Apocalipse 16:1 - Tradução Bíblica Pacaas Novos

¹ Taraju ac tain na ca tomi' wa ca maqui' nain xiricon Iri' Jam. Tomi' mip tata oro jam co taramaja mi' non Iri' Jam, co ma' 7 nana ma': Wara mama' je ta, cut jein too nuhu' ca ma' 7 ma', ca moin' pe nain oro ca xirac wa ma'. Ji'ao mi' jujun pain oro wari' co to nanain oro xijein macan' ta. Ac i ma' na ca tomi' mip tococwa ma'.

Apocalipse 16:1 Iomraidhean Croise

Apocalipse 11:19

Pa ac xine na xiricon Iri' Jam pain pawin ma'. Querec ac tain na iri' panaxicon ma', ca cut ho' pe xine pacun ca xirao' pe mi' tococwa oro wari' nucun ma', pain ca tomi' ha' xine tococwa ma'. Coc irija' ac ca na comerem ma', toroho mip pan na comerem quem, mija na. Cocoroc ac ne na macan' ma' quem. Nuru mip ac ne na camana', camara' ac ne na caji pacun nein xowi' ma' quem. Mija na.

Apocalipse 14:15

Hwet qui' ac cain xiricon Iri' Jam na xucun jam co taramaja mi' non ma'. Merem mip ac con na co ma' co xao pe pe nain tajain nanawin ma'. An rain caji quit nem ma', wac cut rain winain pain oro caramaji xitot pain oro xijein macan' ma'. Xi paca' pin ara ne ta. Maqui' pin ara xi' na xec pain ca cut xin xine ta. Ac i ma' na ca tomi' con ma'.

Apocalipse 14:18

Hwet qui' ac ca na xucun jam co taramaja mi' non Iri' Jam, hwet qui' nain pana ca tom tain' pe xine incenso. Wirico co ma' co querec wet nain xe pain pana ma'. Hwet qui' iri na ne, merem mip ac con na co ma' co an nain caji quit ca wara xa ma', ca mam' wac xine winain uva ma': Mam' wac rain oro winain uva pain oro macori pain oro xijein macan' ma'. Cut in rain, xi paca' pin ara ne ta, ac i ma' na ca tomi' con ma'.

Apocalipse 15:1

Querec ac tain na xijein carawa pain pawin. Tomi' joc mam' mi' nain carawa ca maqui' ta' ma'. Wa wa tamana inain. Querec inonon jam co taramaja mi' nonon Iri' Jam. Ma' 7 nana. Ma' 7 na oro ca xirac wa ca ara xi' caca ma', ca to' jain jain xun nonon oro wari' pain oro xijein macan' quem. Pi' pin iri tara ca to' jain jain xun tococwa ne, pi' pin ac ne tara ca mana' nucun Iri' Jam.

Apocalipse 16:17

Mao ac ca na xucun jam ma', co ja' corom mao nonon win ma' ca ma', ma' 7 pin ac caca na jam co mama' nana. Ji'ao pin ac cain na ca xirac wa ca moin' pe nain too nucun. Ji'ao na pain pawin. Ji'ao iri nain ne, taraju ac tain na ca tomi' wa ca maqui' nain xiricon Iri' Jam ma', maqui' nain ca mam' xao pe nucun ma'. Tomi' mip ac ne na: Ara pi' pin inain oro ca ara ta' ta' pane na.