Apocalipse 16:2 - Tradução Bíblica Pacaas Novos

² Xucun ma', co mao cain' ta' ma', mao ac ca na, ji'ao pin ac cain na ca xirac wa ca moin' pe nain too nucun. Ji'ao mi' nain pain oro xijein macan'. Ji'ao mi' iri nain pain ne, nona pin ac caca na oro wari' co xirao' xirac wawa pain wixicon co ma' co ac caji carawa co hwet qui' cain' ma'. Nona pin nana co pe torotop mi' querec te nanain pacun ca ara an xiho' xine curucun ma'. Om ca xio camain' ne oro nonacocon. Caxi tamana nonon.

Apocalipse 16:2 Iomraidhean Croise

Atos 12:23

Wap hap ac con na Herodes jam co taramaja mi' non Taramaxicon nexi' ma'. To' caxi pin non. Xi tomi' in pin tococwa oro wari' pain ca Iri' Jam na co pijim' ma' ta cocon ta. Tomi' in pin xiroron. Om na, wata' cwa' ira, om ca Iri' Jam ta', awi tamana pan na Iri' Jam ta, tomi' in pin ac i ma' xiroron. Je ca wap con jam co taramaja mi' non Taramaxicon nexi' ma'. Cao' pin non caxicon cwam, mi' pin ac ca na.

Apocalipse 13:12

Taramaja mi' non co ma' co ac caji carawa co hwet qui' cain' ma', co xio pin pain ca to' tocwa pain winacon pane. Oro carawa ca ara ca ma', mam' ara nain pain ca hwara' opa nucun co ma' co hwet qui' cain' ma'. Tomi' mip tata oro wari' co to nanain oro xijein macan' ma': Tomi' ha' xine, pe torotop mi' querec te jun co ma' co hwet qui' cain' cwa' ta tata.

Apocalipse 14:16

Ara ac cain na co ma' co xao pe pe nain tajain nanawin quem. Wac cut ac cain na winain pain oro caramaji xitot pain oro xijein macan'. Cut cut pi' pin nain quem.

Apocalipse 14:9

Mao iri na co ma' ne, maqui' ac ca na xucun jam co taramaja mi' non Iri' Jam. Ma' 3 in nana. Tomi' mip ac ca na: Wari' co pe torotop mi' querec te nain caji pacun ca ara an xiho' xine curucun co ac caji carawa co mana' tamana ma', co hwet qui' cain' ma', wari' co xirao' xirac wa pain wixicon ma', pain jitaracon ma', am pain micon pain iri' curucun ma',

Apocalipse 16:1

Taraju ac tain na ca tomi' wa ca maqui' nain xiricon Iri' Jam. Tomi' mip tata oro jam co taramaja mi' non Iri' Jam, co ma' 7 nana ma': Wara mama' je ta, cut jein too nuhu' ca ma' 7 ma', ca moin' pe nain oro ca xirac wa ma'. Ji'ao mi' jujun pain oro wari' co to nanain oro xijein macan' ta. Ac i ma' na ca tomi' mip tococwa ma'.

Apocalipse 16:11

Tomi' napat nonon Iri' Jam co pe pawin ma', xi caxi tamana ara cocon oro nonacocon ta. Ximin paxi' nana, ane om cwirin' je ha' cacain oro ca om awi wa ca ara taxipa' caca ne.

Apocalipse 8:7

Xucun ma', co on cain' ta' ma', on ac cain na. On iri nain ne, wixicaracao' camara' mi' ac xine na pain macan' caji pacun nein xowi'. Wixicaracao' camara' mi' ta pain macan' xe ca joc wanan xine pain wic quem. Wiran um terço pin ac xine na macan', je oro pana, je oro tononoin ma'.