Apocalipse 16:3 - Tradução Bíblica Pacaas Novos

³ Mao ac ca na xucun ma', co ja' corom mao non ma', ma' 2 pin ac caca na jam co mama' nana. Ji'ao pin ac cain na ca xirac wa ca moin' pe nain too nucun. Ji'ao mi' nain pain cote ne com ma'. Ji'ao pin iri nain ne, wic pin ac ne na com. Ac quicon wari' co mi' pin ma'. Corojo na, taracu na. Cono' cono' pi' pin ac ne na oro carawa ca to nain oro com.

Apocalipse 16:3 Iomraidhean Croise

Atos 2:41

Mija nana wari' co howa nanain ca pijim' nucun Pedro. Ja' ac tococwa na pain com. Mija nana. Ac ca 3.000 caca na. Je i ma' xec nein ca jao jao ma' pin cocon oro wari' co howa nonon Jeju pane.

Apocalipse 10:2

Pain micon ma', an nain wijimain tapari carawa ca joc top ira. Wara pa na. Xijein caximacon pain iri' curucun ma', xin cam pe nain cote ne com. Xijein caximacon pain paraxicon ma' iri na ne, xom pe nain macan'.

Apocalipse 11:6

Caram ma' co pijim' hwet nanain capijacon Iri' Jam ma', mi' ac tococwa na pain ca hwara' opa wa pain oro xec nein ca pijim' caca. Ha' nonon pain ca tac caho' cacain xowi', je pain ca to' wic pin cacain com, je pain ca mam' to' em' pin cacain macan' je carawa pain oro ca xirac wa. Ara xin iri tatarain ne, ara ara ac cacain tara.

Apocalipse 13:1

Querec ac ton na co ma' co ac caji carawa co mana' tamana ma'. Hwet qui' nain cote ne com. Ma' 7 na winacon, ma' 10 na pixicon quem. Pain oro pixicon ma', ma' ma' xam' nain caji waji' nucun taramaxicon. Xirao' pe pan nain oro winacon oro ca om awi wa ca tomi' napat non Iri' Jam quem.