ao mi' iri nain pain ne, am pin ac ne na quem. Pit pin na com. Ac ca wara quep xo' mi' tococwa na pain wana oro taramaxicon co maqui' xi' nana pain pira cain, pain ca maqui' ac ca xina cain.

Apocalipse 17:10

Oro winacon ma', an xiho' nonon oro taramaxicon co ma' 7 nana ma' quem. Wara to' om 5 pin tata, taramaxicon taramaxicon wet ac ca na xucun ma', om ca maqui' querec ca xucun ma' quem. Maqui' pin iri tara xucun ne, mi' ac tocwa tara pain ca taramaxicon wijimain e' ca, om ta taramaxicon cara ca.

Apocalipse 18:19

Wixicaracao' mi' ac xucucun tara pain winacocon pain tajain macan'. Awaran tamana tatara, mija tatara. Merem ac caca tara: Wa urut pahu' ta oro wari' nein cidade ma'. Ximin hwe! Wa wa tamana paxi' nunuhu' oro wari' pane ira. Caramaju pin paxi' nana oro waximain cote ne mam' horoho wa, xi om ne oro caramajuhu' pane ta. Ane to' om pin xine ne. Ane ane ximin hap hwe ta. Ac i ma' tara ca merem nucucun.

Apocalipse 18:8

Je ca wap hap xun tococwa ta. Xica' pe tara xec nein ca maqui' pa' hap cocon oro ca xirac wa. Ma' tatara oro win ma' caca co cono' pin nana. Tomi' xaxa' tamana ac caca tara. Om pin totoron carawa ca cao' wa, pe' ac caca tara. Tom pin ac tococwa tara quem. Xi om ne ca hwara' opa pan ara ca Iri' Jam co iri' Taramaxicon ma', co wap toton nonon ma'. Ac i ma' na ca tomi' wa ca maqui' nain pawin.

Apocalipse 19:18

Cao' rain curucucun oro taramaxicon cocon oro comandante cocon oro soldado nucucun ma'. Cao' rain cwerein cavalo, cao' rain curucucun co xao to nanain, cao' rain curucucun oro wari' co noc nonon Iri' Jam ma'. Co taramaja mi' pan xucucun ma', co taramaja mi' e' nonon xucun wari' ma', co om hwara' opa nana ma', co hwara' opa nana ma' quem, cao' pin rain curucucun ta. Ac i ma' na ca merem mip con oro maho jam co taramaja mi' non Iri' Jam.