Apocalipse 17:1 - Tradução Bíblica Pacaas Novos

¹ Hwet ac capa' na jam co taramaja mi' non Iri' Jam ma', co win ma' ne nonon co cut nanain too ca ma' 7 ma', ca moin' pe nain oro ca xirac wa ma'. Tomi' ac capa' na: Hap ra, an hwet mi' xim pain carawa ca hwet pa' tam nam caxicam narima' ma', co hwara' opa paxi' ma', co xao pe pe nain ca mija pe nein oro iri' cwerein com ma'. An hwet mi' xim pain carawa ca ara tam cam Iri' Jam ma', pain ca wap tam cam ma'.

Apocalipse 17:1 Iomraidhean Croise

Lucas 24:32

Wirico ma' ira ac xucucun na. Om ca meo toto ne ximixi' pain ca tomi' tomi' capari' pain wana ra? Meo toto napari' ca' ira! Tomi' querec te tamana iri' pain iri' ximixi' pain ca tomi' xo' capari' pain ca xirao' pe xine capijacon Iri' Jam ne xucucun.

Lucas 9:30

Hwerehwet qui' ac caca na wari' ma', pijim' ac cocon na Jeju. Wirico Moisés con Elias cara pane.

Apocalipse 1:1

Je i ca' carawa ca maqui' ta' ma', ca an hwet pe ca Jeju Cristo pane. Wirico Iri' Jam co an hwet mi' pan non pain, an xin tiquin' mi' roron pain oro co taramaja mi' nanapa' pain macan' ta non. Om ta pain homa ne, maqui' ac ne tara ta non. Mam' ac capa' na con jam co taramaja mi' non ma', tomi' hwet ron pain João cwain, co taramaja mi' napa' cwain non, tomi' hwet ac capa' pain na quem.

Apocalipse 15:1

Querec ac tain na xijein carawa pain pawin. Tomi' joc mam' mi' nain carawa ca maqui' ta' ma'. Wa wa tamana inain. Querec inonon jam co taramaja mi' nonon Iri' Jam. Ma' 7 nana. Ma' 7 na oro ca xirac wa ca ara xi' caca ma', ca to' jain jain xun nonon oro wari' pain oro xijein macan' quem. Pi' pin iri tara ca to' jain jain xun tococwa ne, pi' pin ac ne tara ca mana' nucun Iri' Jam.

Apocalipse 16:19

Cocoroc iri na macan' pain cidade ma' ne, je pain Babilônia co hwara' opa tamana nana oro wari' nein ma', taparapa' pin ac ne na, taparapa' pan na macan'. Ma' 3 na cote ne ca taparapa' nein. To ni to ni xam' ac ne na. To' om pin ac xine na oro cidade pain oro xijein macan' quem. Iri' Jam ma', om ca ji'am pin cain ca pan teretem nucucun oro wari' nein Babilônia ma', co hwara' opa tamana paxi' nana pane. Toc jein ta ac tococwa na pain comi uva nucun ca mana' ma', ca tomi' joc mam' mi' nain ca mana' tamana nucun ma', ca ji'ao mi' ca pain ca mam' toc nucun ca an xiho' nain ca mana' tamana nucun ma'.

Apocalipse 18:1

An hwet mi' iri napa' pain carawa ca hwet pa' xim tacama caxicam narima' jam co taramaja mi' non Iri' Jam ne, querec ac ton na xucun jam co taramaja mi' non Iri' Jam. Quiji' qui' nain pawin. Hwara' opa tamana na. Toc meremem tamana na, toha mi' nain oro xijein macan'.

Apocalipse 19:2

Xi om ne ca iri'o' taxipa' ara ca ta. Ara xo' taxipa' na pain ca wap tococwa oro caracat co to nanain Babilônia ma', co hwara' opa tamana paxi' nana ma', co ara em' pin nonon co to nanain oro xijein macan' ma', pain ca an xiho' xut ta tococwa pain ca param ni ca' cocon Iri' Jam pane. Wap pin nonon Iri' Jam, wahu' pan co em' nana ta nonon, xi om ne ca to' parapa' pin ara tococwa oro wari' ne co taramaja mi' nanapa' ta nonon. Ac i ma' na ca merem mip caca co tomi' querec te xucucun pain pawin ma'.

Apocalipse 19:9

Xirao' ca' ra ta ac capa' na jam co taramaja mi' non Iri' Jam: Param mi' tata pain ca awi wa oro wari' co tomi' wawa pain ca harahap je, cao' querec te wi xijexi' con co ma' co ac Wijimain Taramaji Ovelha ma', co an pin tam nam narima' ta na. Tomi' tomi' tiquin' ac capa' na: Je ca tomi' ca Iri' Jam cwa'. Iri'o' na ca tomi' nucun ta na.

Apocalipse 21:15

Jam co taramaja mi' non Iri' Jam ma', co tomi' napa' ma', an nain taparain pana ca mam' tacan wa, ac taparain pana paxi' na, mam' quep ta pain ouro. Tacan tain cidade ma', je oro manain ca corom ac xine ma', je cote ne pacun ca tao' caho' nain ma' quem ac ca na.

Apocalipse 21:9

Hwet ac capa' na jam co taramaja mi' non Iri' Jam ma', co win ma' ne nonon co cut nanain too ca ma' 7 ma', ca moin' pe nain oro ca xirac wa ca ma' 7 ma' quem, tomi' ac capa' na: Hap ra, an hwet mi' xim cam narima' ma', co an ta' ca co ma' co ac Wijimain Taramaji Ovelha ma', ac i ma' na ca tomi' capa' ma'.

Apocalipse 4:1

Pi' pin iri na ca tomi' capa' ne, noro ac ta' na, querec ac tain na man ca pa xat pain pawin ma'. Tomi' mami' ac capa' na co wara tomi' napa' ma', co an xiho' nain caji taracom ca tomi' nucun ma'. Tomi' ac capa' na: Piri' qui' ra, an hwet mi' ac xim tara pain oro carawa ca maqui' ta' ma' quem, ac i ma' na ca tomi' capa' ma'.