Apocalipse 16:7 - Tradução Bíblica Pacaas Novos

⁷ Taraju ac tain na ca tomi' wa ca maqui' nain pana ca in ac pe tocwa Iri' Jam. Tomi' ac ne na: Iri'o' na ca tomi' ca co ma' ta Taramaxicon Iri' Jam co hwara' opa pan. Iri'o' taxipa' ma, ara xo' taxipa' ma pain ca wap momon oro caracat. Ac i ma' na ca tomi' ne ma'.

Apocalipse 16:7 Iomraidhean Croise

Apocalipse 1:8

Tomi' ca' na Taramaxicon Iri' Jam: Wata' co Alfa cwa', wata' co Ômega cwa'. Wata' co ma' cara cwa', wata' co wara ma', pain cara pane, wata' co maqui' ta' ma' quem. Wata' co hwara' opa pan. Ac i ma' na ca tomi' ca pane.

Apocalipse 13:10

Wari' co wara coromicat an pe mi' ca Iri' Jam pain ca quep xun tocwa ma', quep ac tocwa tara. Wari' co wara coromicat an pe mi' ca Iri' Jam pain ca to' pa' pin xun tocwa pain cote ne quit ma', to' pa' pin ac tocwa tara pain cote ne quit. Je ca tomi' xuhu' pain ca wari' nucun Iri' Jam hwe ma': Quereme cara jein oro ca to' i'ina nuhu' ma'. Win xumu jun Iri' Jam, howa cara jun ta.

Apocalipse 14:10

wap ac tocwa tara, wap pan toron Iri' Jam. Ac ca toc rain ta tocwa tara pain comi uva nucun ca mana' ma', ca tomi' joc mam' mi' nain ca mana' tamana nucun ma', ca ji'ao mi' ca pain ca mam' toc nucun ca an xiho' nain ca mana' tamana nucun ma'. Iri' comi uva nucun, om ta joc wanan xine pain com, mana' tamana tara comi uva nucun. Om ta xiram pa' camain' tocwa wari' co toc rain wa ma'. Jain jain tamana tara pain xe, je pain pacun ca weo tamana ma', ca enxofre caca oro wari' ma'. Oro jam co taramaja mi' nonon Iri' Jam ma', wirico co ma' co ac Wijimain Taramaji Ovelha ma' quem, querec totoron pain ca jain jain tamana nucun.

Apocalipse 14:18

Hwet qui' ac ca na xucun jam co taramaja mi' non Iri' Jam, hwet qui' nain pana ca tom tain' pe xine incenso. Wirico co ma' co querec wet nain xe pain pana ma'. Hwet qui' iri na ne, merem mip ac con na co ma' co an nain caji quit ca wara xa ma', ca mam' wac xine winain uva ma': Mam' wac rain oro winain uva pain oro macori pain oro xijein macan' ma'. Cut in rain, xi paca' pin ara ne ta, ac i ma' na ca tomi' con ma'.

Apocalipse 19:2

Xi om ne ca iri'o' taxipa' ara ca ta. Ara xo' taxipa' na pain ca wap tococwa oro caracat co to nanain Babilônia ma', co hwara' opa tamana paxi' nana ma', co ara em' pin nonon co to nanain oro xijein macan' ma', pain ca an xiho' xut ta tococwa pain ca param ni ca' cocon Iri' Jam pane. Wap pin nonon Iri' Jam, wahu' pan co em' nana ta nonon, xi om ne ca to' parapa' pin ara tococwa oro wari' ne co taramaja mi' nanapa' ta nonon. Ac i ma' na ca merem mip caca co tomi' querec te xucucun pain pawin ma'.

Apocalipse 6:9

Co ma' co ac Wijimain Taramaji Ovelha ma', pa pin ac cain na wirain ca hupa' caho' nein tapari carawa ca joc top ma', ma' 5 pin ac ne na ca pa nein. Pa pin iri nain ne, querec ac tain na tamataracocon co to' parapa' pin wawa pain ca howa cacain capijacon Iri' Jam, je pain ca tomi' hwet cocon con Jeju oro wari' ma'. To nanain xiquijinain maxinain ca tomi' querec te pe tocwa Iri' Jam.