Apocalipse 16:14 - Tradução Bíblica Pacaas Novos

¹⁴ Iri' caxicon jam nana. Ara nanain oro ca om ara taxi' ne ca wari' wa ma', ca wa wa caca oro wari' ma'. Hwet ac tococwa na oro taramaxicon pain oro xijein macan'. Cut in xijexi', mixita xun Iri' Jam ta ac tococwa na. Xec nein ca mixita xi' nucucun ma', je i ma' tara iri' xec nein ca hwara' opa pan ca Iri' Jam.

Apocalipse 16:14 Iomraidhean Croise

Mateus 24:14

Pijim' mama' ac cacain tara oro xijein macan' oro wari' ne quem. Tomi' hwet tomi' hwet xam' ac cocon tara oro wari' pain capijacon Iri' Jam ma', pain ca tomi' xo' cocon pain ca taramaxicon pin ta' ca Iri' Jam ma'. Taraju taraju xam' iri tatara oro wari' ne, pi' pin ac ne tara macan' ta.

Lucas 2:1

Pan' qui' iri na João ne, om ca pain homa ne, tomi' ac ca na iri' taramaxicon nucucun oro romano ma', Augusto ma'. Tomi' tomi' pi' pin tata oro wari' co to nanain oro macan' ca taramaxicon pe ca pane. Na e' na pain ca xirao' to xine oro wuxuhu' ta tata.

João 8:44

Te hun Caxicon Jam ma' ira. An xiho' hun quem. Wara to' pa' taxipa' non wari' pain ca xo' quep qui' xine macan' pane, mao ac ne ma' na con, je curucun mao na. Noc nain ca tomi' iri'o' wa. Om ca tomi' iri'o' taxi' ca. Tomi' mixein iri na ne, ara e' nain carawa ca maqui' nain ximicon. Xi tomi' mixein taxipa' ara ca ta. Wirico co ja' tomi' mixein nonon oro wari' co tomi' mixein nana ma' quem.

Romanos 1:8

Tomi' cain' xuhu' pain i ca' quem: Tomi' querec te inon Iri' Jam ne cwa' pahu'. Wirico Jeju Cristo co mi' napa' pain ca tomi' querec te ton pahu'. Xi om ne ca taraju taraju xam' ara cucuhu' oro wari' pain oro xijein macan'. Howa nonon Jeju ta nunuhu' oro wari' pain oro xijein macan'.

2 Tessalonicenses 2:9

Pain ca om to' pa' pin querec tocwa caxicon wari' ma', co iri' waximain ca caracat wa ma', hwara' opa tamana tara. Wirico Caxicon Jam tara co mi' ton non pain ca ara cain ca om ara taxi' ne ca wari' wa ma'. Wa wa ximama' ac cocon tara oro wari'. Mija tara ca mixein cocon.

1 Timóteo 4:1

Tomi' xo' ca' napari' Tamataracon Iri' Jam: Wixicam pin iri tara xec nein ca in qui' ta' nucun Cristo Jeju ma' ne, ma' ac caca tara oro wari' co an to pin nanain capijacon Iri' Jam ca pijim' iri' ca'. Howa howa om pin tatarain. Howa pin ac cacain tara ca pijim' nucucun oro wari' co taraju wet e' nonon oro caxicon jam co mixein nana ma'. Ac i ma' na ca tomi' capari' Tamataracon Iri' Jam. Tomi' xo' napari' pain.

Tiago 3:15

Oro ca coromicat ximama' ac i ma' wa ma', om ca maqui' nein pawin. Maqui' nain macan'. Maqui' nain ca coromicat nein ca wari' wa pain ca om howa tocwa Iri' Jam ma'. Maqui' non Caxicon Jam.

1João 5:19

Taxi' xijexi' pain ca mana panxita' capari' Iri' Jam. Taxi' ururun oro co caracat taxipa' nana ma' quem, pain ca taramaxicon pe ho' pan cocon Caxicon Jam ma'.

Apocalipse 12:9

Xin hwet pin ac tocwa na co ma' co ac cote ne caji hop ma'. Wirico co ma' co caxicon em' cara pane, co mixein nonon hwanana pain cara pane. Wirico co Caxicon Jam ma', co Satanás na xijein wixicon ma', wirico co mixein taxipa' nonon oro wari' pain macan' ca'. Xin pan' hwet pin ac tocwa na pain macan'. Wixicaracao' camara' hwet pin ac tococwa na pain macan' oro caxicon jam co taramaja mi' nonon ma' quem.

Apocalipse 13:3

Ac ca wara to' tocwa na pain xijein winacon ma'. Mi' pin xira pain, ane xio pin ca ne. Wa wa wa wa pi' pin nonon oro wari'. Taxipa' ac cocon na quem.

Apocalipse 16:16

Harahap je ac caca na oro caxicon jam co ma' 3 nana ma'. Cut in xijexi', mixita xun Iri' Jam ta ac tococwa na oro taramaxicon ma'. Cut in ac xucucun na pain Armagedom ma', je i ma' wixinain ca cut in to xucucun pain capijacocon oro judeu ma', pain hebraico ma'.

Apocalipse 16:7

Taraju ac tain na ca tomi' wa ca maqui' nain pana ca in ac pe tocwa Iri' Jam. Tomi' ac ne na: Iri'o' na ca tomi' ca co ma' ta Taramaxicon Iri' Jam co hwara' opa pan. Iri'o' taxipa' ma, ara xo' taxipa' ma pain ca wap momon oro caracat. Ac i ma' na ca tomi' ne ma'.

Apocalipse 17:14

Mixita paxi' totoron co ma' co ac Wijimain Taramaji Ovelha ma', ane to' quiji' pin xun tococwa ne, xi wirico pan ara ne co hwara' opa tamana pan, co taramaxicon hwara' opa tiquin' ca' nonon oro xucucun taramaxicon ma'. Oro wari' co tora' ca ma', co howa xine ca ma', co win xumu nonon ma', to' quiji' wi totoron cocon oro xucucun taramaxicon. Ac i ma' na ca tomi' capa' jam co taramaja mi' non Iri' Jam.

Apocalipse 20:8

Mixein toton oro wari' co to nanain Gogue je Magogue ma' ac ca tara, hwet ac tococwa tara pain ca to cacain oro xijein macan'. Cut in xi', mixita xuxun oro wari' nucun Iri' Jam ta ac tococwa tara. Mija tatara oro wari' co cut in xi' nana, ac namaji pain cacarain cote ne com tatara pain ca tamana nucucun.

Apocalipse 3:10

Wara hu inuhu' pane, quereme cara jein oro ca to' i'ina nuhu' me inuhu' pane. Tomi' ha' mahu' quem. Je ca narain ho' xim xuhu' pain ca jain jain wa pain oro xec pain ca to' jain jain toton ta' oro wari' co to nanain macan' ma'.

Apocalipse 6:17

Xi maqui' pin ara xi' ne xec nein ca wap xim cacapari'. Om na wari' co witan ca' nain ca wap wa ta na ca merem nucucun.