Apocalipse 17:15 - Tradução Bíblica Pacaas Novos

¹⁵ Tomi' tomi' tiquin' ac capa' na quem. Oro iri' cwerein com ca querec ma ma', ca xao pe pe cama caxicam narima' ma', tomi' joc mam' mi' nonon oro wari' co to nanain oro xijein macan'. Mija nana, capija ni ca' xucucun.

Apocalipse 17:15 Iomraidhean Croise

Apocalipse 10:11

Tomi' ac capa' na: Tomi' hwet mami' rain carawa ca hwet pa' ton nonon oro wari' cocon oro taramaxicon pain oro xijein macan' ma', wiricoco co to ni ca' nonon oro xucucun wari' pain macaracocon ma', co to nanain oro xijein macan' ma', wiricoco co capija ni ca' xucucun ma' quem. Tomi' hwet mami' roron pain carawa ca hwet pa' ton nonon ta, ac i ma' na ca tomi' capa' ma'.

Apocalipse 11:9

Querec querec xam' totoron oro wari' co to ni ca' nonon oro xucucun wari' pain macaracocon ma', co xucun wari' xucun wari' pi' pin nana ma', co capija ni ca' xucucun ma', co maqui' nanain oro xijein macan' ma' quem, querec querec xam' tatarain curucucun co to' parapa' wawa ma'. Ma' 3 tara xec pain ca querec e' cacain curucucun. Tocon xina pain xijein xec pa' totoron quem, querec e' tatarain curucucun. Narain ho' ac tococwa tara oro wari' pain ca tequi' pa' cocon quem.

Apocalipse 17:1

Hwet ac capa' na jam co taramaja mi' non Iri' Jam ma', co win ma' ne nonon co cut nanain too ca ma' 7 ma', ca moin' pe nain oro ca xirac wa ma'. Tomi' ac capa' na: Hap ra, an hwet mi' xim pain carawa ca hwet pa' tam nam caxicam narima' ma', co hwara' opa paxi' ma', co xao pe pe nain ca mija pe nein oro iri' cwerein com ma'. An hwet mi' xim pain carawa ca ara tam cam Iri' Jam ma', pain ca wap tam cam ma'.

Apocalipse 5:9

Com ac cacain na xocori tamara': Wum co awi tamana, wum co hohot pain ca an main tapari carawa ca joc top ma', je pain ca pa main oro ca hupa' caho' nein ma'. Xi om ne ca to' pa' pin ara xima pane ta. Cut mi' momon con Iri' Jam oro wari' co xucun wari' xucun wari' pi' pin nana ma', co capija ni ca' nonon oro xucucun wari' ma', co to ni ca' nonon oro xucucun wari' pain macaracocon ma', co to nanain oro xijein macan' ma' quem. Pain ca cut mi' momon con Iri' Jam ma', mam' to' witan momon pain cocum.