Apocalipse 16:11 - Tradução Bíblica Pacaas Novos

¹¹ Tomi' napat nonon Iri' Jam co pe pawin ma', xi caxi tamana ara cocon oro nonacocon ta. Ximin paxi' nana, ane om cwirin' je ha' cacain oro ca om awi wa ca ara taxipa' caca ne.

Apocalipse 16:11 Iomraidhean Croise

2 Timóteo 3:13

Oro wari' co caracat nana ma' iri na ne, oro wari' co mixein nana pain ca ac ca iri'o' xi' ca' tara me caca ma' iri na ne, caracat caracat mao ac ne ma' tara cocon, caracat mip pin ac caca tara quem. Mija tara ca mixein caca, mija tara ca mixein tococwa quem.

Apocalipse 11:13

Piri' mama' iri nana ne, cocoroc mip ac ne na macan'. Jao horohot um décimo pin ac ne na oro xirim ma', pain Jerusalém ma'. Cono' 7.000 ac caca na oro wari' quem. Co witan ca' nanain ma', jin' tamana ac caca na, in ac tamana ac cocon na Iri' Jam co pe pawin ma' quem.

Apocalipse 16:2

Xucun ma', co mao cain' ta' ma', mao ac ca na, ji'ao pin ac cain na ca xirac wa ca moin' pe nain too nucun. Ji'ao mi' nain pain oro xijein macan'. Ji'ao mi' iri nain pain ne, nona pin ac caca na oro wari' co xirao' xirac wawa pain wixicon co ma' co ac caji carawa co hwet qui' cain' ma'. Nona pin nana co pe torotop mi' querec te nanain pacun ca ara an xiho' xine curucun ma'. Om ca xio camain' ne oro nonacocon. Caxi tamana nonon.

Apocalipse 16:21

Camara' pa' ac cocon na oro wari' caji pacun nein xowi'. Camara' qui' nain pawin. Iri' cote ne caji pacun nein xowi', xite na, ac ca ma' 35 ne na quilo nein ca xica' pe nein. Tomi' napat nonon Iri' Jam oro wari' quem, xi om ne ca xirac wa pain cote ne caji pacun nein xowi' ca camara' pa' nonon ta. Jain jain tamana nana pain.

Apocalipse 16:9

Jam' tamana nonon. Tomi' noro ac cocon na Iri' Jam ma', co to' jain jain nonon pain oro ca xirac wa ma'. Ximin paxi' nana, ane om cwirin' je ha' caca ne. Om ca in ac jun ha' cocon Iri' Jam quem.

Apocalipse 2:21

Cwirin' pin rain ca caracat nem ta paxi' inam, winim' paxi' inam pain ca an pe pin camain ca caracat nequem ma', ane noc camain ca cwirin' wa ne. Quep ne quep ne tiquin' nonon oro xucun tarama' ma'.