Apocalipse 16:16 - Tradução Bíblica Pacaas Novos

¹⁶ Harahap je ac caca na oro caxicon jam co ma' 3 nana ma'. Cut in xijexi', mixita xun Iri' Jam ta ac tococwa na oro taramaxicon ma'. Cut in ac xucucun na pain Armagedom ma', je i ma' wixinain ca cut in to xucucun pain capijacocon oro judeu ma', pain hebraico ma'.

Apocalipse 16:16 Iomraidhean Croise

João 19:13

Taraju iri nain ca tomi' nucucun oro wari' Pilatos ma' ne, o hwet qui' ac con na Jeju, xao pe ac cain na ca mam' xao pe nucun ma', ca tomi' querec pe cocon wari' co pan teretem nana ma'. Gabatá urut pain ca xao pe pe ca ma', je i ma' wixinain pain capijaxut pain ca judeu urut ca', pain aramaico ca'. Wana ca xao taparapa' xine pacun nein na ca tomi' mao ne wixinain quem.

João 19:17

Hwerehwet ca' ac cacain na cidade. Wirico pan na Jeju co an tiquin' nain panaxicon. Xuruxut xuruxut hwet ac cacain na ca tamaja pan ne macan' ma', ca Maxinain Tacawaji' caca oro romano ma'. Gólgota urut pain wixinain pain aramaico.

João 5:2

Ma' pe nain Jerusalém ca ja' pe wa com. Ac wijimain xuterem' paxi' na. Pe ja' pan nain cote ne man ca corom hwet ac wa oro xirim pain cidade ma'. Manain ca Corom Corom ac ne Ovelha na wixinain. Ma' 5 na xirim ca to to mam' pin nain ca ja' pe wa com ma'. Om ca tao' caho' xine oro xirim. Betesda urut pain wixinain ca ja' pe wa com pain aramaico ma', je i ma' wixinain capijaxut pain ca judeu urut ca'.

Atos 26:14

Camara' mama' camara' mama' pi' pin ac urut na pain macan'. Taraju ac tain na ca tomi' wa. Tomi' napa' pain capijaxi' pain ca judeu iri' ca', pain hebraico ca': Saulo. Saulo. Para quep em' mapa' quem Saulo? To' ara pan xijem pain ca ari mapa' ta na ca tomi' capa' pane.

Apocalipse 17:14

Mixita paxi' totoron co ma' co ac Wijimain Taramaji Ovelha ma', ane to' quiji' pin xun tococwa ne, xi wirico pan ara ne co hwara' opa tamana pan, co taramaxicon hwara' opa tiquin' ca' nonon oro xucucun taramaxicon ma'. Oro wari' co tora' ca ma', co howa xine ca ma', co win xumu nonon ma', to' quiji' wi totoron cocon oro xucucun taramaxicon. Ac i ma' na ca tomi' capa' jam co taramaja mi' non Iri' Jam.

Apocalipse 9:11

Ma' na caxicon jam co taramaxicon pe ho' non quem, wirico caxicon jam co taramaxicon pe nain cote ne man ca om tawirinain. Abadom na wixicon pain hebraico ma', je i ma' wixinain capijacocon oro judeu. Pain capijacocon oro grego ma' iri na ne, Apoliom na wixicon.